Friday, September 01, 2006

صور بدون كاميرا

حاليا..

أبحث عن شراء "موبايل" جديد، معه كاميرا، وليس لدي استعداد أن أدفع2000 أو 2500 وكده، أحدهم قال أن كاميرا مع موبايل متوسط الثمن ستعطي صورا بشعة، والديجيتال أفضل... الحقيقة ليس لدي استعداد للتجربة أيضا.

عموما معي المال.. وما زال أمامي وقت.

قد يكون أحد أسباب البحث عن كاميرا مع "الموبايل"، هو أنني أرى أمورا غريبة في شوارع القاهرة أريد أن أقوم بتصويرها...

من ضمن تلك الأشياء....

اللافتات.

**

حاجة تقرف فعلا

.

في شارع رمسيس.. هناك جراج مستتر، وجدت على بابه الكبير المغلق، لافتة تقول :

"ممنوع التبول... خلف الباب مصلى"

وقفت أنظر وأضحك، تذكرت عادل إمام في مسرحية "الواد سيد الشعال" وهو يقول، إن "موظفين الخارجية بيتبوءوا مكانة كبيرة في أمريكا (اليونانية)"، وإنهم "بيتبوءوا في خرابة ورا الوزارة"... الحقيقة اللافتة الملصقة جعلتني أفكر في أن هذا المكان ليس الأنسب لقضاء الحاجة، وليس الأنسب للصلاة..

ربما تكون الرسالة موجهة للكلاب الضالة ..؟!!

**

المذيع الفليسوف

.

إحدى اللافتات وجدتها داخل كلية الأداب.. كانت مكتوبة على ورق أبيض أقرب إلى ورق دفاتر المحاضرات، وبخط أحدهم وليست مطبوعة، كان مكتوب..

"نسبة النجاح في قسم الفلسفة والمنطق 90%"

وكأن اللافتة يريد أن يقول للطلبة الجدد... "تعالو زورونا" J

لم يتوقف الأمر عند هذا الأمر.. بل وجدت لافتة دعائية لنفس القسم مكتوب عليها...

.

"قسم الفلسفة والمنطق يؤهلك للعمل في الإذاعة والتلفزيون"

.

الحقيقة.. اندهشت نوعا ما، فلو كان الأمر كذلك ، فما فائدة قسم الإعلام..؟!، أم أن القسم يوفر "الوسايط" اللازمة للعمل في هذا المجال..؟!.. ذكرتني اللافتة بمسرحية المتزوجون، عندما كان يتحدث جورج سيدهم عن أنه تخرج من كلية العلوم، ويعمل في مصلحة المجاري بحجة أن "كله ظراط".

14 comments:

محمد الشهري said...

بوست جميل
عادة ما تحمل اللوحات الكثير والكثير تحتاج فقط لعيون تدقق وتكتشف

Lasto-adri *Blue* said...

فعلا، نفسى فى كاميرا ديجيتال من أجل نفس الموضوع تقريبا
بس حقيقى مستحرمة ادفع فلوس فى تكنولوجيا اعلى من ثمنها الطبيعى
فغالبا بدور عىل كاميرا ديجيتال بنت ناس كدة وربك يكرم

so7ab said...

اولا يا عبده اشترى كاميرا ديجتال انا شايف انها هتفرق معاك كتير وبجد بتعمل حالة كده من تسجيل لاحداث و كأنك عايش فى فيلم تسجيلى

اما موضوع الفلسفة ده فما عرفش ليه افتكرت الافيه بتاع لوكاندة المندرة افضل لكونادة على البحر لوكانده المندرة وسمعت فى ودنى صوت عبد المنعم ابراهيم ...ايه العك اللى بيحصل فى الدنيا ده

Bella said...

الحقيقة ياعبده باشا الكاميرا الديجيتال ضرورية صراحة

الواحد بيشوف اعلانات تهلك من الضحك بس عدم وجود الكاميرا بيحرمه من تسجيل اللقطات العبقرية اللى بيشوفها

وكمان الواحد محتاج ياخد دروس في التصوير علشان يصور كويس

مرة شفت لافتة أمام مستشفي ( خارج مصر ) مكتوب عليها اعلان عن حانوتي يقدم خدمة مريحة باقل تكلفة

واللافتة تطل مباشرة على قسم الطوارئ أمام مستشفى

هههههههههههههههههههههههههه

layal said...

nokia6270
تصويروا واضح
هو مش تلفوني بس شفت فيه صور عجبتني
السعر لم يعجبني

بالنسبه للوحات الي الان عندي لوحه لمحل واحاول اجمع مجموعه افكر احطها في البلوغ
توارد خواطر :-)

walaa said...

"اي حد يسأل عني انا مو مداوم علشان ماكو تكييف" ابو علي علاونة

كلامك علطول فكرني بالورقة ايل مكتوب عليها الجملة دي وايل على مكتب ا.يوسف في الدوام .. الورقة مطبوعة ومضاف اليها وحولها عشرات الاسباب المضحكة الاخرى بخط اليد .. وعلى فكرة انا مصوراها على تليفوني ..

بص هي صور الموبيل بتكون واضحه .. بس انا اعتقد ان كاميرا ديجيتال بالنسبه لمجالك هتكون افضل .. ,انشالله تتوفق للاختيار السليم ..

Gid-Do - جدو said...

عوبد الورد
انا على استعداد ارسل اليك الكاميرا وهنا كل ما بيطلع موديل متقدم بيرخص الموديل الاقل ـ بس المهم ازاى تتبعت من عندى لعندك من غير ما تتسرق او يدفعوك جمارك اكتر من تمنها اسال وعرفنى ولما تتاكد من الطريقة اللى بيها توصلك خالى الباقى على الله وعلى جدو

bluerose said...

Nokia 6630 صوره مش بطالة

Abdou Basha said...

محمد الشهري
نعم.. وكثيرا ما تعبر عن حالة المجتمعات

Lasto-adri *Blue
هو أنا عندي كاميرتين.. واحدة مسكينة، دي بصور بيها عشان لو اتكسرت أو اتخبطت يبقى مخسرتش كتير.. وواحدة تصوير محترفين، الاتنين بتوع والدي، أو الأسرة يعني.
هي بس الرخامة اني ببقى مستعجل ع الصور بحمض جزء من الفيلم.. 7 صور مثلا..

so7ab
محتاج جولة تسوق فعلا قبل ما انشغل عشان أحدد اختياراتي، يمكن الأولوية حاليا لشراء موبايل جديد.
بالنسبة للإعلان بتاع قسم فلسفة.. أنا بجد مش فاهمة واذا كنت في مود كويس وانا في زيارتي للجامعة بجد ححاول أسأل لإنها حاجة غريبة
:)

بيلا
ده اعلان منطقي جدا
:=)
بس الحانوتي مفكرش انه ممكن في يوم من الأيام حيبقى مكان الناس اللي في الطواريء دول .

layal
في انتظار هذا البوست.

walaa
ماشاء الله عليه، يا التكييف يا اما الإجازة.
:)
على سيرة الأفلام فكرني بمقولة : "الكباب الكباب لنخلي عيشتكوا هباب"

Gid-Do - جدو
الله يخليك يا جدو..
أنا بجد بشكر حضرتك على العرض الكريم ده..هو لينا تجارب في استلام اشياء من الخارج، كانت تجربة صعبة، بس كانت في قرية البضائع .

بلوروز
شكرا ليكي..
أنا حسأل عنه في رحلة الشراء

saso said...

ما علينا من البارت الاول علشان واضح انك هتبقي هايل لما تصور.. فاشتريها اي حاجة بس اشتريها
نيجي بقي للافتات الخطيرة

تصور في شارع في مصر الجديدة علية تلات لافتات واحد جديد واتنين سابقا

الاعلان المؤدب المحترم الاخلاقي التعليمي بتاع ميلودي

اسماء اللة الحسني اللي كانت علي الطريق الزراعي وبقدرة قادر تحولت الي ارشادات من نوعية اغسل يديك قبل الاكل وبعدة

اعلان الضرايب اللي بيهددنا اوقات وبيفهمنا انهم كاشفين تهربنا ومطنشين بمزاجهم اوقات

الاخطاء النحوية والاملائية الفادحة علي لافتات الترحيب والشوارع - دة ان وجدت- وياريتها تتشال ونقول للسايح اتنشلنا بدل منقوللة اننا جهلة

Abdou Basha said...

ساسو
واضح أن عندك حصيلة عن اليفط الغريبة اللي بنلاقيها حوالينا
ده غير الإعلانات
أغلب اللي قلتيه مكنتش واخد بالي منه .
**

The Eyewitness said...

منذ عام ونصف كنت أقوم بنفس مهمة شراء موبيل وبعد فترة طويلة من البحث والتفكير قررت شراء أرخص موبيل موجود وكان وقتها 3310. وأعتقد أنها أقضل شئ قمت به.

قلم جاف said...

(
"قسم الفلسفة والمنطق يؤهلك للعمل في الإذاعة والتلفزيون".الحقيقة.. اندهشت نوعا ما، فلو كان الأمر كذلك ، فما فائدة قسم الإعلام..؟!، أم أن القسم يوفر "الوسايط" اللازمة للعمل في هذا المجال..؟!.. ذكرتني اللافتة بمسرحية المتزوجون، عندما كان يتحدث جورج سيدهم عن أنه تخرج من كلية العلوم، ويعمل في مصلحة المجاري بحجة أن "كله ظراط)

لا وإنت الصادق .. حيؤهلك لفهم منطق الكوسة الضروري جداً للعمل في الإذاعة والتليفزيون! :)

بالمناسبة.. أنا مع اللي بيقولوا إن مذيعات قناة الناس - قبل تسريحهم طبعاً - هواة ومالهمش فينا .. بس حوش المحترفين اللي ماليين قنواتنا العامة والخاصة .. حووووووش!

makatbi said...

لمزيد من الصور
http://www.makatbi.com