Wednesday, December 27, 2006

Only In Egypt

**

قد تتجاور الكنائس والمساجد.. وتتزامن الأعياد

لكن...

هل تتوحد الأفئدة على الخير ...؟؟!

**

في الصورة مسجد... مئذنة وقباب، وفي الخلفية صليب يتوسط قبتين، عندما تأتي "سيرة" المساجد، قد يضطرب أحدهم ويعلن أنها أقيمت على هوية قبطية داستها أقدام الإسلام والمسلمين، ويبدأ في التخريف..

وقد يرى أحدهم صورة الصليب، فيضطرب نفسيا ويبدأ في سرد كل النعوت والألفاظ التي تحض على عزل أصحاب تلك الديانة، ويبدأ هو الأخر في التخريف.

**

الصورة من حي "العجوزة".. لا أدري من هي العجوزة..؟

ربما عقول البعض، ربما أفئدتنا التي شابت قبل الأوان ..!؟

في تلك الأيام المباركة، نحن في حاجة إلى تجديد شباب هذه الأمة، إلى البحث عما يجعلها أكثر رقيا..

**

في رأس السنة، قد يسكر البعض، وفي العيد الكبير قد يخرج البعض الآخر وفي نيته نية... حشيش.. بانجو.. حريم

أتمنى أن تمر هذه الأيام الجميلة دون تحرشات، أو مضايقات، أن نكون أكثر رقيا.. فقد أصبحنا نفتقد معاني الرقي فيما حولنا.

**

ربما تكون أمنيات.. دعاء.. لا أعلم..!؟

لكن ما أنا متأكد منه أن هناك أشخاص في هذا البلد، أجمل وأصدق من هذه الصورة.

**

كل عام وانتم بخير

عبدالرحمن

16 comments:

بحرينية said...

الغريب اننا لا نتعلم من اخطائنا
نعم فنحن نحتاج الى التجديد فأفكارنا
هي المسبب الاول و الاخير في كوننا هكذا
كل عام و انت بألف خير
و العيد فرحة مااااااااء :p
اشكرك على البوست
رائع كالعادة

karakib said...

كل سنه و أنت و مصر و اهلها الطيبين كلهم بخير يا عبد الرحمن

Dido's^^^ said...

كل سنة و انت طيب يا عبده .. بوست جيد

شــــمـس الديـن said...

مجة نظر جديدةب الاحترام

عارف ليه ؟؟؟
لان احنا عامة - ايا كانت ديانتنا- لك نتعلم كيف نحترم الاخر

يعني في الثقافة الشعبية كدا لما الواحد يغلس علي التاني وي تخانق معاه كدا يبقي بطل و جدع ....

هو يمكن صعب اللي الواحد بيقولة دا بس بج لو حطيت نفسك دا مكان الاخر بكل معطياة لن ترضي باي حال من الاحوال ان يصاب اي انسان ايا كان باي مكروه فقط لمجرد انه علي غير دينك

الكلام موجة للطرفين علي فكرة ...

كل عام و حضرتك بخير يا اخي عبد الرحمن و يعود لايام الجميلة - البردددد - دي بخير

:)

أحمــــــــدبــــــــــلال said...

كلامك صحيح مية مية
أتمنى أن العيد ده يمر من غير مشاكل و مضايقات و قرف من نوعية العيد اللى فات
بس الغريب أنى عمرى ماحسيت بالمشاعر اللى بتقول عليها ناحية المسيحية
ففى النهاية الحساب عند ربنا
صح و لا لأ ؟
و الدين لله و الوطن للجميع
و ده مش شعار وطنى قدر ما هو مبدأ أعيش به
لا أعرف ربما يعود لنشأتى أو قرائاتى أو حتى أصدقائى

على فكرة

كل سنة و أنت طيب

Hiba said...

kol sana w enta tayb ....
el7mdulelah eny ha3od fe beetna el 3eed da...
ana bab2a mtwagda fe mdwntak
bs esm7ly eny ma3la2sh
l2ny fashla 7abteen fe mwdoo3 el t3lee2 da w bytl3 m3aya mwdoo3 t3beer mesh t3lee2 :S
el 3eed faaaaar7'7'aaa ... maaaaaaa2! :D

Rasha said...

معليش يا عبده زي ما في ناس كده في ناس بتفهم كده زيك وعندها وعي..عارفه ان الاغلبية مش بيفكروا بالبلد وبيدورا على
الخلافات الي بينهم..
اتمنى ان السنة الجايه تحمل سلام معاها في العقول والقلوب

وكل سنة وانت طيب ومصر طيبة

Epitaph said...

كل سنة و انت طيب
:))

tota said...

عبده باشا

كل عام وانت بخير واسرتك واحبائك

يوما ما عندما ينشأ جيل جديد تربى على احترام المواطنة وانه لا يجب ان نكون القاضى والجلاد على الارض
عندما يتربى على فهم عمق الحياه وتواصلها لا مظهرها

عندما يعرف ان لا احد منا اختار دينه
سنكف عن تحريك الشفاه بالكلمات الجارحة

دعنا نتمنى ان تمر هذه الايام بسلام
مع خالص تحياتى

قلم جاف said...

حشيش وأمن وأهلي وزمالك .. كل سنة وإحنا طيبين إلى حد ما!

walaa said...

وكل سنة وانت طيب،، وكل سنة واحنا طيبين وفاعلين وجادين .. وتعرف كمان اكتر واحنا متسامحين مع ذاتنا ومع غيرنا..

ولا تفتكر اضم امنيتي انا كمان لقايمة الامنيات
:))

عموما،، عيدسعيد يافندم

anima said...

كل سنة و انت طيب

RAT said...

كل سنة وانت و يللي بتحبهم بخير يا باشا

saso said...

كل سنة وانت طيب يا عبدالرحمن

نفس الحكاية مسجد قصاد كنيسة في وسط البلد - باب اللوق- المنظر من شارع بعيد ان المئذنة والصليب متداخلين

awres said...

عيد سعيد مبارك و سنة سعيدة ان شاء الله تحل على الجميع بالخير و السلام والصحة و المحبة ان شاء الله يمر هذا العيد بخير و سلام
تحياتي اخي عبد الرحمان

Abdou Basha said...

أنا بشكركم كلكم أنكم نورتوني وفرحتوني بتعليقاتكم الجميلة دي
..
كل سنة وانتم طيبين يا شباب

:)