Tuesday, May 30, 2006

Rotana Cinema



عادة ما يكون التلفزيون مفتوحا امامي وأنا آكل في المنزل.. سواء غداء أو عشاء، او أي وجبة، فأنا لا أعرف فرقا بين غداء أوعشاء، فقط لقيمات يقمن صلبي L

***

بالأمس..كانت داليا البحيري تتحدث مع هالة سرحان في برنامج السينما والناس حول القبلة الموظفة توظيفا دراميا في نص سينمائي، وأنها قد تقبل نوعا من القبلات وترفض آخر، وما إلى ذلك من الكلام المستهلك إياه .

***

بعد قليل ، إختفى صوت هالة سرحان والضيفة داليا البحيري، ليظهر صوت مجموعة من العاملين، حاولت أن اعلم ما يقولون.. كانوا يتحدثون بلهجة مصرية، كانوا يتحدثون ويعلقون وهم على ما يبدو داخل الاستديو .

***

ذكرني المشهد بمحمود عبدالعزيز في فيلم الكيت كات الذي فضح أهالي الحي الذي يسكنه عندما ظهر صوته في الميكروفون كان يظنه مغلقا .

ومن ضمن ما سمعته على الهواء من حوار هؤلاء العاملين في روتانا سينما الآتي :

***

أبو صوت غليظ : هاه... حتجيب الغدا (رغم ان الساعة كانت 10 مساءا.. واضح أنهم مثلي ربما تكون وجبتهم الوحيدة هي الغدا)

كلام غير واضح ...

أبو صوت غليظ : يا واد يا وسخ... يا وسخ عيب كده . J

امراة تدخل في الحوار... وكلام غير واضح .

شاب آخر يتحدث بصوت غير واضح ... يتضح من الكلام ، "آه .. جبنه وكده..!"

ثم أبو صوت غليظ يتحدث للفتاة : إنتي بتاعت مييييين ..؟؟ او كان يقول البت دي بتاعت مييييين ..؟ (هل كان يقصد داليا البحيري ..؟ أم الفتاة ..؟ الله أعلم، ربما كان يقول شيء آخر تماما..!)

في النهاية.. تعرض الشاشة جزءا من فيلم ، وتظهر سيارة مكتوب على خلفيتها تويوتا .

أبو صوت غليظ : إيه ده ..؟ إعلان عن تويوتا أهه ..؟؟ J

***

تم قطع البرنامج ... وانتهى الأمر .

أعتقد أن رقبة المسئول عن هذا الخطأ سيتم قطعها أيضا ...!

17 comments:

http://www.elaph.com said...

حصل.. فعلا
وكنت حموت من الضحك على منظر داليا البحيري وبنت سرحان

tamer said...

ياعزيزى ما يحدث خلف الكميرا اشد وافتك من الذى سمعتة وكما نقول وما خفى كان اعظم

اشكرك على البوست الرائع

عشرة على عشرة

ayhm jzzan said...

روتانا سينما
مش هتقدر تغمض عينيك
على ما يبدو نحنا ما غمضنا
بس هم إلي غمضو عينهم

metkazy said...

ههههه
ربك لما يريد بقى
يارب يكتر من الفضايح بتاعة الناس دى

بوست جميل كعادتك

Ahmed Shokeir said...

مهما قالوا هانوريك اللي عمرك ماشفتوه

ولا ايه ياشيخ حسني..؟

manora said...

يا سيدى
تلاقيهم قالوا يقدموا حاجه تخلينا منغمضش عينيا فعلا!
بجد ربنا يكون فى عون صاحب الخطأ ده

Abdou Basha said...

عزيزي الإيلافي..
مرحبا بك

:)

تامر :

روتانا بالذات، وخصوصا مع هالة سرحان، الألفاظ الحادة مهمة جدا خلف الكاميرات، هذا ما سمعته من بعض الزملاء .

أيهم :

:)

أنا في وقت حسيت إن ده مقلب حد عامله فيهم :)


متكاظي :

شكرا لك :)

شقير :

منور البلوج .. من فترة مفتقدينك :)
هما مش ورونا قد ما سمعونا

منورا :

مفيش أخبار عن الموضوع اللي حصل في القناة طبعا.. بس أنا كان حظي حلو :)

change destiny said...

:) انت لسة شوفت حاجة ؟

أمال لو كنت بتتفرج على قنوات محلية

و للعلم أنا لا بتفرج على روتانا ولا المحليات

Anonymous said...

صحيح والله ما خفي كان اعظم .. انامن الاصل ما بحبش لا داليا البحيري ولا هالة سرحان .. بس مسكين ايل هيقع عليه مسئولية الخطأ ده ..

اه .. تعرف وانت بتقول عن حكاية اكلك لقيمات بسيطة .. فكرتني بجدو وهو بيقولنا .. واللهي انتم هيجيلكم انيميا البحر الابيض المتوسط ههههههههه

walaa said...

اسفه .. نسيت اكتب اسمي
هههههه

shady said...

يقول البت دي بتاعت مييييين ..؟
لو يقصد داليا طبعاً بتاعت الشعب
الجماهير الكادحه
قوى الشعب العاطل
الاهى ينشك فى نظره اللى يخصخصها قادر ياكريم

G.C.C.United said...

شكرا لرسم البسمه على شفاهنا ... و اعذرني لم ازورك لفتره طويلة و ها انا ارجع لعالم المدونات مرة أخرى ... منها و الى الأمام

nefertiti said...

aywa 7a9al..7awalt asma3 by2olo eh.
7aga etda7ak fe3lan :)

Abdou Basha said...

change destiny :

ربنا يوفقك في الامتحانات
القنوات المحلية دي حكاية تانية خالص.

:)

ولاء :

كلامك صح .. اكتر اللي قابلتهم مش بيحبوا لا هالة ولا داليا :)

شادي :
روتانا بتعتمد على الــ Entertainment بنسبة 100%


G.C.C.United :

أخي العزيز.. سعيد بمرورك، وننتظر جديدك دوما في مدونتك الراقية .

nefertiti :

كويس إني لقيت شاهد معايا كمان :)

maha said...

hehehe

أتخيل الموقف

=Pp

Abdou Basha said...

منورة البلوج يا مها ..

Anonymous said...

it's realy a good world thought