Tuesday, October 10, 2006

رخامات مسترسلة

يقول "مزاجنجي" في سفره الخالد "الكيف" .

.

"إديني في الهايف.. وأنا احبك يا نانـَّنس"

.

هكذا قالها مزاجنجي..

**

.

من هذا المنطلق.. داوى أحدهم جروحه، وألام فراق حبيبته.. هكذا:

يا بتاع الشباشب ..

عايز شبشب بصباع

أو شبشب بفيونكه (=ورده)..

بدل حبيبي اللي ضاع

**

وأهو كلب وراح يا هوا

واهو بكره ييجي الدوا

أخاف عليه

وأحس بيه

يا بتاع الشباشب

خلصني هات شبشب بصباع

.

.

سمعت الأغنية، حسيت أني أعرف اللحن... لكني الحقيقة معرفتهوش .

فوجئت أن كثير عرفوا الأغنية.. وإنها قديمة...!؟

عموما.. اللحن رائع (بتكلم جد) .

تقريبا من مقام الكرد...؟!!

حمل الأغنية من هنا :

يا بتاع الشباشب

**

رخامة

.

رؤية جديدة لعبارات وأمثال مصرية.

..

المثل الأصلي: ضربوا الأعور على عينه، قال خسرانه خسرانه.

.

المثل المعدل: ضربوا الأعور على عينه قال "أي".

**

من خرج من داره.. قل مقداره.

.

من خرج من داره مينساش يأخد المفتاح‏ معاه.

**

أكل العيش يحب الخفية

.

أكل العيش يحب الطعمية

**

اللي بيته من إزاز (زجاج) ميحدفش الناس بالطوب

.

اللي بيته من إزاز ميغيرش هدومه في الصالون

**

جت الحزينة تفرح، مالقتلهاش مطرح

.

جت الحزينة تفرح، شغلت سعد الصغير وقعدت ترقص

**

اللي يتلسع من الشوربة.. ينفخ في الزبادي

.

اللي يتلسع من الشوربة.. يستنى لما تبرد

**

العين عليها حارس

العين عليها‏ Lenses

**

فاقد الشيء لايعطيه

.

فاقد الشيء يدور عليه أو يعمل محضر شرطة.

12 comments:

شهرزاد Shahrazad said...

الامثال دي بءالي زمن نسياها
The most interesting one is
فاقد الشئ لا يعطيه
mosh 3arfa

حــلم said...

عبدو باشا

هو فيه اغنية كدة بجد
ماجرؤتش احملها
:)

كل سنة وانت طيب

Mr-Biboooo said...

رخامة رخامة وشك

tota said...

عبده باشا
ايوه انت عندك حق الهبوط فى مستوى الاغانى بقى غير طبيعى والمشكله انها بتقتحم الاذن بارادتنا او من غير ارادتنا بنسمعها


مجموعة الامثال بعد التعديل تعتبر هايلة فيها فكر جديد والى ما يشوفش من الغربال يحط قطرة

تحياتى

Epitaph said...

hehehehehhee good one!!

لسة صاحبتي بتقولي علي اغنية الشبشب دي
و تقولي صدقيني اللحن حلو
وانا اقولها
انا اسمع شبشب بصباع برده

:D

يا مصر اكتب إليكي رسائلي said...

دوشة والله هههههههههههههههههههههههههههههههههههههههههههه كل سنة وانت والأسرة الكريمة بخير يارب وكل الحبايب واهل مصرنا يارب ...............
الله يخليك على البوست دا كله من اول وجهة نظر العزيز مزاجنجي مرورا بالموسيقى المصاحبة حتى أخر الحاره اللي قاعد فيها الناس بيمثلوا أمثال جديدة .. بضحك من قلبي فعلا

يا مصر اكتب إليكي رسائلي said...

عاجبك كدااااا
اهو انا قفشت نفسي وانا بكرر سماع الأغنيه تاني ... الله يجازيك بكل خير ، اللحن فعلا حلوووو ، واقولك .. بس في سرك يعني .... هههههههههه الكلام كمان حلووو ..
تعرف اللي يحس الموسيقى وصوته حلو ، لو قال حتى ريان يا فجل ..

Abdou Basha said...

شهرزاد
اتمنى الموضوع يكون عجبك

حلم
على فكرها لحنها حلو
:)

مستر بيبو
هو من ناحية رخامة، فمعاك حق
:)

توتا
"الى ما يشوفش من الغربال يحط قطرة "
:))
نسيت أكتبه ده كمان

ابيتاف
دي اغنية كانت منتشرة في الموبايلات لحد ما وصلت النت
الله يخرب بيت البلوتوث
:)

يا مصر اكتب إليكي رسائلي
أنا عاجبني اللحن
يمكن اللي بيغني ده ملحن ومعرفش يعمل أغاني إلا بالطريقة العجيبة دي .
:)

walaa said...

اه سمعتها قبل كده بلوتوث .. وعرفت انها من تلحين ملحن اسمه عمرو مصطفى .. وبيقولوا كمان ان مدحت صالح هيغنيها هههه.. بس ماعرفش هيغنيها كده بقى ولا بكلمات تانيه على نفس اللحن

اما الامثال المعدلة .. فحقيقي تحـــفه.. ابداع

يا مصر اكتب إليكي رسائلي said...

ما انا عارف انه ملحن ـ اسمه عبد الرحمن ، ودايما قاعد في أخر الحارة يغني : على عودي ... بس هو مش ملحن بس هو صوته كمان حلو والله ،،، يا رب تكون انت وانا يعني مش متهيألي وخلاص.. يارب تكون انت ابقى سمعت صوتك يارب.

layal said...

السن له احكام
هي دي تأثيرات سن
26
بمزح :-)

الامثال انت محرفها يا عبدالرحمن ؟؟؟
اصلها تمشي مع الواقع

قلم جاف said...

يبقى أن الموزع الموسيقي والملحن طارق مدكور طلب بشدة أن يعرف مطرب تلك الأغنية ، ووصفه مدكور بأنه أفضل أصوات العام 2005!.. والعهدة على مجلة عين!