Tuesday, January 02, 2007

بيت على النيل

رشا.. رسمت بيتها اللي بتحلم تعيش فيه.

البيت كان خواجاتي حبتين.

J

لكنه فكرني بالبيت اللي حبيت بس إني أقعد فيه ولو ساعة واحدة.. هو مش بيت، لكن موقع وموضع... على النيل.

**

يمكن الصور توضح المكان..!؟

يمكن تقرب الصورة...

الصور مأخوذة من منطقة الزمالك، هناك فيه مشاتل على النيل.. بعد كام نادي جنب بعض على النيل.. المكان رائع، بعيد عن زحام القاهرة، لكنه في قلب القاهرة.

**

سلالم توصلك إلى بساط مائي..

إلى النيل العظيم.

**

**

زروع ومقام كريم...

ومركب شراعي.. من عالم آخر.

**

**

ربما هي محاول للبحث عن مكان للاعتكاف...!؟

ربما ...

فمن منا لا يحتاج إلى الاعتكاف..؟!

12 comments:

Epitaph said...

عارف
انا كمان عندي نفس الاحساس
البحث عن مكان للاعتكاف
بس اصل المكان موجود
وعارفة ديته :))

انا اقدر اقول من منبري هذا
اني لو حبيت اعتكف
فهو في بيت جدتي
:)

حلوة الصور اوي علي فكرة
:) و ترتبط في ذهني ببيت جدتي برضه

Rasha said...

جميل المكان جدا انت حطيته بالصور لانك وجدته بس انا لقيته بس في احلامي يمكن عشان كده خواجاتي :)

جميل جدا انا لما انزل مصر حدور عليه بس ابقى اديني العنوان صح

كلن منا يبحث عن مكان ياخذه من كل هذه الزوابع التي حولنا لينشد السلام في مكان ما

تحياتي

ROMIL said...

ياااااااااااااه على الجمال

طيب ليه القلق ده ما كل واحد يرضى بنصيبه
لازم تشوقنا للأعتكاف
كل عام وانت طيب

ROMIL

tamer said...

جمال رررررررررروعة

بحبك يابلدى

كل سنة وانت طيب

tota said...

عبده باشا

اد ايه كلنا حلمنا متشابه كلنا بندور على الراحة على ضفاف نيل وحولينا زرع

كأننا بنتخيل الجنة على ارض هى مهربنا من الدنيا القاسية
ربنا يحقق لينا كلنا احلامنا بس كده مش هيفضل من النيل حاجة

تحياتى

walaa said...

شكل كولنا كده بندور ع الاعتكاف
:)

ومش في اجمل طبعا م النهر الخالد وضفافه مكان للاعتكاف ..

جمييييلة الصور ..

saso said...

طيب انا مش عاوزة مشتل ولا اعتكاف انا عاوزة شجرتي اللي بتهدد الامن العام - عِشرة سبع سنين من ثانوية عامة- خلصوا عليها تقريبا قبل العيد
لو رسمت انا بيت هيبقي حيطان وشبابيك عالية ونور داخل من كل حتة ومية شباك يبص علي اية؟ اي شارع اي مكان بتمر منة الناس الفجر

أحمــــــــدبــــــــــلال said...

ده حتة بيت
تحفة
المهم أبقى أعزمنا نتفرج عليه

عارف اللى دخل دماغى أوى السلالم اللى على النيل على طول
جميلة جداً

لو حبيت أسيب العالم كله ممكن أقعد فى مكان زى ده

Abdou Basha said...

Epitaph

لازم نعمل رحلة في أجازة منتصف العام إلى بيت جدتك يا إبيتاف، حاولي تظبطي الموضوع ده
:)
**
رشا
الرسمة بتاعتك كانت جميلة جدا
أنا بحب الرسومات اللي بتنقلني لأجواء -في الغالب-مش هقدر أعيشها.

ليكي عليا بعد ما نخلص رحلة إبيتاف نعمل رحلة للزمالك
:)
**
روميل
من مدة أنا نفسي في مكان أعتكف فيه حبه، لكن فيه حبة التزامات
نفسي في مكان مسمعش فيه صوووووت
:))
**
تامر
مصر فيها حاجات حلوة
بتكلم بجد أنا ليا صديق عربي قاعد هنا في مصر، دايما بيلفت نظري لنعمة النيل والمياه اللي ببلاش اللي عندنا
**
توتا
النيل ده نهر من أنهار الجنة
عندي صورة تانية على فكرة أجمل من دي بكتيير
أنا نفسي اندهشت ليها بعد ما أخدتها بالموبايل
**
ولاء
جميلة الصور.. دي إهداء ليكي عشان أنا عارف حبك للنيل
**
ساسو
أنا زيك برضه في حتة اني مش بحب الأماكن المقطوعة
حتى الصور دي من منطقة تعتبر في وسط البلد في الزمالك
**
أحمد
يا عم انت تشرف، بس انت عندك الجمال كله في اسكندرية
:)

smraa alnil said...

المكان دة تحفة اوي عي فكرة
وبجد نفس اعيش فيه لوحدي
هحس بجد اني متوجه
هعتكف فيه لحد اخر يوم في عمري
بس عارف المشكلة انه هيجيب برد في الشتا
بجد الصور مع كلامك الليل عبروا عن حاجات كتير اوي
انت بجد رائع

tamer said...

اكيد اتفق معاك ما يحسش بالنعمة الا اللى محروم منها

لازم نحافظ على النعمة لتزول


عبد الرحمن بقلك فترة يعنى ما جت عندى انا مزعلك فى حاجة ولا اية

layal said...

اعتكاف ابدي
بعيد عن كل اللي انشوفه حولينا