Sunday, October 15, 2006

حالة شلل مؤقتة

في أحد المنتديات جرت مسابقة لأسوأ نكتة

دي شوية نكت منها....

**

نكتة ماشية في الشارع تعيط.....ليه؟؟... الناس بتضحك عليها

.
مرة نكتة مش عارفة تعدي من الباب.. ليه ؟

عشان طويلة

.

اية الفرق بين الليمون والزيتون؟؟

فيه ليمونادة لكن مافيش زيتونادة

.

مرة واحد نط من عالسور طلع برة النكتة

.

مرة ممثل جاله دور برد رفضه

.

واحدة دخلت مطعم.. فالجرسون قالها تاكلى حاجة يا مدام..؟

قالت له لو عليا انا مش عايزة اكل... بس لو (حبشوكلى) عايز ياكل مفيش مانع.

بصت فى الشنطة بتاعتها وطلبت طلب.. جالها الجرسون بعد كده وقالها عايزة تشربى حاجة يا مدام..؟

قالت لة : لو عليا انا مش عايزة اشرب بس لو كان (حبشوكلى) عايز مفيش مانع.

بصت فى الشنطة بتاعتها وطلبت طلب.. وبعدها راحت الحمام.

فالجرسون كان عايز يعرف ايه الحبشوكلى ده ففتح الشنطة فتخيلوا لقى ايه؟؟؟؟؟؟؟؟؟

....

...

..

.
واحد حبشوكلى صغير

**

16 comments:

mashi_97 said...

هههههههههه
نكت راااايقه جداً
يمكن لأنها أسوأ نكت
صارت مضحكة جداً
عموماً سلم لي على الحبشوكلي الصغير
:))

بحرينية said...

و انا اقوووووووووول اشلون الحبشوكلى دخل الشنطة اثره حبشوكلى صغير هذا وين يبيعونه ؟
و في الاخير اي نكته اللي فازت
؟؟؟
تدوينة خفيفة اشكرك

محمد أبو زيد said...

إيه الشلل ده يا عم عبد الرحمن

layal said...

لو ما كنت عرفه انه اسوء نكته ما كنتش ضحكت
بس الحبشوكلي عجيب الصراحه
ممكن اشتري مع بحرينيه حبشكولي واحد
كلمها ذبحني من الضحك

اصحابنا المدونيين
ايه رأيكم يكون الحبشكولي كلمه سر بيننا ؟؟؟

رشيدة said...

مدونه رائعه و اريد ان اضيف نكته الى نكتك الضريفه
واحده تسأل صديقتها
متى نظيف الحبر الى الكمبيوتر....هههه

أحمــــــــدبــــــــــلال said...

تقريباً اللى ضحكنى
أنها المفروض أسوأ نكت ممكنة

غريبة
بس عجبتنى أوى بتاعت الحبشوكلى

Epitaph said...

ههههههههه

ممكن اتنين حبشوكلي من فضلك؟هههههه

بحرينية said...

لياااااااال
بنت الديره :)
انا موافقة ان حبشوكلى تكون كلمة سر بين المدونين الافاضل
ماذا عن البقية
؟؟؟

walaa said...

حقيقي .. نكت تجيب شلل
على نفس المنوال فكرتني بنكته ..
نكته رافعة قضية على واحد ليه ..؟؟
بيقول انه ابن نكته وهي ولا امه ولا تعرفه ..

Anonymous said...

علي فكرة بصراحة المدونة دي من أتفه و أغبي المدونات اللى دخلتهاو مش فاهمة يعنى لو صاحبها ده مش لاقى كلام يقولله بيكتب ليه

doha said...

HA HA HA

nice idea to present that subject...:):)

Me2 said...

كان لازم تفتح التعليق في البوست اللي بعد ده!!!
فاسمحلي أعلق عليها هنا
لو الهانم عبقرية جدا مأتحفتناش ليه بعصارة فكرها الراقي وواضح بكل تأكيد إن سيادتها بالرغم من رقيها و تقدم أفكارها المتفجرة مكلفتش خاطر سيادتها بقراءة باقي التدوينات قبل إتحافنا بتعليقها اللي أقل شيء يوصف بيه بإنه قلة أدب و ..... ولا كفاية كده مش هانزل لمستواها و خلاص

Lasto-adri *Blue* said...

سؤال غبى للآنسة المبجلة
وهو حضرتك مالك؟؟؟

اعملى
block
للمدونة دى لو خنقاكى قوى كدة

مش بيقولولك فى ريموت كونترول للتلفزيون؟؟

ام العيال said...

يا خفة
مش اخلاقك دي بلاش شلل
هي ناقصه

Eve said...

ولا يهمك، ما كانتش تستاهل تعمل لحضرتها بوست بحاله :)

Anonymous said...

أنا أنونيموس إللي التعليق بتاعها عمل الضجة دي كلها و أنا بعد ما قريت تعليق صاحب المدونة حسيت إني لازم أعتذر عن تعليقي أولاً لأنه متسرع فعلاً زي ما قال أحد القراء و ثانياً لأنه غير لائق و مفيهوش إحترام للحرية الشخصية إللي دايماً بنادي بيها في مدونتي و أيوة يا أستاذ آخر الحارة معاك حق أنا فعلاً عندي مدونة لكن مش هحط اللينك بتاعها هنا عشان محدش يتصور إني كنت بعمل الحركة دي كلها دعاية لقراءة مدونتي, أنا هنا عشان أعتذر و بس و شكراً لتعليقك
سـمـر