Sunday, September 17, 2006

الحق.. قبل رمضان ما يبدأ..!

عـُرف شهر رمضان بأنه شهر الصيام.. ففيه يزداد الورع والوئام، وما دمنا سنمسك عن عادات كرهناها، وعن أساليب مللناها، فلعل الأيام القليلة المقبلة، هي الفرصة الوحيدة لممارسة ما لن نستطيع فعله طوال شهر رمضان.

**

.

أنا مش عاوز خيار..!

**

في رمضان يمسك التاجر بمسبحته نهارا، ويتجه ليلا إلى صلاة التراويح، فقد أنهى مهمته وأنجزها قبل دخول الشهر الكريم....

كيلو الخيار كان سعره منذ فترة ليست بالبعيدة حوالي جنيه ونصف، الآن – كل عام وانتم بخير – أصبح بثلاثة جنيهات، أما الفاصوليا – عقبال عندكم جميعا – فكانت بجنيهين إلى جنيهين ونصف، الآن تباع بخمسة جنيهات .

أدعو كل التجار أن يستغفروا كثيرا وهم يصلون التراويح.

**

.

مش حتقدر تغمض عينيك

**

أما روتانا سينما.. فمن الواضح أنها ستكون في مأزق خلال الشهر الكريم، لذا كان عليها أن تسرع بعرض أفضل ما لديها قبل بدء شهر الصوم...!

كان من ضمن ذلك أن عرضت برنامج "يوم من عمري" مع الفنانة العائدة من الاعتزال "ميرنا المهندس" على شاطئ البحر، وصورت الفنانة الحلقة بلباس البحر مع شورت قصير .

لعل القناة ترى أن هذه الحلقة قد تكون حراما في رمضان..!

**

.

عمرة رمضان

**

لأعترف أن الفنانة دينا قد عادت أكثر حيوية بعد تركها لقرار الاعتزال بعد فضيحة السيديهات الشهيرة مع زوجها السابق حسام أبو الفتوح.. شاهدت أغنية العنب الجديدة لسعد الصغير التي بدت لي كأغنية دعائية لفيلم عيد تقليدي .

كانت دينا ترقص على أنغام العنب.. بحماس قد يفتر في شهر رمضان، فهذا الشهر مخصص للعمرات كما عودنا الفنانون كل عام.

**

.

اللات والعزى

**

من ضمن ما عرضته شاشة روتانا.. محاولات دعائية لبعض الألبومات التي تنتجها الشركة والتي ستتقلص مبيعاتها خلال الشهر الكريم، كان من ضمن المطربين، مطربا اسمه "عمر عبد اللات"..!

أقترح على المطرب ذو الصوت المميز أن يغير اسمه مع دخول الموسم الرمضاني، فقد انتهي عهد اللات والعزى إلى غير رجعة.

وبدأ رمضان...!

26 comments:

Anonymous said...

تمام يا باشا

شهرزاد Shahrazad said...

Kilo el 7'eyar ghely keda leh? Gameel el blog & i look forward to reading your posts in ramadan in particular

film69 said...

الحل أنك تاكل روتانا وتشرب خيار قصدي تشرب خشاف وتدوس على الريموت كنترول وتغير المحطة وخلي بالك من المسلسلات ومتكلش مخلل كتير وأمرك لله
كل سنة وانت طيب :)

Bent Masreya said...

هم يضحك وهم يبكى

:)

karakib said...

kol sana wenta tayeb
wy ramadan karim
antouk

أحمــــــــدبــــــــــلال said...

شاكرين لعرض أسعار السوق المصرى
ياحلاوة الخيار بقى بتلاتة جنيه بلاش سلطة خالص فى رمضان و نوفر

تعجبت من حلقة ميرنا المهندس أنا الاخر
كان ممكن تلبس حاجة تانية فى باقى الحلقة ده لو عاوزة تفرجنا على منظر كان يبقى فى أول الحلقة و كفاية

طبعاً لن ننسى عمرة رمضان مع دينا و فيفى عبده و نادية الجندى و ليلى علوى و ألهام شاهين و أخريات
يارب يفتكرونا بالدعاء هناك


تعجبت من أسم عمر عبد اللات
ألم تنتهى تلك العبادة من زمان و لا انا بيتهيألى؟

Abdou Basha said...

Anonymous
منور المكان

شهرزاد Shahrazad
أهلا بيكي
بجد سعيد اني عرفت مدونتك
ربنا يسهل معانا في الصيام
:)

film69
المشكلة ان كل محطة تقريبا عندها مسلسل (حصريا) يعني حتبقى حوسه بعيد عنك.
:))

Bent Masreya
عموما انا حاليا باجهز السبحة والعباية وكل سنة وانتم طيبين
:)

كراكيب
كل سنة وانت طيب.
نفسي يكون الشهر ده اجازة من الأخبار السيئة اللي بنقراها كل يوم في الجرايد.

أحمد بلال
دي عينة بس..
هي الفترة تلخبط حبتين، بس واضح انه فيه ناس كتير عايزة تلحق قبل رمضان تعمل حاجات كتير..
على فكرة.. حلقة ميرنا المهندس كانت مش حلوة، خصوصا في حرصها على الاستعراض .

walaa said...

بلاش نميمة يا عبدالرحمن خللي الناس في حالها :) وبعدين حول عن روتانا سينما شويه هههههههه

من شويه كان في مفاوضات ومعاهدات عندنا بس الظاهر اني لم اوفق معلش هاحاول تاني يمكن نقدر في النهاية نقضي رمضان حقيقي .. ده هو شهر في السنة ومين عارف؟؟

عموما رمضان كريم وكل سنة وانت طيب

layal said...

تصدق يا عبدالرحمن
ان اسم هذا الفنان كان دائما يذكرني بهذا الموضوع واستغرب اسمه
عبد اللات
الفنانات : ربنا يهدى الجميع
علي فكره تأخرت يا عبدالرحمن في عرض موضوعك هذه المره
تحيه رمضانيه :-)

Hadeel said...

إزيك يا باشا؟

ما كلو محصل بعضو.. زي ما تقولوا..
بس المهم: هذي تهنئة رمضانية خاصة..
وكل عام وأنت لله أقرب ..

يا مصر اكتب إليكي رسائلي said...

وقبل ان أغادر لأن اول بوست قريته كان اللي بعت لك فيه رجائي .
لنا الله لما كيلو الخيار يبقى سعرة ده ، كان زمان في اسكندرية لما الخيار بعد موسمه يغلى ننادي على القتة ـ القثاء ـ مستغيسين ـ ومشجبين بالخيار ، وانت عشان في اخر الحارة أكيد عارف النداء كان ازاي .. تحياتي القلبية ، ومرة أخرى أرجو تقبل رجائي يا أخ محمود

tota said...

عبدو باشا
كل رمضان وانت طيب
مش لازم خيار ولا فاصوليا السنة دى نعمل مقاطعة احنا ورانا حاجة ؟
الفنانات التائبات العابدات فى رمضان العائدات للفن بعد رمضان بيغيرو جو بين الشهور كده
يعنى برده التغيير لمصلحتهم الفنية
وللدعاية والكلام ده
اما المطرب المذكور فمش عارفة هى الاسامى فعلا خلصت لما يرجعنا كل التاريخ ده ورى
هو بيغنى حاجات قديمة ولا ايه نظامه ده
تحياتى على البوست اللطيف ده

قلم جاف said...

ظريفة القسمة دي : شهر للعمرة وحداشر للهز..

وكما قال عمرو أديب : ما تبقاش against .. وخليك with!

أما الأخ عبد اللات ، فأنا أعتقد إن شكله كدة حينزل سينجل على العيد : ريمكس "نحن غرابة عد عد.. عهد إلينا عاااالية"!

أُكتب بالرصاص said...

احييك على البوست ده

جه في الصميم

تقريبا كله كان يدور في خلد الجميع
كل
عام وانت بخير
وتقبل الله منا ومنك الشهر الكريم

Captain L.J.Silver said...

tamam ..wallahy 3andak 7a2...we 3la fekra ana bardo esta3`rabt awiiii men ela7` 3omr 3abd ellat dah..howa lessa feeh nas asameeha keda !

me2 said...

بالنسبة لأسعار الخضار و الفاكهة فده إفترا من خلق الله على خلق الله بردو بس غلطتنا إننا قرنا ما بين رمضان و الأكل الكتير
لفت نظري إسم عبد اللات بردو... مش فاهمة لحد أي مدى ممكن يوصل جهل الناس
أما عن روتانا فحدث ولا حرج و حسبي الله و نعم الوكيل في هالة سرحان
كل رمضان و غنت طيب

ملحوظة:
بكتبها في كل ردودي في المدونات :(
لينك المدونة إتغير:
http://indifferentspace.blogspot.com

عمر said...

كل سنه وانتم طيبين رمضان كريم

Abdou Basha said...

ولاء
أيوه بلاش نجيب في سيرة الناس أحسن
:)
إن شاء الله يكون رمضان جميل ليكي باذن الله

ليال
فعلا اتأخرت حبتين.. كل سنة وانتي طيبة ياليال وتقضي رمضان جميل باذن الله في عبادة ومحبة .

هديل
الله يكرمك على ذوقك...
وانا بأهديكي أفضل تحية، وان شاء الله تكون أيامك كلها خير وفرح

يا مصر اكتب إليكي رسائلي
ههههه
أنا عبدالرحمن مش محمود
أنا سعيد بزيارتك لمدونتي، واني عرفت طريق مدونتك المميزة
اتمنى لك وقت جميل باذن الله في الأيام المباركة دي.

توتا
على فكرة .. فكرتك عن المقاطعة دي فكرة محترمة.. رغم ان تطبيقها صعب، لكن لو اتنفذت حتى ولو مرة مع التجار حتخليهم يحرموا يستغلوا الناس بالصورة دي .
أما عمر عبداللات.. فانا مش بسمعه من أيام فتح مكة .
:))

قلم جاف.
عمرو اديب اثبت كفاءته في انه يبقى with في الفترة اللي فاتت .
بس تعرف إنه اسم عبداللات خلاني عايز أرجع أقرا عن كتب السيرة وكتاب الأصنام
:)

أكتب بالرصاص
أهلا بيك.. وشكرا على التهنئة الجميلة دي منك

مي 2
على فكرة أنا زعلت جدا لما عرفت عن اللي حصل للمدونة بتاعتك واتمنى بلوجر يعرفوا يرجعوها.. وانا حكتب في البوست الجاي نداء للي عنده حل .
لإني حطيت نفسي مكانك لقيت إنه احساس صعب جدا .

عمر
أهلا بيك في المدونة، وان شاء تقضي رمضان جميل باذن الله
:)

بحرينية said...

بوست و لا اروع حقيقة
انا تعجبني هالطريقة في الكتابة
يعني كانت مجموعة افكار تندرج كلها تحت بند واحد و هو رمضان
من الملاحظ خصوصا عندنا انه في بنات يتحجبون بس في رمضان و في ناس تصلي بس في رمضان
لكن اذا يه العيد
فهذا موضوع بحد ذاته
هههههههههههههههههههههههههههه
ان شالله نقدر نستفيد من هالشهر قد ما نقدر
بوست شغل عدل
استمتعت بقراءته كثيرا
اشكرك

haytham said...

عبداللات تلفظ مع تفخيم اللام اى جمع عبدالله و ليس اللات الصنم الشهير و جاءت التسميه لان عشيرة المطرب يكثر بها اسم عبدالله وذلك طبقا لمعلومه من صديقى الاردنى..تحياتى

Bella said...

الحقيقة ياعبده باشا كل تدوينة لك بها مايجعلني اتعجب من اسلوبك الرشيق في التقاط التفاصيل والتركيز على بعض اللقطات

ولك اسلوب شيق جدا في العرض

قرأت هده التدوينة عدة مرات ولا امل من تكرار القراءة لك

تحياتي لقلمك الرشيق

وكل سنة وانت بخير والجميع بخير

ومش ضروري سلطة في رمضان

ولاضروري حلويات لان السكر غالي والمكسرات بالشيئ الفلاني

ومش ضروري لحمة لانها مولعة نار

وطبعا الخضار بالمبيدات

يعني باختصار شديد مش ضروري كله على كله

هههههههههههههههههه

Epitaph said...

كل سنة و انت طيب
و بلاش خيار و لا روتانا و لا اكل اصلا
هههههه

معلهش سؤال
هو فعلا اسمه عمر عبد اللات؟؟ و لا بيهزر ده

:))

كل سنة و انت طيب و رمضاااااااااااااان كريم

Abdou Basha said...

بحرينية
على فكرة أنا اجدك أيضا تكتبين بهذه الطريقة، وكتاباتك موفقة تنقل الصورة بشكل رائع .
كل عام وانتي بخير وانت واسرتك الكريمة

هيثم
أنا بشكرك جدا على المعلومة دي..
أنا كنت في البداية حاسس انه السبب اختلاف في لهجة على اساس نطق عبدالله. لكن فكرة جمع عبدالله لم أفكر بها.
أشكرك على المعلومة .

بيلا
أنا اللي بشكرك على زياراتك الجميلة وتعليقاتك المشجعة .
على فكرة البلد حتولع، زحمة موت كله نازل يتسوق أكل وياميش
:))

ابيتاف
كل سنة وانتي طيبة..
هوعموما أنا مش غاوي أكل فمش فارقة معايا كتير، حتى ساعات كتير بنطلب لما الحياة بتزنق
:)

Bella said...

تشكرني ايه بس ياعبده باشا ياخويا

انا اللى باستمتع بقراءة ماتكتب

وانت من القليلين الدين اتابعهم حتى قبل ان ارى مدونتي

وعن طريقك عرفت الكثير من المدونات الجميلة

وكل سنة وانت طيب

اما الزحمة بقى فماتقوليش عليها

باتلطع كل يوم في الاشارات رايح جاي

ولسه لما رمضان ييجي

هههههههههههههههه

بحرينية said...

:) فعلا انا اتبع هذه الطريقة في الكتابة منذ زمن و قد سعدت كثيرا لانني وجدت من يكتب بهذه الطريقة ايضا

nado said...

Ramadan karim w seyem ma2boul :)