Tuesday, December 05, 2006

هل بدأ الشتاء..؟

بدأت الأمطار...

لكن هل بدأ الشتاء..؟!

ربما...

لم أشعر طوال الفترة الماضية بأجواء شتوية حتى تلك الليلة .. اليوم، عندما بدأت الأمطار في الهطول ليلا.

**

إمعانا في تلك الأجواء..

أقدم هذه المقطوعة التي أحبها

هنا... يعزف الجيتار مع الأوركسترا .

**

**

الغريب أن العازف هو إنريكو ماسياس المغني الفرنسي الشهير (يهودي من أصل جزائري، وانعكست ثقافته الأصلية على أعماله الموسيقية) .

أما القطعة المعزوفة فهي "آستورياس " من تأليف إسحق ألبينيز .

**

*




powered by ODEO

15 comments:

foxamr said...

مش مهم المهم ان المطرة مطرت او النطرة نطرت المهم ان ده حصل و يارب يبقي علي طول
اجمل شئ في الدنيا المطرة و ريحةالجو لم المطرة تمطر

Lasto-adri *Blue* said...

بحب المقطوعة دى من زمااااااان

بس تصدق ان فى صوتها تحس رخات المطر؟ والبرق فى النص
ثم سكون العاصفة... بعدها العاصفة ذات نفسها... ثم... سكوووت الليل

:)

فى مقطوعات بتحسسك بحاجات كتير... زى فى موسيقى بطع الثلج، وبطعم الزهر و الفرح... والحزن والانين.... وحتى موسيقى تسمعها تشوف البحر قدامك.. وواحدة تحس انك مش من هنا

يا لهى.. لو فتحتنى مش ح سكت

فى الختام عشان ما اطولش... اختيارك جميل
:)

Mohamed Mehrez said...

جامد جدااااااا
طيب ودي أنزلها ازاي؟!!!!!!

دينا فهمي said...

الشتاء بداخلنا

so7ab said...

عبد الرحمن

امبارح بجد كان يوم سخيف بالنسبه لى
كنت نايم وصحيت على تليفون بيجل معاد معايا علشان المطر وافقت فورا وقرت كالعاده النزول للاستمتاع بالتدخين تحت المطر لكنى كسلت وحسيت انى هخد دور برد ففضلت اعد ولما قررت ان اللى انا فيه ده مش منطقى ولبست ونزلت اكتشفت ان المطر وقف

معرفش ليه كسلت حسيت انى كبرت ولا ايه ولا حالتى المزاجيه فى الارض للدرجه ديه

اخيرا تدونتك خلتنى اقرر انو مستحيل اكسل الايام الجايه ونازل يعنى نازل

saso said...

مطر وعصفور ارتعش

باسمع الاغنية امبارح ويادوب بافتح باب العربية وووووووووش
مع اني مش بحب المطر غير من ورا زجاج لكن حسيت بحاجة مش هاقدر اقول فرح..بس يمكن احساس راحة يمكن وضوح المهم ان الشتا بيعلن عن نفسة والدنيا ليها لون واحد
رمادي صحيح لكن واحد نزلت ومشيت لوحدي وفي عقلي الف فكرة والف حتة مزيكا
وكملت الأغنية في عقلي"ونشفي بشعرك جناحي م المطر"وكلامي بيترسم في بخار حواليا
عن المقطوعة ميرسي لانها بجد طعمها اختلف وقت المطر
علي فكرة بتمطر تاني دلوقت ومش عارفة هاروّح ازاي من المكتب
:)

tamer said...

انا بحب المطر جدااا وعموما الشتاء عندى مميز لانة بشعر فية باالراحة والهدوىء


تحياتى

walaa said...

راااااائع بكل معنى الكلمة البوست هنا ..
تعرف ياعبدالرحمن مهما نسيت مش مكن انسى موضوعك عن موسيقى الجيتار الاسباني ومقطوعاته الاكثر من رووووعة..

الموسيقى جميلة في كل وقت .. بس حقيقي بيكون ليها وقع خاص مع المطر والجو الساحر ده .. امبارح اه تقريبا لسه كنت برده مع الموسيقى والمطر بيمطر في الخارج ..

دايما اختياراتك جميلة .. كل الود

Epitaph said...

مش عايزة اقولك قد ايه استمتعت
سامعة صوت العربيات في الشارع و المطر
و المياة
و انا برادنة موت يعني
و باكتب حاجة هنا للكلية فيها
menace and fear
فا مش عايزة اقولك الجو عامل ازاي
:))

layal said...

للاسف يا عبدالرحمن
عندي مشكله في البلير
لكن كلامك هذا ذكرني بقصيده لطالما تذكرتها مع بدايات الشتاء

واذا أتى الشتاء ...

وحركت رياحه ستائري

أحس يا حبيبتي

بحاجة إلى البكاء

على ذراعيك ..

على دفاتري ..

إذا أتى الشتاء

وانقطعت عندلة العنادل

وأصبحت ..

كل العصافير بلا منازل

يبتديء النزيف في قلبي .. وفي أناملي

كأنما الأمطار في السماء

تهطل يا حبيبتي في داخلي ...

عندئذ .. يغمرني

شوق طفولي إلى البكاء ...

على حرير شعرك الطويل كالسنابل ...


إذا أتى الشتاء ...

واغتال ما في الحقل من طيوب ...

وخبأ النجوم في رداءه الكئيب

يأتي إلي الحزن من مغارة المساء

يأتي كطفل شاحب غريب

مبلل الخدين والرداء ...

وأفتح الباب لهذا الزائر الحبيب

أمنحه السرير ... والغطاء

أمنحه ... جميع ما يشاء


من أين جاء الحزن يا حبيبتي ؟

وكيف جاء ؟

يحمل لي في يده ...

زنابقا رائعة الشحوب

يحمل لي ...

حقائب الدموع والبكاء


واسفه علي جو الكأبه اللي القصيده حملها

بحرينية said...

مقطوعة رائعة جدا
و مألوفة
شكرا على هذه
المعلومات عن المؤلف
اشكرك على البوست

Abdou Basha said...

foxamr
أحسن شيء مشاهدة المطر وانت في مكان آمن بعيد عن المطر والطين .
:)
**
إيمان
انتي فنانة ولا إيه..؟
:)
معاكي حق في كل اللي قلتيه ، انا كنت حاسس بكده برضه، فيها ثورة البرق والرعد، حتى عزف الجيتار تحسي إنه كإنه زي صوت المطر.
أنا بحب المقطوعة دي جدا، وكنت بحاول معاها زمان على الجيتار بتاعي .
**
محمد محرز
http://odeo.com/show/2663793/4/download.mp3
ده رابط التحميل، بس المشكلة فيه واحد غلس في الأول حيقولك اسم الموقع
:)

كان عندي تسجيل تاني، بس إن شاء الله ححمله مع كذا حاجة كده .
**
دينا فهمي
كنت اتحدث مع إحداهن بالأمس، قالت لي : "خمن انا من مواليد أي برج"..؟
قلت لها أشعر أنك شخصية صيفية
:))
الشتاء والصيف..!؟
أعتقد أن هناك شخصية شتوية أيضا .
**
بسام
مطرت عليا إمبارح أن وزملا معايا
فضلنا نص ساعة أو أكتر بنحكي وكإننا قاعدين في أحد مخابيء الحرب .
:)
**
ساسو
انا برضه زيك بحب أكون مشاهد للمطر، اكتر ما أكون تحته وغرقان .
على فكرة .. ساعات البلد بتفضى أيام الأمطار .
بس ده محصلش امبارح أو أول .
**
ولاء
الحقيقة .. المقطوعة دي بالذات بحبها، لكن التوزيع والأداء هنا تحفة .
**
تامر
فعلا.. الصيف أكثر صخبا في كل حاجة، في الفرح أو في الحزن .
لكن أنا بحب في الصيف.... الشمس .
**
ابيتاف
شدي حيلك يا بنتي.. انا عارف فيه كليات بيبقى فيها مدتيرم وحاجات غريبة كده .
بس حتى لو مش عندك، برضه الامتحانات السنة دي بدري عشان العيد .
كل سنة وانتي طيبة
:)
**
ليال
كلمات جميلة
جربي تحميل الموسيقى.. واستحملي الشخص الغريب اللي في بداية التسجيل
المقطوعة جميلة فعلا.
:)
**
بحرينية
بشكرك على كلامك الجميل .

Mohamed Mehrez said...

تسلم على اللينك يا باشا

Dananeer said...

حلوه اوى
انا باقول برضه انا سمعتها قبل كده بس مكنتش كده
و فعلا ماشيه مع المطر و موج البحر كمان

انا لسه باجرب اللينك بس لو مش شغاله
ياريت تحملها

nado said...

ktir 7elweh hal 2et3a el mousi2iye ;)
kifak? shu akhbarak?