Tuesday, December 12, 2006

جريدة الفجر في مأزق..!

شيء كان بيلفت نظري، إن جريدة الفجر كانت من أهم الصحف المهتمة بملف التعذيب اللي بيتم على يد الأمن... كانت لقطات التعذيب والإذلال موجودة ومتاحة على الإنترنت.. لكن كان أبشعها كان اللي نوه عنه المدون دماغ ماك في حالة تعذيب سائق ميكروباص، وواضح إن الأمر وصل لجريدة الفجر، وكتب الشرقاوي عن تطورات القضية، وإزاي نجحت جريدة الفجر في التوصل إلى هوية المجني عليه وعلى هوية الجناة أيضا من ضباط وعاملين في قسم بولاق الدكرور ، ولاقت مجهودات الفجر الاستحسان.

**

لكن على جانب آخر..

نشرت جريدة الأهرام بتاريخ اليوم 12 -12 -2006

هذا الخبر في صفحة الحوادث .

**

**

لو الخبر صحيح.. وده احتمال كبير .

فأي نوعية من الضغوط مورست على السائق المسكين..؟

هل تناول جريدة الفجر جرح إحساسه وكرامته.. فقرر إسقاط غضبه عليها ..؟

أم أن هناك آخرون هددوه كي يقدم على هذا التصرف ..؟

23 comments:

samar said...

ليه مفكرتش في احتمالية إن يكون كلام السائق صح و إن خبر مقابلته شخصياً و عمل حوار معاه ده كان خبر متفبرك من الفجر
دايماً فيه إحتمالية و لو .0001% إن الكلام الغريب الغير مصدق ده يكون صحيح
رغم إني أنا شخصياً أميل إلي الرأي القائل أنه مورست عليه ضغوط و دي حاجة كانت متوقعة أصلاً بالنسبة لي من يوم ما قريت خبر العثور علي السائق

Anonymous said...

ياباشا مكسوفة ضحكت عليكو
الصور ماخوذة من موقع

ikhnaton2 said...

يا نهار مش فايت

Epitaph said...

اوباااااا
:)

اكيد ضغوط
و ضغوط بالاوي كمان

:)

karakib said...

طيب و الفيديو ده بتاع مين ؟ واحد شبهه ؟
أعتقد أن عادل حموده بكل حنكته و ذكائه الصحفي ... توقع أن يحدث هذا و أكثر ... أنتظر و ستري الكثير .. الراجل ده مش سهل أبدا و اللي نشروا أكيد حاسب حساباته كلها من قبل ما يحصل

Sampateek said...

الحق تاه

لا حول و لا قوة الا بالله

sharkawy said...

الخير للزملاء هنا .. وهناك أيضاً
للأسف هو فيه لبس فى الموضوع وانا مقدرش أوضح بأكتر من اللى هقوله دلوقتى ..
أنى يعنى عيب يبقى مصدر أخبارنا المهتمين بيه جريدة الاهرام والصفحة كمان اللى تحت ايد المخبر ومندوب الداخلية بالاهرام احمد موسى ..
عماد ضحية الاغتصاب على ايد جلادى الشرطة بيتعرض لضغوط لو انا او اى حد تانى فى مكانه كان زماننا سلمنا تماماً ، بس برضه قوته بتطلع وقت الجد .. كان امبارح فيه تحقيق وعماد حضرة وكان معاه ناصر امين مدير مركز استقلاق القضاء والمحاماه.. وتم تكذيب خبر القضية وانه كان نتيجة ضغوط .. أقولكم الضغوط أيه ولا بلاش .. اقروا الفجر ..

كعادة المدونات بيدخل عليها اى حمار معدى ويعلق ويقول ان الصور متفبركة ,وانها متاخده من موقع .. الجريدة وكاتبها وائل عبد الفتاح يتمتعوا بمصداقية والصور سأنشرها بمدونتى قريباً جداً وهى صور غير موجوده ولم تنشر للأن
تحياتى وتمنياتى بمصر خالية من التعذيب .. مجرد تنميات

walaa said...

اعتقد لحد بعيد انها ضغوط مورست عليه عشان يتنازل عن حقه .. والاهرام بتقوم بدورها وكالعادة على اكمل وجه ..

elkamhawi said...

فى مصر عمرك ما هتعرف مين الصح ومين الغلط

samar said...

Sharkawy:
يا أخ شرقاوي لو يتقصدني أنا بالحمير إللي بيتكلموا عن الفبركة فأحب أقولك إني ما اتهمتش حد فبفبركة خبر بل شكيت إن فيه إحتمالية إن ده يكون خبر متفبرك
إحتمالية زي أي إحتمالية
الجريدة و كاتبها وائل عبد الفتاح قد يتمتعوا بكل مصداقيات العالم عندك و قد لا يتمتعوا بنفس المصداقية عند البعض الآخر و للا إنت مخك مقفل لدرجة إنك متقدرش تتقبل الرأي الآخر أو حتي تتفهمه
مش معني إن حد قال رأي معارض لرأيك إنه يبقي حمار و يا ريت تفهم كده كويس قبل ما تسن لسانك القذر و تشتم

citizenRagb said...

السواق اعترف امام النيابه بما نشرته الفجر
وان رئيس المباحث هو من ضغط عليه من اجل رفع القضيه علي جريدة الفجر
وكده الموضوع مفهوووووووووم
ما نشرته الفجر صحيح والراجل بنفسه اعترف امام المحامي العام

Abdou Basha said...

samar
كل شيء قابل للمناقشة، لكن بعد ما قريت حسيت ان ورا الموضوع منافسة مهنية بين الأهرام والفجر .
**
Anonymous
لأ ده لقطة فيديو مش صور، وبعدين ايه علاقة مكسوفه في الموضوع...؟
شوف راجع الروابط اللي في الموضوع تاني.
**
ikhnaton2
برضه ده كان انطباعي اول ما قريت.
**
Epitaph
من غير حاجة ومن الأول هو عليه ضغوط المسكين بسبب اللقطة دي، فأكيد زادت.
للأسف لازم ناس تتحمل مواجهة الفساد ده في الأول حتى لو على حساب نفسها عشان الوضع يتغير .
**
karakib
هاني.. لو تفتكر حاجات كتير اتنشر عنها في الأهرام بالصورة دي، منها الحادثة اللي حصلت للأستاذ محمد الشرقاوي، كتبت الأهرام نفيها تماما .
**
سمباتيك لكن كلبوزة
الناس هي اللي تايهة عن الحق .
:(
**
شرقاوي
حسيت في كلامك نبرة لوم إني نشرت الخبر ده، لكن تحري الحقيقة هي إن الواحد يعرض كل حاجة، عشان يبقى فيه مقارنة بين المصادر المختلفة تخرج منها بنتيجة.. وبعدين الأهرام دي بمثابة نشرة حكومية يومية، فلازم الصورة تكون كاملة، في عرض كل الأطراف وكل المصادر .
عشان كده الروابط كان فيها كل الأطراف .
بالنسبة للحمار....
:)
انت عملت مشكلة لإني مش عارف تقصد مين ...؟
**
سمر
هو أكيد يقصد الأنونيموس .

Abdou Basha said...

walaa
بالظبط الأهرام بتقوم بدورها، في متابعة فعاليات رجال الأمن
:)
**
elkamhawi
لإن الصح بيبقى مع الأقوى، حتى لو كان في الأصل ضعيف .
**
citizenRagb
شكرا على المعلومات

بعدك على بالى said...

مش عارفه ليه حاسة انها تمثيلية بين الفجر والداخلية؟ على اعتبار ان هناك معارضه بتكشف الفساد اللى بيطلع فى النهاية مش فساد، فى اطار تجميل الصورة، لانه فى النهاية عادل حموده مش ضد النظام ولكنه احد رجاله المخلصين وان ظل على يسار الكادر للمساهمه فى عمليات التطهير و التاكيد على ان عندنا معارضه بجد بتقدر تكشف الفساد
ده مش اتهام له ولكن من واقع قراءة تاريخة ومواقفه
يعنى لو ضد النظام بجد كان حيسافر مع الريس ؟؟؟
يالا كله بيلعب على كله

بعدك على بالى said...

نسيت اقولك ان عادل كان من اوائل اللى سافروا لاسرائيل ايام السادات فى هوجة التطبيع الاولى ، مبررا ذلك بمبدأ اعرف عدوك

تفتكر كان ممكن يقول للريس وقتها لأ

؟؟؟؟؟؟؟؟؟؟؟؟

تحياتى

Ahmed Shokeir said...

آخر الاخبار ياعبده باشا

الراجل إعترف انه لتعرض لضغوط من مباحث بولاق الدكرور عشان يكذب الجريدة

بطل فضيحة التعذيب في بولاق: المباحث ساومتني وأرغمتني علي تكذيب «الفجر» المصري اليوم

قلم جاف said...

مع التسليم بالخبر المذكور..

ولكن ..

لنجرب التفكير في سيناريو آخر..

هل تتابع الصحف المستقلة المعارضة تلك القضايا لله في لله؟

هل يسعى المال الدافع لتلك الصحف لإحداث ضغوط ما على الجهاز الأمني؟

هل أصبح الجهاز الأمني رغم كل فضائحه هو محطة في تصفيات الحسابات بين رجال أعمال الحزب البيروقراطي ورجال أعمال غير الحزب البيروقراطي؟

أحاول الربط بين تلك الحملات "الفجراوية الحمودية" ضد العادلي والحملة الشهيرة لجريدة الشعب ضد سلفه حسن الألفي..

sharkawy said...

samar:
طبعاً من حقك تشتمى براحتك تماماً انما متفهميش وتدعى الفهم وحدك فدى بقى مقبلهاش أبداً./
شوفى
انا مقصدكيش انتى بالحمير ده اولاً وثانياً لو بصيتى على التعليقات اللى سبقت تعليقى هتفهمى نى مقصدكيش ،
وكمان لو بصيتى على تعليقى هتتأكدى انى مقصدكيش بس واضح انك بتتحججى وعاوزانى اشتمك بالعافية وانا بقى مش هعمل كده :P
ثانياً.. بالطبع لا يوجد مطلق وما هو أكيد عندى بالتأكيد به شك عندك ،
يبقى بقى انك شتمتى لسانى وقلتى عليه قذر .. دقتيه ولا بتسمعى عنه بس .
بعتقد انك متعرفنيش وعلى العموم شكراً ليكى ..


عبدو باشا .. بص يا باشا انا مش بلومك عشان نشرت الخبر بس بلومك فى صياغته ولكن دى حريتك فى مدونتك وانا حريتى بتعليقى وان ممكن تشيله .. عموماً انت صح وانا بس كنت منفعل شوية لانى دقت ده قبل كده ،
انا بالفعل كنت بقصد الحمار anonymous
.بعدك على بالى .. لولا اغنية فيروز التى اقدسها واعشقها ما ترددت اطلاقاً فى الرد عليك عشان ده مش موضوعنا يعنى وانا مالى هو راح اسرائيل ولا مراحش يا عالم انا ليا بدور بيقدمه .. ماهو كل الحاجات بتلغى كل الحاجات بس انا باخد الفكرة وبحاول اوائمها على افكارى ولا ايه ....


قلم جاف .. علقت فأفلت .. ايه اللى انت بتقوله ده ؟
يعنى دى خدعه من الحكومة عشان يظهروا بشكل كويس .. ربنا يكتر من خدماتهم .. بس معنديش مانع انهم يعملوا كده تانى اصل الظباط مرعوبين من الموضوع ده ،
متقلقش يعنى ... اشوفكم على خير
. عبدو باشا شكراً على استضافتك

قلم جاف said...

ما قلتش كدة يا شرقاوي..

حملة الألفي كانت بين حزب ووزارة ، ودلوقت زمن الأحزاب ودع ، وظهرت بداله جماعات المصالح الخفية ورؤوس الأموال اللي جوة وبرة وبتمول صحف وساعات حركات معارضة مش حباً في مصر ولا في المصريين قد ما هو تحقيق مصالح ..

على الأقل في الوقت اللي كان بيطلع فيه عين "الشعب" علشان تجيب مستند ولا وثيقة حتلاقي الوثائق كلها وقد ظهرت بقدرة قادر .. العادلي سيستقيل أو سيستقال قريباً هذه فركة كعب ، لكن من الذي سيأتي بالبديل؟ أو للدقة أي "مال" سيأتي به؟

حتى وإن كنت قد تختلف معي في الدرجة التي يسود فيها المال السياسي حياتنا ، ألا تتفق معي على وجوده وتأثيريته؟

samar said...

Sharkawy:
أولاً: السبب اللي خلاني أفتكر إنك تقصدني إن أنا الوحيدة اللي جابت سيرة الفبركة و قلت إن إحتمال يكون الموضوع متفبرك
ثانياً: إختلافك مع رأي أياً كان سواء رأيي أنا أو رأي غيري مازال لا يعطيك الحق في سب صاحب الرأي يعني ممكن تختلف زي ما انت عايز من غير ما تشتم و للا عشان إنت مدون مشهور و مهم (أنا شخصياً بحترم جداً إيجابيتك) متخيل إن ليك حق شتيمة خلق الله زي ما انت عايز؟
أنا شخصياً في وقت ما كنت زيك متخيلة إنه من ضمن حرية التعبير إنك تعبر عن رأيك بأي طريقة تعجبك حتي و لو كانت شتيمة لكن رجعت اكتشفت إن ده غلط لأني كده بسيء لمشاعر شخص أو أشخاص آخرين بطريقة أنا مقبلهاش علي نفسي
و بقلل من قدري و من مصداقية و أهمية و احترام كلامي و آرائي
و عموماً سوري علي الكلمة اللي أنا قلتها أنا بس اتغظت جامد من أسلوبك و لسة متغاظة بصراحة لأن سواء أنا المقصودة بالشتيمة أو بعدك علي بالي أو أي حد دي حاجة مقبلهاش أبداً و مسمحش بيها

sharkawy said...

يعنى انا عاوز أرد على سمر الاول يا قلم جاف مع احترامى ليك ،
أصلها قالت عنى انى مدون مشهور وده فخر ليا انه يبقى منها ،
عموماً ....
samar:
أنتى ليه مستعجله كده وليه مصرة انى أقصدك أنتى ؟؟
هتصدقينى لو قلتلك أنى مقصدكيش أنتى .. عشان أنا مقصدكيش أنتى وأنتى متهمتيش حد بالفبركة وخصوصاً الصور ،
ya samar , anonymous said< Anonymous said...ياباشا مكسوفة ضحكت عليكو
الصور ماخوذة من موقع>
شفتى بقى أنك ظلمانى ،
أنا قلت اللى عندى فى النقطة دى ،
عاوزة رأيى بقى .. انتى حره فى التعليق زى ما انتى عاوزة .. يمكن انا مشتمتش انا بس كنت بوصف ويمكن الحمير تزعل لما كل واحد مش عارف عن البيض صفاره ويقول أى كلام وخلاص ..
samar:
انتى ظلمانى خالص وتحياتى وابقى بقناعاتك الى ان تتغير وتصبح قناعات أخرى وابقى ايضاً عليها مادامت أنت فهى تشبهك حتى وأن أختلفت ... تحياتى .


قلم جاف ..
طبعاً مش عاوز أقول ان الحملة برضه بتاعة حزب العمل ومجى حسين وجريدة تالشعب مكنتش تحت راية الحزب بس ،
الموضوع فيه كلام تانى ,,
بس أنا عندى كلام بس مقدرش أقوله وكل اللى اقدر اقوله ان الداخلية بجد منزعجة جداً من الموضوع ده.
وعاوزة تخلص منه بأى وسيلة .
عاوزه تقفل موضوع عماد لانه مكتمل الاركان بجد المرة دى ..
عاوز اقول بمناسبة العادلى .. ان فيه قضايا زلزلت مصر ومتشالش الراجل ،
يعنى تقدر تقول ان امن النظام الان لا يضاهية شئ وهو بينفذ ده كويس ..

تحياتى لكل من يمر هنا .

MAKSOFA said...

Anonymous

معلش ياباشا حاارد عندك علي المجهول


هو انت تايه موش عارف ايه الحكايه وماقريتش
وجاي ترمي بلاك علي هنا كمان

خلاص حااضمك لحزب مجانين مكسوفه

samar said...

يا شرقاوي أنا مصدقاك و الله و آسفه إني غلطت فيك