Wednesday, January 10, 2007

كليب فتاة التعذيب

**

**

تم نشر كليب لفتاة يتم تعذيبها، كعادة اللقطات المنتشرة في المنتديات، ومواقع تحميل لقطات الموبايل،اللقطة كانت موجودة على موقع تحميل، ووجدت في منتديات.. ثم انتقلت اللقطة إلى وائل عباس.. في الوعي المصري، ليعرض القضية على الجميع طامحا وجود استجابة .

**

نشرت الصحف (المصري اليوم) إنه كان فيه استجابة.. خصوصا بعد ما وصلت أصداء القضية للصحافة المصرية.

في موقع أخر (جريدة المصريون).. قرأت إنه الداخلية تؤكد إن المشهد لطلبة في معهد السينما، وإن المسألة كانت تدريب.

**

عن نفسي أتمنى أقرا تفاصيل جديدة عن الموضوع، وأتمنى إنه مايكونش فخ لرواد الانترنت، يكون أثره التشكيك في أي مادة تنشر بعد كده على الانترنت، أو إن اللي اتكتب في (المصريون) يكون مجرد نفي للنفي.

**

أكيد الأمور هتتضح قريب .

(تقريبا كده ده بوست اضطراري)

**

ما زال البوست القادم عن شيء آخر .

8 comments:

tamer said...

لعب تضارب الاخبار واقوال لعبة قديمة

الغرض منها التشويش على الحقائق

ربنا يسطرها

تحياتى

mashi_97 said...

إن شاء الله مايكون فخ
ولو كان تدريب
فهذا لاينفي وجود التعذيب في أغلب سجون الدول العربية
ولهذا يجب التحرك مهما كان

l'autre côté said...

:(

كلام لوجيك said...

انا واثق ومتأكد انه مش تمثيل ولا حاجه
وكل اللى شاف الفيديو يقدر يعرف ويميز بوضوح ان الموضوع بعيد كل البعد عن ان يكون تمثيل ، البنت كانت فى وضع ذل واستعطاف وكانت في حاله يرثى لها تماما .
انا دمى محروق من المناظر الرهيبة اللى بنشوفها في كليبات التعذيب ولازم كلنا نساهم في فضح كل المجرمين والحيوانات اللى في جهاز الشرطة الوقح اللى في المحروسة واللى شعاره حاليا هو
الشرطه في نفخ الشعب
حسبي الله ونعم الوكيل في هؤلاء الفجرة والظلمة ولعنة الله عليهم جميعا
دمتم بخير
تحياتى

yara said...

فعلاً حتى لو ده فخ ده ما ينفيش إن ده بيحصل فى الأقسام
الفكرة بقى إن أنا آه ضد التعذيب
أو إذلال و إهانة رجولة بنى آدميين
و طبعاً ضد التحرشات الجنسية و الإستفزازات اللى من نوعية شتيمة فى الأهل و طبعاً الشتايم اللى إنتوا عارفنها
بس ده كلام فى المجمل أو لما نتتعامل مع ناس بريئة أو حتى فى شك فى برائتهم
بس لو الناس ديه مجرمين و قتالين و حرامية وولاد كلب و لو عارف و متأكد إنهم مدانين إيه الطريقة اللى يتعاملوا بيها
و على فكرة ما ينفعش خالص حد يقول دول برضه بنى آدمين عشان هما مش بنى آدمين ولا حاجة

walaa said...

تمثيل ايه وكدب ايه ؟؟ دي حقيقة بشعة وماساوية وغير انسانية بالمرة!! وبعدين هو في تدريب بالشكل ده وهيتمثل فين بقى !! .. ولما هو تدريب ياترى ليه المشهد مابقاش له اثر وانحذف؟؟

الحاجة الغريبة .. انه الظاهر ان الداخلية مش بتحاول اطلاقا انها تاخد موقف من افرادها هؤلاء الحقيرون الغير نظيفون وايل من المفروض انهم يكونوا عبرة لغيرهم،، وبكده ممكن تتوقف كل الممارسات الحقيرة ايل بنشوفها دي،، ياترى ايه السر في كده،، وهل هو ارهاب متعمد؟؟!!

معلش نقطة اخيرة .. وهو رد سمعته على مشهد الفيديو البشع ايل انحذف من قريبة ما .. " البنت مجرمة وتستاهل" .. الرد صدمني،، عشان حاجات كتير اوي وعشان انا من المؤمنين ان مافيش انسان مريض اقصد مجرم بالفطرة، وانما في مجتمع بيدفع افراده لسلوك طريق الجريمة والانحراف عن المسار السوي ..

تحياتي

yara said...

walaa:
هما عشان يكتموا صوت الشعب قبضولهم على كام ظابط من الصغيرين زى إسلام نبيه
عشان قال يعنى بيحققوا فى الحاجات ديه و أخرهم ها ياخدوا نقل أو حبس 3 شهور

الفيلسوف said...

حتى لو كان فخاً فلا يمكن انكار وجود التعذيب بالسجون العربية مهما قويت حجتهم الزائفة