Sunday, January 07, 2007

أربع ابتسامات

بسمة (1)

..

آخر حاجة خلتني ابتسم.. رغم أنها لا تدعو للبسمة، الموضوع ده في موقع العربية، مش عارف إيه سبب البسمة!?، يمكن افتكرت لما اللقطة اتحذفت من على اليوتيوب، وارتياحي إنها اتحذفت عشان ميتعذبش حد تاني برؤيتها..؟! يمكن إحساسي بالتأمل في موقف عبثي كله لواحد بيعذب حد وبعدين المسألة تبقى معروضة على الملايين..؟ مش عارف إيه سر البسمة..؟ يمكن محاولة لتمثيل السخرية..؟ يمكن شماتة..؟

مش عارف إيه سر البسمة غير المبررة..

..

بسمة (2)

..

حاجة كمان أضافت لي بسمة كانت عن موضوع تقرير جوجل الاستراتيجي، لقيته في موقع مكنتش متخيل ألاقيه هناك، هو عادي إن الواحد يلاقي موضوعات ليه في المنتديات والمواقع، وساعات من غير الإشارة إلى المصدر أو إلى أنها منقولة، لكن اللي حرر الموضوع في الموقع هناك، فرض عليا إني ابتسم ابتسامة من نفس النوع، لأنه عدل الموضوع عشان يلاءم اللحظة لكنه بكده أفسد الموضوع كله، والمعلومات اللي فيه.

..

بسمة (3)

..

كنت من كام يوم كده سجلت بيت شعر لما بفتكره كنت ببتسم.. النهارده افتكرت حاجات تانية، عن الدنيا، كتبها عرب قدامى... لكن المرة دي مش عارف مين المؤلف.

..

- الدنيا.... إذا حلت أوحلت، إذا كست أوكست، إذا جلت أوجلت، وإذا أينعت نعت، وإذا أوجفت جفت، وكم من قبور تبنى وما تبنا، وكم من مريض عدنا وما عدنا، وكم من ملك رفعت له علامات فلما علا مات.

..

- الدنيا... إن أقبلت، باض الحمام على الوتد, وان أدبرت، بال الحمار على الأسد

..

بسمة (4)

..

فيه توقيع أو بانر لما شفته ابتسمت، عجبتني الفكرة .

**

**

ربما المرة القادمة أتحدث عن المزاج الأندلسي

ربما.........

10 comments:

Ahmed Shokeir said...

إبتسم ياعبده باشا إبتسم هو فيه احسن من كده بدل ماتتنقط

فعلا الفيديو الاخير بصراحة انا شفته عندك في الاول وقبل أي حد تاني وبعد كام يوم إبتدى يظهر

وبعدين إنتشار التدوينات في المنتديات بدون ذكر المصدر ده باه اصبح شيئ عادي جدا لايقوم به غالبا أصحاب المدونات وده فرق كبير جدا بين المدونات والمنتديات

دلوقتي انا باخد اي جملة من تدوينة لي واهمل بحث عليها بلاقي النتيجة منتشرة في العديد من المنتديات واروح لهم الاقي التدوينة يامحترم نازلة ولا ذكر لاي مصدر والعجيب إن اللي نزل التدوينة في المنتدى جاتله تعليقات وبيرد عليها عادي جدا كانه هو اللي كاتبها

أما البانر فبصراحة تحفة مش عايز بسمة ده عايز ضحكة كبيرة بعد ماتشّد من الحجر شدّه محترمة

Epitaph said...

looool..i like the banner A LOT lol!

bas why not..SMILE! :)

walaa said...

سانتظر اذا البوست القادم ..

حلو اوي انك تبتسم، وتقابل مواقف ممكن تكون غبية بابتسامة تحدي، واشفاق على هؤلاء الحمقى اصحابها ..
:))

بحرينية said...

دام الفيديو انحذف من اليوتيوب
يعني اكيد التفت المسئولين لهذا الموضوع بعد انتشاره بشكل كبير
اما بالنسبة لتقرير قوقل
:) فصراحةهاذي

تدوينة شغل عدل
شكرا

shaimaa said...

الابتسامة احسن ما نكشر
بدل ما تيجى اللحظة اللى المفروض فيها نبتسم بجد او نضحك بجد وننسى الابتسامة بتتبقى ازاى
او وشنا يشقق


بالنسبة للبانر كامل
اخل شوفه على وانا مالى
اسمه
mubark
يتحدى الملل ويجبلك شلل

جامد جدا

تحياتى على العنوان

أحمــــــــدبــــــــــلال said...

ربنا يجعل أيامك كلها أبتسامات
بس مش أبتسامات مريرة و ساخرة من تخلف و أنهيار الاوضاع من حولك

مش عارف أقولك أيه؟

بس بصراحة لم أستطع كتمان ضحكتنى عندما طالعتنى الابتسامة الرابعة الاخيرة

tota said...

عبده باشا

مجموعة ابتسامات ساخرة على المجتمع والتصرفات هى ليست مضحكة بقدر ما هى محزنة ولكن الاخيرة بالفعل رسمت لى انا الاخرى ابتسامة ضاحكة ساخرة لان وجوده فى الحكم هو الملل بعينه

تحياتى

layal said...

عن نفسي ابتسمت علي هذه

وكم من ملك رفعت له علامات فلما علا مات

layal said...

عن نفسي ابتسمت علي هذه

وكم من ملك رفعت له علامات فلما علا مات

وبأنتظار المزاج الاندلسي
وجادك الغيث

Mahmoud Musallam said...

- الدنيا.... إذا حلت أوحلت، إذا كست أوكست، إذا جلت أوجلت، وإذا أينعت نعت، وإذا أوجفت جفت، وكم من قبور تبنى وما تبنا، وكم من مريض عدنا وما عدنا، وكم من ملك رفعت له علامات فلما علا مات.



للشيخ عبد الحميد كشك