Saturday, December 30, 2006

أول أيام العيد

للأسف .. لم يكن معي كاميرا..!

**

اليوم أول أيام عيد الأضحى..كان المفترض إني خارج القاهرة الآن، لكن هذا لم يحدث، حدثت ظروف وخذلت الجميع، وبقيت وحدي في القاهرة أعد ما هو مطلوب مني.

**

جاءنا البيان التالى

**

صليت الفجر في المسجد.. وعدت لأكمل ما بدأته، ثم نزلت مرة أخرى لصلاة العيد، كنت أتمنى يكون معي كاميرا لتصوير المشهد... كان جميل.

لكن.. كانت حالتي لا تعبر عن العيد، الجو كان بررررد، الشيء الوحيد اللي كان بيضحكني هو كل ما افتكر لقطة محمد هنيدي وهو متلج لما كان عامل مراسل من الشيشان في جاءنا البيان التالي، ومتلج وبيرد على التلفون ألوووو .

كذا مرة كنت بابتسم لما افتكر .

العجيب إني ما قابلتش حد من الناس اللي اعرفهم كتير.

**

**

المشهد اللي بكرهه كل عيد أضحى هو مشهد ذبح الخراف والأضاحي أمام بعضها البعض، أتذكر بيرجيت باردو وهي تنتقد سلوكيات المسلمين عند ذبحهم الأضاحي.

الغريب أن الدين الإسلامي يحض على فصل الحيوانات عن بعضها عند الذبح، ومعاملتها معاملة رحيمة حتى عند ذبحها بغرض الطعام، حتى في وقت زحام العيد، لكن ....... (مش وقته بقى) .

**

**

الأغرب أنه تم إعدام صدام حسين النهارده، وعرضوا صور إعدامه على الشاشات وفي رقبته حبل المشنقة للتنكيل بيه أمام الجميع.. أعتقد إن بارجيت باردو حقها تعترض على اللي حصل ده كمان .

**

**

اتضح كمان إن النهارده أول يوم العيد مباراة الأهلي والزمالك، واضح إنه اليوم مزدحم جدا، عند كل الناس .

عموما.. أسوأ شيء هو الزحمة في العيد، كان نفسي يكون العيد ده فرصه للاسترخاء، لكن الأيام جاية كتيييييير .

**

كل عام وانتم بخير

13 comments:

Me2 said...

كل سنة و إنت طيب... يعني عيد سعيد
وكل أضحية و إحنا بخير... و ماله لما يعدموا صدام ماهي دي أضحية كلاب العراق لماما أمريكا

Rasha said...

كل سنة وانت جميل يا عبده
ايامك كلها افراح انا مش عارفه مدايقة شوية على منظر اعدام صدام وده كان اول حاجه شفتها الصبح..

على العموم بتمنى من كل قلبي ايام اكثر اشراقا على الجميع وباتمنالك
كل حاجه جميلة موجوده
وتحقق كل احلامك يا رب

walaa said...

اعتقد انه يوم حمل في طياته الكثير من الالم والحزن،،

الظاهر انهم بيعرفوا ازاي دايما،، ينجحوا في جعلنا نشعر بالمهانة والاهانة،، والا لما كان اعدام صدام اليوم،،

بس مع كده هنفضل كل اما هنكلم حد او نشوفه نرسم على وشنا ضحكه، واحنا بنقول كل سنة وانت طيب!!

ختاما،، بكرر التمنيات للجميع بايام اسعد وافضل حالا..

راندا رأفت said...

حقيقي اغرب عيد عيشته مليء بالاحداث
دا حتى دلوقتي الدنيا بتمطر
......
كل سنة واحنا مستحملين

Epitaph said...

فعلا يةم كا بيحمل العديد من التناقض
اللي زعلان علي صدام
واللي بيلعنه
واللي كان بردان و نزل يصلي
و اللي زعل للزمالك
واللي فرح للاهلي
يا ربي
ايه كل ده


كل سنة و انت طيب
:)

Hiba said...

tadarob fe el msha3er w el a7asees...
awel marra y7sally kda fe el3eed..
7'sosan eny 3ndy 7alet ekte2ab mn el examz.. w tb3n el 3eed et2ada fe elbeet 3shan mab7ebesh ashoof el dab7 w el damm ..:S
kol sana w kolena gamee3n taybeen!!
:)

الهام said...

كل سنه وانت طيب
الشيء الوحيد المزعج ان صدام اعدم ليس لاخطائه ولكن لمواقفه الجيدة ولو كان العكس لكان بداية للتغيير في هذة الامه النائمه اما الان فربما هو بوابة الجحيم القادمه
تحياتي

هديل said...

رغم فوضى الأمس.. كل سنة وانت طيب يا عبد الرحمن باشا

layal said...

وانت بخير يا عبدو
العيد بزحمه والهروب منها هو الحل :-)

بخصوص صدام
فمهما قلنا عن ظلمه
لكن اقل ما كان يمكن ان يقدم للمسلمين واحتراما لهم هو عدم تقديمه كتضحيه بأول ايام عيدنا
لو كان عدوي يهودي لما رضيت ان يذبح يوم عيده
لكن الشكوى لغير الله مذله
بعد كل ده اوقل لك يا باشا
كل عام وانت بخير :-)

saso said...

كان نفسي ابقي اجازة اول يوم العيد علشان الاضاحي والدم وحكاية كل سنة
اية الاستفادة من كفوف الدم علي المباني اللي لسة جديدة وحرام يبوظوها كدة وانا طبعا مبعرفش اشيل عيني من عليها كل يوم بعد الحكاية دي
صف خراف في خيمة وشايفين الدبح والدم ربنا قال يداروهم عن بعض بس احنا مصرين نخليهم يتالموا معرفش ليه
وصلت المكتب لقيت فيديو الاعدام ابتدي يتبعت علي الايميلات والتليفزيون بيعرضة افتكرت الخراف تاني.. احنا عندهم كدة
لو ثورة شعبية قامت ودبحتة كنت هافتكر أفعالة والشيعة وحرب ايران والكويت وكل حاجة لكن لما الاحتلال يقتلة افتكرت بس انة عربي واننا مهانين تماما ومقتلة اهانة جديدة
رجعت البيت لقيت الماتش هوا الحدث واعدام صدام يناقش ما بين الوقفات
والنهاردة مش عارفة فين بيعملوا صواريخ الوان وشايفاها من البلكونة علي اساس انة كريسماس العيد مش حدث تقريبا يستحق الصواريخ لكن الكريسماس - اساسا الساعة لسة 9.30 ومفيش نيو يير بس ماعلينا- حدث يستحق الفرقعة

واخيرا عـيـد سـعـيـد

المفكر said...

كل عام وأنت بخير
يسعد أيامك ولياليك

Yasser_best said...

عام جديد وأحوال أفضل بإذن الله
تأملت الصورة بتفاصيلها المتناقضة.. من ذبح الأضاحي وصولاً إلى نحر صدام حسين مروراً بموقعة الأهلي والزمالك

كم في الأعياد من عجائب!

yara said...

الغريب هو حالة التعاطف الفجائية اللى حصلت مع صدام
أنا المشهد ده أثر فى و معتقدش إنى ها أقدر أنسى كم الإستهتار بمشاعر البشر بغزف سيمفونية متكاملة المقاطع لمجرد إنهم يعرفونا أن إحنا و أحنا بنحتفل بأعيادنا ما نسوييييييش أكتر من الخرفان اللى بناكلها
إستفزاز تام للمشاعر بالتنكيل بحياة شخص توشك أن تنتهى و من ثم التنكيل بجثته