Monday, July 31, 2006

Drink and curse the jews


ميل جيبسون.. صاحب الفيلم الشهير آلام المسيح واللي أثار غضب اليهود، أتقبض عليه من يومين، وخرج بكفالة، وده لأنه كان بيقود السيارة وهو مخمور، المشكلة الحقيقية إن الحادثة دي على ما يبدو كانت فرصة لكتير من اليهود اللي كرهوه انهم يشمتوا فيه .

في أحد المواقع المهتمة بالفن.. بيقولو إن عندهم انفراد.. الانفراد أن الضابط اللي قبض على جيبسون قال في تقريره إن جبسون وهو مخمور أهانه، وانه كمان اتجه بعد كده لسب اليهود وقال إنهم سبب الحروب في العالم ...الخ، وسأل الضابط اذا كان يهودي ولا لأ ..؟

**

جريدة يديعوت أحرونوت الإسرائيلية، مكدبتش خبر... وصورت إن جيبسون اعتذر بعد كده على أهانته لليهود ومعاداته للسامية، والحقيقة إن اعتذاره مكانش على معادة السامية إنما كان عن أي مشكلة عملها – عموما - أثناء وقوعه تحت تأثير الخمور "بخصوص الواقعة السابقة"، ولم يشر إلى سب اليهود .

**

طبقا لنظرية المؤامرة.. فإحساسي إن الموضوع، مش بالصورة دي.. وان إقحام مسألة سب اليهود في التحقيق، ممكن تكون من عمل المحققين اللي عايزين يتشهروا على قفا الراجل خصوصا أن فيلمه كان أثار جدل مع اليهود، لما حملهم ذنب تاريخي في الفيلم .

ممكن..!؟

أصل ايه يخلي واحد مخمور.. وهو بيتقبض عليه، يشتم في اليهود ويقول أنهم سبب حروب العالم..؟؟

ممكن اقتراح تاني في القضية.. انه كان بيتفرج ع الجزيرة ولا حاجة، فاتخنق من إسرائيل واللي جابوها... فشرب كاسين.. وقام نزل خد العربية يلف بيها حبه.. قام اتقبض عليه ...

**

الدروس المستفادة من القصة :

اذا حبيت تشتم اليهود في امريكا، لازم تسكر الأول، وبعدين تطلع على أي طريق سريع .

5 comments:

Duke said...

اتفرج على الحلقة بتاعت ساوث بارك اللى بيتريقوا فيها على ميل جيبسون

ممكن تضحكك فى الايام السودة الى احنا فيها

bluestone said...

الراجل اصبح اكثر شخصية مكروهة من اليهود في العالم .. بغض النظر عن الفيلم او مضمونه الا انه جيبسون يمتلك شجاعة غير عادية لتنفيذه الفيلم ده وتحدي اليهود داخل وطنهم الاكبر أمريكا ..
ففي الولايات المتحدة يمكن ان تنبذ بسهولة ويعاديك الجميع وتصبح ارهابي ونكره إذا دست على طرف أي يهودي او مشيت على ضله حتى في اي شارع هتبقى معادي للسامية وليلتك سوده واهلك داعيين عليك ..

تصدق وتؤمن بالله .. من زمان وانا رأيي اني فعلا معجبة باليهود جدا في العالم .. وسياساتهم القوية وسيطرتهم وحماسهم المريع لهويتهم .. ومن زمان بقول ان البلطجة الدولية والصوت العالي والشغل من تحت لتحت والهيمنة على مقاليد الامور في اغلب اوروبا وامريكا امر مثار للاعجاب وكان لازم نتعلم منه ..

walaa said...

هي اكيد كانت مغامرة كبيرة جدا .. وكونه يقدم عليها وهو عارف انه بيقرب من شيئ مقدس ممكن يجلب ليه مشاكل "وبلاوي" ده في حد ذاته جراه منه ..

مش عارفه ليه بميل انا كمان اني اكون تبع نظرية المؤمرة .. بس تعرف انا برده معاك في الاقتراح التاني اصله عجبني اوي هههههههه

layal said...

اللي اعرفه ان ميل جيبسون ابوه يهودي وكان اهله هاربين من مذابح الهولوكوست الالمانيه
بس في نفس الوقت عنده اعتزاز كبير بأمريكا هذا رأيي الشخصي بعد مشاهدتي للعديد من افلامه
بالنسبه للشرب اعتقد انه الشخص لما يشرب يطلع كل اللي بداخله -فضيحه
:-)

saso said...

الجميل بقي ان كل الممثلين والمشاهير بيعاتبوة علي كلماتة الشريرة .. والحلوة الوحيدة اللي دافعت عنة طلعتة مجنون قالت انة بيعاني من مشاكل كثيرة

يعني مجنون وبيشد ف شعرة متاخدش علي
كلامة يا سيدنا العفريت