Saturday, January 27, 2007

يا مدعي الكِبر

توتو ني حذفوها من على موقع التحميل اللي كانت عليه لأنها كانت مخالفة للشروط

إيه هي الشروط؟؟

**

شروط استخدام الخدمة

1. يمنع رفع الملفات المخلة بالاّدب والمخالفة لديننا الاسلامي

2. الملفات السياسيه و الحربه والانظمه الوطنيه

3. جميع ملفات الاغاني

4. ملفات الهكر و الفيرسات

اتعهد امام الله بعدم استخدام هذا المركز فيما يضر اخواني المسلمين

..

مش مشكلة.. ما هو مش أنا اللي محملها..

بس كنت عايز أحمل قطعة على موقع تحميل عشان المدونة..

لأن كلماتها وألحانها رائعة

..

هو كان البوم "سجان الغرام (للتحميل)".. من الفن الشعبي

كان فيه مواويل سكندرية

يتنقل فيها المغني عبده الإسكندراني بين مقامات البياتي والصبا.. و النهاوند

الكلمات : لست متأكدا من المؤلف

يغنيها : عبده الاسكندراني، أحد المطربين الشعبيين... ذاع صيته في السبعينات، واضحي اليوم أحد الذين أدوا أغاني الذكريات الشعبية، وتم إحياؤه من جديد، بواسطة الانترنت .

وواضح انه من العادي أن تجد من أعجبه اللقب فاتخذه لنفسه، أو أن تجد فنانا كمحمد سعد يغني أغنية - عصفور ضعيف الجناح - في آخر أفلامه كتكوت.

***

وفي مواله الذي استعاره محمد سعد كما اشرت - عصفور ضعيف الجناح – يغني الاسكندراني موال، يحاكي فيه الموال الشهير لبدارة السكندرية التي كانت تغني فيه " من فوق شواشي الدرة قمرية بتغني (تحميل) (2) "، خصوصا الجزء الشهير الذي كانت تقول فيه "طلعت فوق السطح أنده على طيري" ... فنلاحظ التشابه والتأثر عند عبده الاسكندراني في الانتقال إلى مقام الحجاز في أبيات قريبة مما غنته بدرية السيد "بداره".. ثم أكمل يقول "حزينة دخلت فرح" في نفس المقام، ثم انتقل لمقام الصبا الحزين، وعاد للحجاز واضحا، خصوصا في ندائه يـــــــا رب.

ولو لاحظنا.. لوجدنا أن الأكورديون يردد الجملة الموسيقية لأغنية حبينا لفريد الأطرش، وهي من الحجاز أيضا .

**

أما الجزء الذي أسجله هنا اليوم..

فهو من مقام النهاوند، المقدمة مع الأكورديون عن لحن أغنية الموسيقار محمد عبدالوهاب "الدنيا ليل" اللي غنتها ليلى مراد بعد ذلك، (=يا اللي بدعتوا الفنون)

الرابط :

http://www.tdwer.com/singer1289-song10213

**

يقول الاسكندراني

**

يا مدعي الكِبر

هو الكِبر (علا مين؟؟)

**

قبلك.. هلك ناس

كانوا علما و(علاّمين)

**

وأقوى منك كتير

ياما اتخلق (عالمين)

**

الكِبر عِلــّة..

ومين

عايش بـ(ــعِلــّة مين؟!)

**

جاهل وناقصك علام

والجاهل يـ(ــعلم مين؟!!)

**

كبرك على الناس..

مرض حساس

والطب موجود

لكن حق الدوا (على مين؟؟)

***

4 comments:

Omar said...

هههههههه مانت برضه غلطان، حد يرفع ملفات عند الإخوة دول برضه؟ ليهم حق يزعلوا منك

لكن عموماً احييك على كلامك عن الراجل العظيم ده، الله يرحمه ويرحمنا بقى، ويا ريت تكتب اكتر عن الناس الجميلة دي، حاكم احنا عطشانين والدنيا حر وسبرايت لا ترضي عطشك

Omar said...

بس قوللي ايه علاقة ليلى مراد بأغنية الفن بتاعة عبد الوهاب، انا اعرف انه هو اللي بيغنيها، عمري ما سمعت ليلى مراد بتقولها، هي غنتها؟

Abdou Basha said...

ازيك يا عمر

لأ مش انا اللي رافع الملف على الموقع ده، ده انا لقيته هناك بالصدفة
:)

الأغنية غنتها ليلى مراد في فيلم الماضي المجهول
هكذا قيل، وحكومة الثورة المجيدة شالت الأغنية من الفيلم عشان كان فيها جزء بيشير للملك فاروق
يعني عملوا زي موقع التحميل بتاع التوتو ني

:))

تحياتي ليك

أنيما said...

يسلم فم الأسكندراني