Thursday, August 10, 2006

اجابات

لقيت hero مرر لي الاستقصاء ده اللي عاملته حــــــلــم في مدونتها..

فكرة حلوة..

ححاول أجاوب ..


ـــ هل أنت راض عن مدونتك شكلاً وموضوعاً؟

.

موضوعا.. نعم راضي

شكلا.. إلى حد ما، فيه أمور عايز أغيرها ومش عارف، ومعنديش صبر ليها .

.
ـــ هل تعلم أسرتك الصغيرة بأمر مدونتك؟

.

نعم.. يعلمون، وغير مهتمين بها.
.

ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟

.

نعم.. البعض لن يفهمها، أو يفهم الغرض منها.
.

ـــ هل تسببت المدونات بتغيير إيجابى لأفكارك؟ اعطنى مثال فى حالة الاجابة نعم

.


لا أشعر بتغيير واضح، إلا أنها جعلتني أقترب أكثر من أنماط متنوعة... بعضها غريب.. البعض مثقف.. البعض لديه مهارات واضحة.. البعض الآخر بائس..الخ.

.
ـــ هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟

.

أسعى لاكتشاف المزيد..
.

ـــ ماذا يعنى لك عداد الزوار.. هل تهتم بوضعه فى مدونتك؟

.

هو إكسسوار بالدرجة الأولى.. الأهم منه كان الــ Visitors Online لأنه أصابني بدهشة عندما وضعته في المدونة لأول مرة، ولم أكن أصدق نتائجه.. وجدت زوار المدونة من بلدان مختلفة.
.


ـــ هل حاولت تخيل شكل اصدقائك المدونين؟ اعترف

.

قبل أن يصبح لدي مدونة.. كنت أتعامل مع الإنترنت والمنتديات و الصحف الالكترونية وغيرها، الآن أصبحت لا أحاول تخيل شكل أصدقائي عبر الانترنت، لأنه أحيانا ما تكون هناك مفاجآت في الشكل أو في الطباع، حتى أنني أصبحت أتخيل بعضهم بأشكال وصفات مريعة، كي لا أتفاجأ إذا ما قابلت أحدهم في يوم من الأيام..

لكن صدقا.. هناك بعض القريبين إلى نفسي، لا أستطيع أن أمتنع عن تصور ملامحهم.
.


ـــ هل ترى فائدة حقيقية للتدوين؟

.

ليس بالدرجة التي يتصورها البعض.. المهم بالنسبة لي أن أسجل أفكاري وانطباعاتي عما يدور من حولي كي أقيمها بعد فترة، وأحاول أن أكتشف نفسي.

ـــ هل تشعر أن مجتمع المدونين مجتمع منفصل عن العالم المحيط بك أم متفاعل مع الاحداث؟

.

الانترنت عموما.. أراها هروبا من الواقع، أو استراحة من الواقع.. قد يكون هناك تفاعل مع الأحداث، غير أن التفاعل بين الآخرين عبر الانترنت لايغير عقائد أو أفكار بالصورة التي يتخيلها البعض..

لا أدري.. ربما يكون الأمر هكذا بالنسبة لي فقط .
.


ـــ هل يزعجك وجود نقد بمدونتك ؟ أم تشعر انه ظاهرة صحية؟

.

لا أنزعج.. ما يضايقني هو أنني أحيانا ما أضع نقدا في مدونات آخرين وأندم.
.


ـــ هل تخاف من بعض المدونات السياسية وتتحاشاها؟

.

لأ.. مش بخاف.. ممكن أتخنق.
.

- هل صدمك اعتقال بعض المدونين؟

.

لأ.. كنت متوقع حاجة زي كده.
.



ـــ هل فكرت فى مصير مدونتك حال وفاتك؟

.

بعيد الشر عليا.. J

أتمنى إن أخويا يعرف يتعامل معاها ويمنع خاصية التعليقات عشان الشتيمة متوصلنيش في قبري .

بس أنا اللي فكرت فيه إنه لو حصلت ليا مشكلة لأي سبب – وده شيء وارد في بلد زيطة- إني كنت عايز حد يكتب عن مشكلتي في المدونة بتاعتي عشان ألاقي مساندة إذا أمكن .
.


ـــ آخر سؤال : تحب تسمع أغنية إيه- بلاش صيغة آمال فهمي دى - ما الأغنية التي تحب وضع اللينك الخاص بها في مدونتك؟

.

مش بحب أحط أغاني في المدونة

ممكن أحط في البوست هنا ..

مثلا أغنية قديمة لعبد الحليم حافظ متغاظ منهاعشان مش عارف المقام بتاعها إيه...!

اسمها

أحن إليك
.

ـــ اكتب أسماء خمسة مدونين ليقوموا بهذا الاستقصاء بعدك

.

ده استقصاء..؟

أكيد فيه صحفيين حيستفادوا منه J

خمسة مدونين...؟!

أتمنى يكونوا بس في مود كويس...

عموما هو مش إجباري يا جماعة

layal

لستُ أدرى

bosbos - taty

so7ab

Me2

15 comments:

Epitaph said...

صديقي

احييك كالعادة

وساعات الناس مش فاهمة اهمية التدوين فعلا ايه...ولا يهتموا بذلك

وانك تتعرف علي انماط مختلفة من البشر..اعتقد ان ده مكسب لوحده

اجاباتك جميلة..تكشف بعد جديدا لشخصيتك

تحياتي)))

walaa said...

بوست جميل أوى يا عبدالرحمن وإجاباتك كلها كمان جميلة .

وقفت عند نقطة تخيلك للآخرين بصفات وأشكال مريعة ههههههههه تصدق هي فكرة انك تبالغ في الصفات السيئة علشان بعد كده مهما طلع الواقع سيئ هيكون اقل سوء برده من تخيلنا ليه .. بس زي ما بتقول ان في ناس ما ينفعش نتخيلهم ابدا ابدا بصورة وحشه ..

كل الشكر ع البوست الجميل

حــلم said...

عبد الرحمن
عرفت سر اسم عبده باشا
كنت فاكراك خريج المعهد اياه
:)

اجاباتك واقعية ومنطقية جدا
وخصوصا فيما يتعلق بنظرتك انت للتدوين وللانترنت عموما
كثيرون ينظرون للانترنت انها عالم خيالى
وانها فعلا هروب من الواقع

قد يكون ذلك واقعا فى المنتديات
حيث تضطرك المجاملات الى تكرار الكلمات كالببغاء
وحيث تتحكم الشللية فى كل ما يكتب

لكنى اختلف معك فى واقع التدوين
فهو يحظى بسقف حرية عالى نسبيا
وملكية المدونة مباشرة لصاحبها تجعله غير مضطر لنفاق نفسه والاخرين

سعدت بالتواجد عندك
وما تقطعش الزيارات

layal said...

استقصاء جميل
ان شاء الله راح اعملوا

so7ab said...

بجد لطيف يا عبد الرحمن و اكيد هعمله

بس بجد عجبتنى ردودك اوى

Abdou Basha said...

Epitaph

العزيزة ابيتاف..من ساعات بس كنت بتكلم مع جاري وصديقي على التدوين وموقع بلوجر.. حسيت إنه مش مقتنع
في النهاية قلت له هو ده حاجة تنفع كده انسان مريض بالكتابة
:)

walaa
أنا لجأت للطريقة دي عشان متفاجئش.. :)
تقريبا نوع من التشاؤم
حصل إني قابلت ناس ولقيتهم غير ماكنت متصور تماما
بس فيه ناس نفسي أقابلهم بس بخاف من اللقاء
مش عارف إيه الوسوسة دي
:)

حلم
لأ انا مش من المعهد ده ولا من كلية الهندسة اللي في عبده باشا برضه، وعلى فكرة مش من العباسية خالص :)
بالنسبة للتدوين .. الميزة فيه إنه ممكن يحقق نوع من تبادل المعلومات، والتعرف على أنواع مختلفة من الأفكار .. وده شيء رائع مش بيتوافر في أماكن العمل اللي بتكون مغلقة على ذاتها .

ليال - صحاب
بشكركم على قبول الدعوة.. واسمحوا لي أزوركم عشان أعرف إجاباتكم :)

R7eeq said...

تعرفت على شخصيتك عن قرب ..

سعيده بذلك .

كن بخير ,,

Me2 said...

أنا مريحة دماغي من التخيلات أساسا
أحب الغموض فهو أكثر إثارة للخيال
ولا يهمني تخيل الآخرين لأنني في الواقع لن أراهم و لن يشكل الشكل فارقا معي... شكلا ما إنعزالية
شكرا على تمرير التاج لي :)

hero said...

WOW جاوبت

اجاباتك مقنعة وبتقول انك بتفكر كويس
تحياتي

وله نهايه said...

اسئله واجابات جيده جدا
بس الاسئله دي موجهه اليك من شخص ولا انت بتسال وبتجاوب علي نفسك؟

nefertiti said...

egabat waqe3ya gamel elpost :)

BaLqEeS said...

تسلم على مدونتك الحلوه

MAKSOFA said...

كما قلت عنك في بوستي الأخير
الأتقان هي السمه الغالبه علي مدونتك

Lasto-adri *Blue* said...

يااه.. اجاباتك ظريفة يا عبد الرحمن
بس سؤال.. هو انت ليك فى المقامات ازاى؟؟
طب واعرفها ازاى؟
بحب الموسيقى العربية بس مش بفهم فيها للأسف

ع العموم... انا بحب الاغنية دى.. وبحسها شبة "جميل يا أسمر".. مش كدة برضو؟! بتاعة النيل

معرفش لو يفيدك احساسى دة فى المقام ولا لاء

Abdou Basha said...

رحيق
شكرا لكلماتك الرقيقة
:)

Me2
العفو.. على فكرة أنا برضه مش نشط في مسألة لقاء أصدقاء الانترنت

هيرو
أهلا بيك وبشكرك على التمرير :)

وله نهاية
الأسئلة بتيجي لأي حد وهو بيوجهها لغيره بعد كده.. وأنا من موقعي هذا :) بأبعت لك الأسئلة وفي انتظار إجاباتك باذن الله .

نفرتيتي
انتي فين من زمان ..؟
حمدالله ع السلامة

بلقيس
تسلمي على كلماتك الطيبة

مكسوفة
سعيد بتعليقك، وبشكرك على الكلام الحلو ده :)

لست أدري
أنا كان ليا في الموسيقى حبتين وبنزل مسابقات في الجامعة (كلاسيك)، وكنت بعرف شوية في النوتة الغربي
أما الشرقي فعرفته بالتسكع على موائد الموسيقيين، وأفادني قراية النوتة في فهم بعض المقامات وعزفها، لكن طبعا معلوماتي الموسيقية في اضمحلال دائم .