Wednesday, September 27, 2006

مبروك الدكتوراه يا ابن خلدون..!



عبد الرحمن بن محمد بن خلدون مؤرخ وسياسي ومنظر لعلم العمران البشري الذي يرى البعض أنه النواة الأولى لعلم الاجتماع .

وألف ابن خلدون في التاريخ، وأنا عن نفسي أتذكر أنني استعنت بتاريخ ابن خلدون في أحد الأبحاث الجامعية في تاريخ الأندلس.

**

ما لم أكن أعلمه أن ابن خلدون قد نال الدكتوراه.

متى..؟؟

أين..؟؟

على يد من.. ؟؟

لايهم ... فهكذا أرادت جريدة الأهرام في عدد 26 سبتمبر 2006 .

**

والدليل في الصورة .

**

هكذا كتبوا عنه كمؤلف: د. عبد الرحمن محمد بن خلدون .

في لحظة ما ظننت أن أحدى الجامعات أهدت ابن خلدون الدكتوراه الفخرية أو ما شابه مما دفع كاتب الإعلان لوضع لقب (دكتور).

لم تصلني مثل هذه المعلومة من قبل.

**

عموما هو يستحق لقب دكتور... ومحرر الإعلان يستحق لقب (...)

20 comments:

layal said...

ومحرر الإعلان يستحق لقب؟؟؟؟
وله اقول لك- اللهم اني صائم
ابن خلدون لم يحمل شهادة الدكتوراه ولكن لو قارنه بحملتها الان
شتان بين الثرى والثريا

Amir said...

أنا فعلاً مش قادر امسك نفسى من الضحك

بلد بتاعت شهادات صحيح

أحمــــــــدبــــــــــلال said...

اللهم أنى صائم

يبدو ان الاخطاء المطبعية و الاملائية و النحوية اللغوية لم تكن كافية
لذا فقد صدر النوع الجديد الخطأ الثقافى التاريخى





أبن خلدون
كنت بكرهك لما درست علم أجتماع بس مازلت احترمك

tota said...

العزيز عبد الرحمن
يا سلام عليك لما تدقق
انت مش واخد بالك ابن خلدون اخد الدكتوراه بس انت اللى مش مركز الراجل قصده ابن خلدون دكتور اللانف والاذن والحنجرة يا سلام عليك ظلمت الدكتور الصحفى اللى كتب الاعلان
ما هو بابا حسنى وماما سوزان اخدو دكتوراه حد قالهم ليه ؟ جت يعنى على ابن خلدون وهو يستحقها عن جدارة
وهنزعل ده كتر خير الصحفى

هم يضحك فعلا

تحياتى

bluestone said...

دكتور ..؟؟؟ دكتور ؟؟؟
وماله ياخويا .. دكتور .. دكتور ..
مش عييييييييب

طالما الاهرام عايزة ..
وزغرتي ياللي انتي مش فاهمة أي حاجة ..

طبعا ما بعد إعلام الريالة .. قصدي الريالة ,, لازم يبقى الصحافة فيها اسمها ايه دي ريادة برضه

bluerose said...

ههههههههههههههه
ضحكتني بجد

arabesque said...

هههههههه

وماله أخد دكتوراة فخرية زي بابا حسني و مراته كده

Abdou Basha said...

ابن خلدون شخصية تاريخية مهمة، يكفي انه نجح في اثارة الجدل حول أعماله بهذا الشكل .
لكن دكتور.. وهو مات من 600 سنة.. يمكن..؟
:)
**
أمير
فعلا هو الإفية ده المناسب جدا مع الحالة الأهرامية دي .
**
أحمد بلال
أيوه مش برضه الطلبة بيدرسوا في ثانوي ابن خلدون ..
مأخدناش انه كان دكتور
:)
يعني مش اللي كتب الإعلان ده كان في ثانوي ع الأقل..؟
**
توتا
حتى الدكتوراه الفخرية غالبا مش بتتقال قبل الاسم.. هو زي ما انتي قلتي اكيد المحرر
قال لنفسه ، اشمعنى ابن خلدون يعني، هو اقل منهم .
:)
**
بلوستون
على فكرة دي مش أول مرة الاحظ حاجات كده في الأهرام.. وفاكر كنت كتبت في المدونة هنا برضه عن الحاجات اللي بتتنقل من النت .
انا حبقى اعدي على هيئة الكتاب ليكونوا كاتبين هما كمان لقب دكتور على الكتاب..
ساعتها حتبقى حاجة مسخرة فعلا .
:)
**
بلوروز
كويس اني كنت بعمل حاجات ع الاسكانر، قلت أخد الحتة دي انزلها ع المدونة .
:)
**
ارابيسك
عارفة حتى حسني مبارك مش بيكتبوا قبليه دكتور... مع انه اخدها من قريب .

أُكتب بالرصاص said...

حلوة

صيد الكاميرا

ده


د بن خلدون !!

وتعرف لو دورنا عليه في جريدة تانية هنلاقيه واخد جايزة الدولة التشجيعية
او يمكن مرشح لنوبل

بلد بتاعة شهادات صحيح
:)

walaa said...

!!ابن خلدون دكتور ؟؟! ..


يال سخرية القدر" الله يرحمك يا يوسف يا وهبي

شهرزاد Shahrazad said...

محرر الإعلان يستحق لقب
اهبل و عبيط

بْلا فْرَنْسِيَّه said...

شكرا لكم على مرورك و تعليقك ...موضوع جميل --

رمضان مبارك

بْلا فْرَنْسِيَّه said...

رمضان مبارك... شكرا لك على مرورك و تعليقك ...

أخوك احمد

ام العيال said...

عبدو باشا
انت حتعرف اكتر من الحكومه
بعدين الراجل كان صايم
يعني مش مركز
و انت بطل تركز علشان نص حلامنا غلط و نصه التاني مش مفهوم

Epitaph said...

loooooooooooooooooool

و ماله مايبقاش دكتور ليه
اقل منها

انت متغاظ يعني منه

ليه كدة

اللهم اني صائم

Me2 said...

محبكها ليه يا عبد الرحمن لازم تحرج الراجل يعني :)

ملحوظة طويلة شوية: إنت علقت آخر مرة في المدونة القديمة :)
عنوان العفشة الجديدة
http://indifferentspace.blogspot.com
expired كده اللينك اللي عندك :)

Abdou Basha said...

أُكتب بالرصاص
على فكرة حاجات كتير بقراها من النوعية دي.
هي الأهرام ميزتها إن الفبركة فيها أقل لكن التخريف أكتر .
**
ولاء
كل سنة وانتي طيبة
أنا برضه الحكاية لفتت نظري لإن ابن خلدون ده المفروض قديم قوي، مش لايق يتكتب دكتور .
:)
**
شهرزاد
هو عموما أكيد مأخدش ابن خلدون في المدرسة .
:)
**
بْلا فْرَنْسِيَّه
تحياتي لك أخي العزيز أحمد
ومرحبا بك دوما
**
أم العيال
كل سنة وانتي طيبة
مش قادر مركزشي.. خصوصا انه اعلان لمشروع القراءة للجميع .
يعني الراجل عايز يسد نفس الناس
:)
**
Epitaph
أرزاق فعلا..
أخد الدكتوراه وهو مدفون في قرافة باب النصر
:)
**
Me2
فعلا مأخدتش بالي ..
أنا حغير واضيف العناوين الجديدة في القايمة عندي ان شاء الله.

المفكر said...

بهذه الطريقة لن ننتهي فهناك مئات المشاهير يحتاجون إلى الدكتوراه وستصبح المسالة مسابقة بين الجامعات العربية التي أخذت إجازة من البحث العلمي من زمان

قلم جاف said...

ويا سلام لو ثبت تاريخيا ان ابن خلدون كان مسك منصب أيام الدولة اللي كانت ماسكة مصر يومها.. كنت حتلاقي مكتوب :

السيد الأستاذ الدكتور ابن خلدون!

على رأي أمير نقلاً عن عادل إمام : بلد بتاعة "شهادات" بصحيح!

مختار العزيزي said...

هههه
أنا قرأت الاعلان في الجرنال من فترة قريبة وماختش بالي خالص لأن كل تركيزي علي كلمة مقدمة بن خلدون... بس بجد ملعوبة منك