Saturday, January 06, 2007

ارحم دين أهلي

بعد ما كتبت في المدونة، رغم إني كنت ناوي أعتكف حبه.. بصيت على يمين المدونة، على قائمة المدونات الصديقة، وجدت على رأسها موقع منال وعلاء.. تذكرت أنه أوصي الأعضاء أن يتم تغيير الروابط في المدونات إلى موقعه الجديد، العمرانية .

**

قررت أن أدخل إلى مجمع المدونات المصرية.. وجدت أخر مشاركة لي في صدر الصفحة، وأن هناك بعض التطورات الجميلة في المجمع هناك.

لكني وجدت أحدهم كتب :

**

"مش عارف ليه إن لو الرومان كانوا صدوا الفتح الاسلامى عن مصر كان الوضع أصبح أفضل بكثير, بس طبعا بما إن المسلمين وقتها كانوا مهرة في فنون القتال و كان كل همهم في الحروب و السيف(مثلهم مثل الرومان وقتها) فاستطاعوا فتح مصر.... ليه بس كده يا رب"

**

أغلقت مدونته، بعد ان اطلعت على مشروعه الجديد.. تذكرت أن غدا هو عيد الإخوة المسيحيين، لا أدري أكل عيد أجد أحدهم يلقى في وجهي كرة قرف....!؟

رجاء حار، لكل من يحمل بداخله ألما على أساس ديني، أو غير ديني..

لنجعل الأديان خارج الحسابات، فالأديان لا تفسدنا بقدر ما نقوم نحن بإفساد صورتها.

**

رجاء لكل إنسان، كصاحب الاقتباس السابق..

ارحم دين أهلي.

رجاء لمن تسبب في ضيقه وأوصله إلى تلك الحالة، ارحموا دين أهله هو الآخر.

**

أقدم دعوة لرحمة أدياننا من ألسنتنا، وخطايانا.

**

بعيدا عن كل هذا...

أعيش هذه الأيام مزاج فريد..

مزاج أندلسي خالص

ربما من هنا تأتي الحساسية الزائدة لكل مظاهر الاستثارة

**

تحديث :

اتضح انه فيه قصة تانية، برضه عن دين أهلي.

للمتابعة عند أحمد شقير

ححاول استخبى، عشان ما لاقيش قصة جديدة .

11 comments:

karakib said...

:) كلام يضحك من واحد متضايق من نفسه
عادي كبر دماغك

mashi_97 said...

ارحموا ديـن اهالينـا
كلام قرف
والمكتوب في مدونة عمو أحمد أكثر قرافة
واللي يحصل كله قرف في قرف

tota said...

عبده باشا

لو استخبيت الغيبة هطول علشان بمنتهى البساطة محدش هيبطل
وكل يوم هتسمع كلام جديد ولسنين طويلة كمان حتى نتعلم الفرق بيننا هو المواطنة وليس الدين

امتى هنعرف بعد عمر طويل

تحياتى

أحمــــــــدبــــــــــلال said...

معلش يابنى
هى الدنيا كده

بس العنوان صدمنى و انا بفتح المدونة
أرحم دين أهلى

ليه بنجرح فى الاخرين علشان نحس أننا أحسن؟

أحمــــــــدبــــــــــلال said...

عجبنى مقالك السابق جداً بس للأسف ملحتش أعلق عليه

Anonymous said...

موضوع لزيز
أضم صوتي لصوتك واقول ارحموا دين ابونا
للشرطه والمتعصبين
نحاول نفرح فى اعيادنا بقى من غير حاجة تسد النفس كده

تحياتى

tamer said...

شوف ياعبد الرحمن

دى ناس مخها تعبانة

الحل هو البعد عنهم وسبهم للخالق

مش عايزك تعطى مثل دول اهتمام

تحياتى

قلم جاف said...

ولسة لما تشوف العالم اللي بيعتبروا مذاهبهم هي صميم الدين وإن اللي شايف غير كدة يبقى محمد صديق اللي بيلعب في الأهلي!

الصبر طيب وابن حلال.. ويا مسخرة بفلوس بكرة حتبقى فور فري!

daktara said...

السلام عليكم
كلامك اعجبني جدا وان متفق معك تمام
الاتفاق
فالدين ليس ملطشة كل من هب ودب
ولك تحياتي

تسـنيم said...

بجد عندك حق وعندي فكرة لكل واحد فاضي مش لاقي حاجة يكتبها بدل ما يروح ويحاول يتشطر بالغلط في الذات الإلهية يفرجنا شطارتة وهو بيغلط في الذات الملكية وابناء الذات الملكية يا سبحان الله الأستاذ ده ميقدرش يفتح بقه ويقول تلت التلاته كام لواحد من الحكومة خوفا من إنه يتنفخ ويتعلق لكن يجي على مقداستنا ويعمل فيها راجل ومبدع يا شيخ بلا نيلة .

بشائر النور said...

من سمات المجتمع الحديث وبخاصة الشباب

البعد عن الدين أو أقصائه ليس ما كتبت مبرر بقدر ماهو عجز وخوف يسكن دواخلنا لأنه شيئ تبذل فيه الارواح أحزنتني أسئل الله أن يذيقك برد اليقين وحلاوة الايمان