Wednesday, November 29, 2006


****

كنت مضايق من شوية مماليك شفتهم.. فكتبت الكلام ده.

***

عودة المماليك

**

رجع زمن المماليك ** ورجعت أيامه

الخوف ورا الشبابيك ** مقفول عليه بابه

مملوك بيشخط فيك ** ويمضغك نابـه

يعلي صوته عليك ** مجامله لاحـبابه

يا عم مين يحميك ** مـ اللي النقيب خاله

ده وطن بيجني عليك ** وبيجني على حاله

17 comments:

Lasto-adri *Blue* said...

الفكرة انى لسا بادءة قراءة كتاب
آخرة المماليك من كام يوم

:D
جيت ع الموجة يا عبد الرحمن

Aladdin said...

آخرة المماليك ياااه لإبن زنبل الرمّال (رائع هذا الكتاب)!

أحيلك إلى قصيدة رائعة كتبها شاعر العامية أسامة فرحات بعنوان "المكارم السلطانية في الحضرة الرمضانية" ونشرها بمدونته الخاصة http://wassia.blogspot.com/

Dananeer said...

وطن بيجنى عليك و بيجنى على حاله
حلوه بجد

The Eyewitness said...

حلوة ومعبرة جداً.

Epitaph said...

حلوة اوي
ماشاء الله

لول مرة اقرا لك شعر يا عبدو باشا
:)

قلم جاف said...

زيي يا بلو ، لسة كنت قاري الكتاب دة من كام يوم ، تدوينة للأستاذ نبيل هلال لفتت نظري ليه .. الكتاب جامد جامد على حق ..

والقصيدة معبرة يا عبود ..

smraa alnil said...

اولا اعذروني علي جهلي لاني مش عارفة كتاب ايه اللي ببتكلموا عليه
بس القصيدة عجبتني اوي وزي النايس ما قالت هي معبرة جدا

الهام said...

اولا امماليك انتهوا
ثانيا هؤلاء مماليكنا (صنع ايدينا بجداره )
ثالثا نهايتهم ستكون على أيدينا كذلك وأن طاااااااااااال الزمن
رابعا كتابه جميله تعبر عن نظرتك تماما
تحياتي

tamer said...

ولكل مملوك نهاية

لانة لايملك نفسة فهلى ملك لااخرين

تحياتى

بحرينية said...

صح لسانك

anima said...

no comment

محمد أبو زيد said...

خلاص رجعوا المماليك

ROMIL said...

GOOD PLAY

بس ايه اللى فكرك بالمماليك؟

ROMIL

HaMzA said...

السلام عليكم ورحمة الله

اممم
يا عم مين يحميك ** مـ اللي النقيب خاله
اثر فيا البيت جدا

يالله
في امان الله

Abdou Basha said...

Lasto-adri *Blue

آخرة المماليك معروفة
اتتنين حيخلصوا على بعض
:)
بس انا بشعر ان النهاية مش قريبة .
**
Aladdin
الأستاذ اسامة قرأت له بعض الكتابات التي تستخدم لغة عصر المماليك، وكانت فكرة موفقة .
**
Dananeer
موقف صعب لما الواحد يوضع في موقف يا انا يا الوطن
يا اخسر الوطن يا اخسر نفسي..
عشان كده الوطن الأمثل هو اليوتوبيا اللي بنتمناها وبنعمل على تحقيقها .

كلام رومانسي وبعيد عن الواقع مش كده..؟
:)
**
The Eyewitness
شكرا ليك
:)
**
Epitaph
فيه حاجات تانية كمان أقدم بس مش ع المدونة هنا
**
قلم جاف

الغريب انك حتلاقي امور متشابهات بتتكرر من أيام حكم الفراعنة وكإنه لازم يكون فيه مماليك .
**
smraa alnil

شكرا يا سمراء على ذوقك، الكتاب انا كمان ما قرأتوش كله .
**
الهام

العزيزة الهام شكرا على ثنائك، بالفعل نحن من يصنع مثل هذه الطبقات، لكن أظن هذا من منطلق العادة، أو التقليد لما مضى .
**
tamer

فعلا.. وكإنه مملوك حول اللي حواليه مماليك

**
بحرينية

شكرا
وكإني شاعر
:)
بس هي محاولة للكتابة عن فكرة
**
anima

نعم..أحيانا اللاتعليق يكون تعليق ذو مضمون
**
محمد أبو زيد

يمكن عشان لازم يكون فيه مماليك..!؟
بعض الحاجات لازم تتغير، بس امتى..؟ وازاي..؟
؟؟؟؟
**
ROMIL

افتكرت المماليك لإني قابلت ناس شبههم كده في الشوارع بيمارسوا نفس المعاملات القديمة اللي من أيام الفراعنة .
احنا على طول كان عندنا مماليك .
**
HaMzA
شكرا يا حمزة على تشجيعك .

شاب اسكندرانى said...

حلوة يا باشا

شخبطة ملوكى said...

اخى الحبيب عبد الرحمن
لا يسعنى الا الاشاده بالفكرة الراقية التى كتبتها
ومع الفارق بين مماليك زمان ومماليك دلوقتى الا ان التشبيه وارد و منطقى فى نقاط
دمت مبدعا
طارق المملوك