Saturday, September 23, 2006

حتى وإن لم نلتق...

أظن أن أبي العزيز وأبناء جيله، لم يكونوا ليتصورا في يوم من الأيام وهم ينصتون إلى خطب الرئيس جمال عبد الناصر، أوبعدها وهم يخوضون معركة التحرير، أنهم.. هم وأبناءهم قد يحصلوا على تلك العلاقات العميقة العابرة للقارات..!

**

بعيدا عن والدي وأبناء جيله.. أحيانا ما أفكر..... كيف تـُصنع تلك العلاقات الجميلة بين أفراد لم يتم بينهم أي لقاء، وكيف هي المشيئة الإلهية في التقاء الأفكار رغم اختلاف البلدان أو الأديان أو الطباع..!؟

إنها فكرة.. كثيرا ما فكرت فيها، عندما أسعد بزيارات إلى مدونتي أو برسائل عبر بريدي الالكتروني، أو عبر المنتدى المشارك فيه.

**

التقيت من قبل ببعض من عرفتهم عبر الانترنت فقط.. وأنا في الغالب لا أوطد العلاقات كثيرا مع أصدقائي عبر الإنترنت... ( خجول من هذه الناحية )

لكن عندما التقيت بعضهم، وجدت أنهم عبر الإنترنت أجمل، أكثر وضوحا في بعض الأحيان.

**

إلى كل صديق لم أره....

اعلم أنك تمثل لي قيمة كبيرة

(حتى أراك )

**

وإلى كل من يقرأ هذه الكلمات..

.

كل عام وأنت طيب... وأحوالك أفضل بإذن الله .

لا يهم دينك.. أو وطنك.. أو ملامحك الجميلة أو الــ.....

أو حتى طباعك .... عصبي .. انطوائي..

فقط أقول لك ...

سعدت بمعرفتك .

حتى وإن لم نلتق.

**

عبدالرحمن

.

20 comments:

walaa said...

الله .. حقيقي الله يا عبدالرحمن .. دي المرة التالتة دلوقت أقرء فيها الكلمات والتهنئة الرقيقة دي، من كتر جمال الروح والكلمات فيها.

كل عام وانت طيب دايما يارب .. وكل عام وكل القيم الجميلة النبيلة دي ليها نفس المكان ونفس القيمة عندك
..

nado said...

كل شيء خُلق من فكرة وتحول الى وطن كامل متكامل
يعجبني هذا الوضوح والشفافية في كتابتك وأبراز حقيقة مشاعرك وأرائك بمنتهى الصدق

أضحكتني هذه الجملة:

إلى كل صديق لم أره....اعلم أنك تمثل لي قيمة كبيرة(حتى أراك )

فهل برأيك ستكون لغة الأفكار والأرواح
أنسب وأفضل لجميع الأطراف ومجدية أكثر لهم..
وتبقى لغة العيون والوجوه مختبئة الى حين لقاء ؟؟

كل رمضان وأنت بخير

Me2 said...

مش معقول رقة المشاعر اللي موجودة جواك ناحية الناس و قد تبدو للبعض بسيطه و لكنها عميقة
ربنا يكرمك و يوفقك
كل رمضان و أنت و جميع المسلين بخير و نحن إلى
الله اقرب

saso said...

البلوجر كان احسن حاجه حصلتلي السنه دي،، وبالذات الأيام دي لما بحس اني زي ناس كتير بنحب ونكرة نفس الحاجات ،، بنوافق ونعترض ونقول رأينا في كل حاجه
فرحانه اني عرفتك وعرفت ناس كتير تانيين،، مش باتمني اشوفهم علشان زي ماقلت احنا أكثر رقياً وعقلانية حين نكتب
وانا لن اتحمل كسر حاجز الايهام وحواجز التخيل
كفايه اني من غير ما اعرف الناس :) معرفة شخصيه اجي اقوللهم كل سنة وانتم طيبين وكل سنه واحنا صحاب

Lasto-adri *Blue* said...

وانا اسعد اكتر و اكتر

رمضاااان كريييييم


بس على فكرة.. انا قابلت مجموعة لا بأس بها من المدونين، واحب اقول لك ان أغلبهم ح تتعمق صداقتك بهم بعد ان تلتقوا

مع انى كنت من اشد المعارضين للمنطق
انما دايما التجربة احسن دليل

سلامى ليك
:)

>>Sama Oman said...

Bloggers are the best...
more serious and outspoken....Real men and women...well, mostly ;)

Ramadan Mubarak to you :)

layal said...

تواصل الكلمات والافكار
هي الاجمل والارقى
وكل عام وانت بخير
:-)

tota said...

عبدو باشا الجميل

عبر النت كل سنة وانت طيب وربنا يتقبل منك ومن المسلمن اجمعين

لا اختلف معك فى ان لكل مدون روح قد تبدو فى كلماته وفى اسلوبه وعندما تلتقيه وجها لوجه قد يضيف الشكل على الصورة المكونة شيئا ما ولكن لا يلغى الصورة المرسومة اللهم الا من يخجلون من المواجهة وسلاح كتاباتهم اقوى من صدى كلاماتهم

تحياتى على رقة مشاعرك

أحمــــــــدبــــــــــلال said...

مش عارف أشكرك على كلامك الجميل و لا أهنيك برمضان

على العموم
شكراًً جزيلاً
و كل رمضان و أنت بخير


أنا قابلت كتير من اللى عرفتهم على الانترنت و كانوا ظراف و لذاذ بس النت أحلى مش عرف ليه ؟

Abdou Basha said...

ولاء
شكرا يا ولاء على كل الكلمات الجميلة دي..
وبجد اتمنى تكوني في افضل حال، ويكون رمضان ده أيام سعيدة ليكي باذن الله .
**
nado
عندما يتطابق الواقع مع حلم جميل أو أمل محبب إلى النفس.. فهذا أفضل ما قد تقدمه الدنيا إلينا، غير أن الواقع أحيانا ما يأتي مختلفا بعض الاختلاف .

أتذكر يا نادو أني قابلت مجموعة من معارفنا كنت أسمع عنهم منذ ولدت ولم أقابلهم بسبب كثرة الأسفار حتى أصبحت في العشرين.. أتذكر نفسي الآن وأنا أجلس أتفرس ملامحهم، أحاول حفظها، وأحاول مطابقتها مع ما كنت أسمع عنهم .

التقاء الواقع بالخيال.. لحظة صعبة، أو حاسمة... ومن المؤكد أنها خاصة .

**
Me2
الله يخليكي..
أنا بشكرك على كلامك الذوق ده .
**
ساسو
أنا فاكر يا ساسو.. أول ما دخلت البلوج بتاعك كنت بتكتبي بالإنجليش، وبعدين بقيتي بتكتبي عربي أكتر، وفي الأول الموضوعات كانت ذاتية، ومع الوقت حسيت بعض الموضوعات شبهي :)) لقيت فيه حد يوم ما بيكتب بيقول حاجة مش غريبة على تفكيري.
وده شيء جميل..
أنا كتير كنت بقول النت هروب من الواقع - ده رأي ممكن ناس تختلف معاه - بس ده لإنه هو العالم الوحيد اللي ممكن تلاقي فيه صور مثالية متجسدة... صور انت اللي بتصنعها .
**
Lasto-adri *Blue*
أولا أنا بشكرك على إيميل التهنئة الجميل اللي بعتيه لناس كتير انا من ضمنهم...
أما بالنسبة لفكرة لقاء الصديق - غير المرئي - :) فكويس انتي اديتيني أمل .
**
>>Sama Oman<<
سما..
يمكن يكون التدوين فيه خصوصية فعلا، على عكس المنتديات أو الشات أو غيره ...
لكن أهم حاجة إنه بيعرض نماذج مختلفة من الناس، ممكن الواحد يلاقي حد شبهه وسطهم .
**
ليال
كل عام وانت بخير يا ليال
وإن شاء الله يكون شهر خير علينا جميعا.
وانا أجمل تجربة كانت إني ألاقي حد في شبه مني - مش في الشكل والعياذ بالله - وده رغم وجود الآخرين في بلاد تانية بعادات مختلفة .
على الأقل في شبه في الظروف .
**
العزيزة توتا
كل سنة وانتي طيبة
أنا معاكي فعلا..
يمكن على النت بيكون فيه جانب من الشخصية ظاهر اكتر، لإن احتياج الانسان للتصنع - بالذات لو بعيد عن الجانب المهني - بيقل كتير، لإن الإنسان بيقدم نفسه إلى نفسه، قبل ما يكون بيقدم نفسه للآخرين .
**
أحمد بلال.
كل سنة وانت طيب.
ويمكن يكون الإنسان بره النت عليه ضغوط، ممكن يكون خجول.. أو ...الخ
على النت هو أكثر حرية.. عشان كده ممكن يكون أجمل .

MAKSOFA said...

رمضان كريم
وكل عام
وانت
بصحه
وسلامه
وفعلا
أشارك
نفس الرأي
فأنا من خلال
المدونه
أصبح لي أصدقاء
أحبهم
واتمني أن
أراهم
ولو غابوا عني
أشعر
بالقلق تجاهم

Gid-Do - جدو said...

عوبد الورد

رائع انت فى كتاباتك داتما ـ اعلم ايها الحبيب انى نفسى اشوفك واسعد بلقائك بس دلوقت انا خايف ان الصورة اللى فى خيالك تصدم بالواقع المؤلم بعد ان امسك الزمن بفرشاتة والوانة ورسم على شكلى الخارجى اشكال والوان اتعجب انا نفسى من مشاهدتها كلما نظرت الى المراة واقول من ذلك الشيخ القبيح ثم احرك راسى يمينا ويسارا وابتسم حتى اتاكد ان هذا الشيخ القبيح هو انا ولكنى فى النهاية اعيش فى سلام وصداقة تامة وحب بين الخارج الذى تغير وسوف يستمر فى التغير وبين الداخل الذى لايتغير فسبحان الله الذى يغير ولا يتغير ـ تحياتى

Hadeel said...

عبد الرحمن..
انا أيضاً أحمد الله أنه منحني القدرة على التواصل مع ناس جميلين مثلك.. لم يكن ليتاح لي أن أعرفهم لولا هذه التقنية التي ألغت المسافات..
مبارك عليك الشهر مرة أخرى، وتقبل الله منك صالح الأعمال..

Charisma said...

كل عام وانت بخير
ومبارك عليك الشهر الفضيل :)

علاقات الانتر نت دائما احرص انها لا تتعدى نطاق النت
لها حلاوه وطعم ومعنى
بس من تتعدى هذا النطاق ممكن انك تخسر الشخص الى حبيته وكان صديق بالنت

انا شخصيا مجربه الموضوع الى تكلمت عنه
ومن بعد التجربه احرص كل الحرص ان علاقات النت تضل بالنت

:)
موضوع جميل

shabaskandrany said...

كل سنة وانته طيب يا ابو باشا وعاوز تشوف انفراد مدونتى وتصوير ضرب شاب داخل قسم المنتزة بالاسكندريه

Abdou Basha said...

مكسوفة
كل سنة وانتي طيبة
انا معاكي انه ساعات بيبقى فيه طاقة تعاطف تبقى مع صديق عبر الانترنت.. يمكن عشان مجربناش عيوب هذا الصديق..؟
عموما.. انا بشارككك نفس الاحساس .

جدو العزيز
كل شيء بيتغير فعلا .
أتذكر الآن والدي في إحدى جلسات الصفاوهو لا يخف اندهاشه بالانترنت التي غيرت شكل أداء عمله عبر ثلاثين سنة خبرة .

هديل
لأعترف لكِ بسر..
أنا أقمت في السعودية لأقل من عامين، لم تكن أجمل أيام حياتي، لكن رغم إني كنت في سن صغيرة ومعيشتي كانت في جدة، إلا أنني لم أعلم شيئا عن المرأة السعودية .
أعترف أن التدوين عرفني على جانب آخر عن المرأة السعودية الطموحة التي ترغب في التغيير دون التورط في الشطط .
فقد عرضت بعض المدونات لإيجابيات وسلبيات شعوبنا.

كيتي
اليوم فقط تخبرني صديقة عن هذا الموضوع، وتقول أنها قابلت أشخاصا ووجدتهم طيبين مثل تعاملهم على النت .
انا غموما لا أستطيع أن أرى الأمور بهذه الصورة الوردية .. واتفق معك في رأيك .

شاب اسكندراني
كل سنة وانت طيب
وربنا يوفقك .

taty said...

كل سنة و انت طيب يا عبد الرحمن
رمضان كريم

The Eyewitness said...

انا بصراحة في عدد من المدونين نفسي أقابلهم بس مش دايماً بيكون في فرصة. وعايز كمان أقيم هل انا ببني شكل وهيئة الأشخاص بناءً على أحلامي أم بناءً على أنعكاس لما يكتبوه عن أنفسهم، هل لو كنت شوفتهم قبل معرفهم كنت هنجزب ليهم ولا هنفر منهم.
أنا سعيد بمعرفتك على المدونات وأنشاء الله في يوم من الأيام ممكن نتقابل.

Hiba said...

فيه ناس كتير بيبقى بينهم روابط من غير ماحتى يتقابلو
ولما يتقابلو انت وحظك بقى
يا اما تكبر الروابط دي وتبقى صداقة حقيقية
واما بتتحسر على الروابط اللي كانت حتى ولو كانت مش حقيقية
عشان كده انا بفضل ان اصدقاء النت ما قابلهومش لاني مش عايزة اضع الروابط الجميلة جوة دائرة احتمال التغيير
انا بحس ان روابط النت روابط من نوع اخر
خصوصا لو كانت نتيجة قراءات لا تعارف من غرف الدردشة
على العموم كون انك اتكلمت بالصراحة دي ده شئ اسعدني جدا
وانا كل يوم بحمد ربنا على الصدفة الجميلة اللي عرفتني بمدونتك
اشكرك

Captain L.J.Silver said...

wallah ya abdo basha a7`er 3 tasweenat a7la men ba3d ...bas m3reftesh akteb comment 3`ir hena ..kol sana we enta kaman tayyeb !