Monday, November 20, 2006

وطني حبيبي... الوطن الأكبر 2

وطني حبيبي... الوطن الأكبر 2

***

هناك.. كان الجزء الأول

وهنا.. نكتب الجزء الثاني

**

رغم كرهي للتعميمات.. إلا أنها انطباعات..!

يعجبني في الخليجيين علو إحساس الفرد بذاته

يعجبني في العراقيين حرصهم على التفاصيل

يعجبني في السوريين نفسيتهم المطمئنة

يعجبني في اليمنيين فطرتهم السليمة

يعجبني في السودانيين حبهم للسلام

يعجبني في اللبنانيين ذوقهم العالي

يعجبني في الجزائريين جرأتهم

يعجبني في الليبيين نشاطهم

**

أما المصريين

فيعجبني فيهم.....

مصر

**

كان هناك من يغني للوطن الأكبر

18 comments:

Anonymous said...

Masr Heya Wa6anah We Bas

Abdou Basha said...

يا أيها المجهول القابع خلف شاشتك..
تحية طيبة..
وبعض الأسئلة..
هل انت واثق من المعلومة التي قلتها..؟
وفرضا إن كانت المعلومة حقيقية فهل هي حقيقة ثابتةأم متغيرة..؟
وهل ما قلته ينسحب على آخرين غيرك..؟
و....
أخيرا.. من أنت..؟

;-)

awres said...

أحب المصريين لبساطتهم و حبهم للاخرين
تحياتي

Nado said...

b7eb khefet dam el masriyin...
;)

Epitaph said...

احب في المصريين
خفة دمهم
و بساطتهم
و كرمهم
و ابتسامتهم
و ضحكتهم
...


اقولك
انا عندي حساسية بسيطة كدة
بتسبب في نوبة كحة عنيفة كل فين و فين كدةو بيبقي صعب اخد نفسي و تحس اني باموت..المهم.. الحكاية دي حصلت لي وانا في الشارع من يومين وقفت وهاتك يا كحة.. المهم خلصت نوبة الكحة..و كملت مشي انا و صحبتي..لقيت حد بيجري من بعييييييييييييييييييييييد اوي و جي جري بيقولي اتفضلي يا انسة
بابص لقيته السايس اللي قصاد النادي
جه بينهج وهو اللي عايز مياه اصلا
بس علي وشه حتة ابتسامة و سلامتك و اتفضلي

دي مكانتش نظرة واحد بيعاكس و لا بيستظرف و لا اي حاجة
دي كانت نظرة و لفتة من مصري بجد

و ياما في قصص كتير بقي

Rasha said...

انا بحب في المصريين والي بشوفه في عينيهم
حبهم للناس وطيبتهم بيضحك وفي عينه ميت سؤال وسؤال

بحبهم عشان مثقفين واي طفل منهم يقدر يعلمك حاجه

بحبهم عشان بسيطين وبقلبهم حنيه بحبهم قوي واحيانا حبك بيكون بلا اسباب

بس اتاكد زي ما في ناس مش كويسة في مقابلها ناس كتير كويسه وهما الاغلبية

المصريين هما الي مخليين مصر حلوه
مصر حلوه باهلها الطيبين

Abdou Basha said...

awres
مرحبا بكِ يا ابنة الأوراس، يا ملكة الجبال، أقدر أهل الجزائر..أحب جديتهم وإقبالهم على العمل.
:)
تعرفي.. بفكر أكتب هنا عن علاقات مصر العربية وكيف اختلطت أعراقنا منذ فجر التاريخ، لكن أعتقد أنها ربما تكون مادة ثقيلة على مدونة .

**
ندى
يمكن المصريين بسطاء فعلا، وتشعرين فيهم بشيء من التفاؤل، عشان كده لما بيحدث ويكون فيه حس تشاؤم بيكون شيء صعب جدا.
عايز أقول كمان إني بحب في اللبنانيين إنهم لايقهروا مهما مروا بمصاعب، أراهم كمن يتعثر على الأرض فيقوم ليعاود سيره أنيقا ليس على زيه الأنيق ذرة غبار .
**
Epitaph
أنا حابب نظرتك دي يا إبيتاف، أنا برضه ساعات بتكون عنيا أكتر على السلبيات خصوصا اللي ليها جذور تاريخية لقيت شبهها في التاريخ.
هي دي الشيء الوحيد اللي بيضايقني في مصر.
**
رشا
تعرفي..
أنا بحب مصر أكتر ما بحب المصريين، يمكن تكون وجهة نظر مختلفة، لكن أنا براهن على الثابت، يمكن مصر.. القاهرة.. النيل هما حبي الأساسي.. شخصية البلد.
لو لقيت انسان مصري شبههم بتعاطف معاه، حتى لو كان عايش غربة .
وجهة نظرك أنا حاببها برضه، لإن المصريين فيهم مميزات أحيانا خصوصا لما بيبان طموحهم العالي..
لكن........
:)

walaa said...

احب المصري لما يبدأ يومه ويتوكل على الله .. لما يسعى في ارض الله ويتعب ويرجع بعد يوم طويل يفرح بلمته وسط عيلته .. لما يسال على جاره واهله .. لما يخاف موت على ولاده ويهتم بادق ادق تفاصيل حياتهم ..

بحبنا احنا المصريين .. في بساطتنا .. وطيبتنا الحقيقية .. حتى في ضحكنا وكمان في شدتنا ..

جميلة فكرة .. الاشارة للبعد التاريخي .. على فكرة دي من أجمل سمات كتاباتك .. زي كده .. موضوعك لا تكفروا بالعروبه كان التحليل استنادا للبعد ده ممتاز فيه .. ياريت تكتب ..

امنية .. ياريت لما تعدي على النيل تسلملي عليه ـ عادة قديمة ـ تحياتي

Anima said...

و ماذا يعجبك في المغاربة يا ترى؟

هديل said...

أحب في المصري روحه الخفيفة..
أحب في المصري قدرته على أنه يتجاوز نكباته .. بنكتة..
أحب في المصري بساطته..

Bella said...

باحب في المصريين حاجات كتيرة قوي

منها الشهامة والكرم وطيبة القلب وخفة دمهم اللى مش على حد

بس زعلانة منهم جدا جدا لتراخيهم وتفريطهم في حقوقهم بدعوى من خاف سلم

نفسي يبطلوا الحكاية دي

ويعرفوا ان ماحدش بيموت ناقص عمر ولا بيضيع حق وراءه مطالب


المهم انه يطالب بالحق ده ولاينتظر ان يطالب له به الآخرين

نفسي نتغير بقى علشان مصر ترجع حلوة زي الاول

بحرينية said...

عشان نوصف مصر و المصريين
لازم نتذكر عبارة وحدة بس
( مصر ام الدنيا )
عندها فقط سوف لن نتوقف عن التحدث عن مصر و المصريين
اعتقد ان المصريين يتميزون بالقدرة الكبيرة على الشرح و توصيل المعلومة و
اسلوب فريد من نوعه في ايصال الافكار مهما بلغ حجم تعقيدها

تدوينة شغل عدل
اشكرك

MAKSOFA said...

بحب المصريين لأنهم أهلي وناسي
بحب المصريين لأنهم مهما عملوا فهم غلابه وطيبين
بحب المصريين علشان دمهم خفيف
بحب المصريين لأنهم ولاد نكته ويلقطوها وهي طايره
بأعشق بلدي مهما كانت عيوبها
ونفسي ترجع تستعيد مجدها زي زمان
ونفسي مشاكلنا تتحل وشبابنا يلاقي فرص عمل في بلده ومايتغربش
وبادعي دايما
ربنا ينعم علينا بالأمن والسلام



ولم لو أكن مصريه لوددت أن اكون مصريه

وجع دماغ said...

تعاملت مع أغلب الجنسيات العربية
لذلك أتعجب كيف تولدت عندك هذه الأنطبعات
طبعا مع تسليمى بخطأ التعميم أيضا

awres said...

تحياتي يا ابن مصر الحبيبه
انيمه صديقتنا من المغرب تنتضر الاجابه انا انا فاحبكم كلكم يكفي المشاكل و الانشقاقات التى يمر بها العرب و الف شكر لهذه الشبكه الغربية الساحرة التى جمعتنا و كسرت القيود و الحدود و التاشسرات و جعلتنا نلتقي متى نشاء نتعرف و نتفرب ببعضنا البعض

change destiny said...

ثقتهم بنفسهم و اعتزازهم بجنسيتهم ؟

Abdou Basha said...

ولاء
فعلا .. ده انا اللي كنت أقصده، جميل انك فاكرة العنوان
سلامك وصل
:)
**
أنيمة
مرحبا بكِ
يعجبني في المغاربة انفتاحهم على الآخرين
أنا سعيد بزيارتك الجميلة
:)
**
هديل
مرحبا بوجودك ورايك الجميل
**
بيلا
حمدالله على السلامة
دي من ضمن العيوب اللي مش بحبها أنا كمان
:(
**
بحرينية
تعرفي بحرينية..؟
البعض اليوم يستهزيء بهذه العبارة
"أم الدنيا"
:(
أعتقد أن هناك فارق بين مصر والمصريين
مصر أم الدنيا هكذا قدر لها
لكن ليس شرطا ان يكون المصريين في نفس المكانة .
أعلم حديثي قد لايعجب بعض القوى الوطنية
:)
لكن لنجعل مصر بعيدا عنا، رمزا نحبه ونعمل على الحفاظ عليها
مثل الإسلام .
**
مكسوفة
آااه
حاسس في كلامك بنبرة ألم ووجع من الغربة ..!؟
على فكرة تقريبا الواحد مش بيعرف قيمة بلده غير لما يشوفها من بره، ويمكن يحس ازاي ان بعض المصريين بيضيعوا النعمة من إيديهم، على فكرة نفس الإحساس ده ممكن يكون عند ناس مش مصريين، سواء إخوة عرب بيحبوا مصر، أو قوى عندها طموح استعماري مش مهتمة بمصلحة مصر قد ما هي مهتمة بمكانتها
**
وجع دماغ
هذه هي الملامح الأشهر لهذه الجنسيات عندي
من خلال تجربتي، وهناك صفات أخرى قد تكون جميلة أو سيئة لكني لم أتحدث عنها
فقط أنا أدون الانطباع الأشهر، أو أكثر ما يعجبني
**
أوراس
أحيانا ما تقربنا هذه الشبكة العنكبوتية فعلا
للأسف أن البعض أيضا يستخدمها للتفريق بين أبناء الأمة الواحدة أو حتى الوطن الواحد .
أتمنى ألا أشارك في هذا في أي يوم من الأيام
:)
**
ديستني تشانج
عارفة البعض بيقول على المصريين مغرورين .
أنا مش حاسس بكده أنا بحس إنهم غلابة جدا، بس عند الحديث عن مصر الأمر بيختلف
مصر تستحق إن الواحد يسعد إنه قرب منها او سكن فيها .
:)

Mona said...

المشكلة ان الواحد بأه إحساسه بالمصريين مش ثابت يعنى من فترة كده كنت رايحة كارفور من على الدائرى و فوت الفتحة فوانا برجع بضهرى طلعت على الرصيف و ابتديت اضحك انا و صحبتى على خبيتى خصوصاً إنى المفروض سويقة قديمة المهم نزلت هى علشان تشاورلى أعمل ايه و احنا لسه بنضحك و ثانية و لقيت تاكسى و ميكروباص و عربية فيها 3 ولاد صغيرين وقفوا و نزلونى و راحو شايلين العربية شيل عشان العفشة و نزل سواق التاكسى بعدها تحت العربية عشان يطمنى عليها و يقولى انه محصلهاش حاجة و بعدين فى ثانية برده كله ركب عربيته و مشى من غير حتى انتظار الشكر
دى حادثة حقيقية و برضه التحرش بتاع وسط البلد حادثة حقيقية و مشاعر الواحد بتوه بين الحادثتين و ما شابهما