Saturday, February 03, 2007

ما وراء الشاشات



مبدئيا..

بدأت أكره الكمبيوتر......

بشدة

لكن

من غير معرفتي بالكمبيوتر، ما كنت عرفت حاجات كتير.

**

من ضمن اللي عرفتهم.. ناس، لم أقابلهم، ولم أهتم أن أقابلهم.

وفي وقت من الأوقات وجدت عاطفة ما تربطني بهم.

ولا تنشط هذه العاطفة إلا عندما أراهم عبر الشبكة فقط..

وأصبحوا كالناس خارج هذا الجهاز.. أهمل علاقتي بهم أحيانا للانشغال، ثم أعود..

**

في نفس الوقت.. هناك آخرون، تربطني بهم مشاعر ما...

قد تكون توجس، ضجر، ملل، قرف.. ربما لم تصل إلى الكره بعد.

**

فأتعجب...

أن تتساوى المشاعر مع هذا الجهاز وبعيدا عنه.

للأسف من سوء الحظ، أو من حسن الحظ.. لا أدري!؟

أننا نبقى بشرا، في أي مكان.. حتى إن كنا خلف الشاشات.

16 comments:

Epitaph said...

well..Indeed it's a strange relation! I wondered a lot how one could be committed to others..through screens..even if you've heard them and seen them.. (via cam or sending pic) still.. that strange chemisrty! that after the day of the outside world and its problems.. you come to invade the cyber world with the new community and its own problems!!

I remember when I was astonished to know people who have love affairs only through computers..thinking it's a kind of utopian love..and wondered how they developed such relationships and a scared feeling as "love" through wires and electrons :)

but it does affect our real relations with others..you start to live and interact and laugh and even shout and cry and complain through screens..! more of dehumanising! though it is somehow real.. for you're not dealing with aliens!!

el el la7'bata di kolaha :D

عبدالله said...

النت عالم وهمي تستطيع ان تعيش فيه بكل مشاعرك ولكن مشكلته لو دخلته من الصعب الرجوع و لكن مع الوقت يتحول الوهم الي حقيقه

تحياتي

tota said...

عبده باشا
هو كلامك صح ان المشاعر بتتكون ناحية اشخاص بغض النظر عن افتراضيتهم او وجودهم الحقيقى الفكرة اتكونت فى الدماغ ان دول اشخاص والمشاعر عادى متنوعة من اول الاستلطاف لحد الخنقة لكن الكره يبقى زيادة حبتين
تحياتى

yara said...

العالم اللى بتفتحه لنفسك من خلال النت عالم و همى بتفتكر إنك بتتفاعل معاه , إنك بتأثر فيه و بيأثر فيك
لكن عند أول مواجهة أو إختبار بتلاقى
إنه و هم كبير يعنى كلام نظرى بيتكسر مع حقيقة الواقع اللى حواليك
فيه ناس ممكن تعرفهم من النت و تفتكروا إن علاقتكوا من أقوى ما يكون
و لكن حاول مرة تطور أى علاقة أكتر من كلام خلال السكرين
هتلاقيها علاقة واهية
ومش بمتانة أضعف علاقاتك الخارجية

حــلم said...

فعلا هى علاقة غريبة
انك تعرف ناس وتفضل قريب من دماغهم جدا
وبعدين تبعد
وبعدين ترجع تفتقدهم
وتحس انك انسان غريب
ازاى تفتقد ناس ما تعرفهاش

بس دة اللى بيحصل
والدليل انى قلت اجى اسلم عليك اهوه
:)

walaa said...

اكره الكمبيوتر .. امممممم لا .. هو ممكن انشغل،،ابعد ،،اهرب حتى!!إنما اكره صعب ،، الكمبيوتر الجهاز العجيب ده،، كفاية انه خلاني اعرف أشخاص عزاز جدا قدروا إنهم ياثروا فعلا على حياتي واعتقد إن امتناني لهؤلاءالأشخاص ماهواش وقتي او سيزول سريعا بل على العكس سيستمر طويلا طويلا ..

بقرا كتاب دلوقت عن الإنسان وكيف يعد نتاجا لقوى روحية وأخرى أرضية ،، وان جوهره العميق هو روح خالص ،، لكن مع ذلك تظل نوازع الأرض تفرض سلطانها وتقبل بخضوع طبيعي .. من هنا اعتقد اننا زي ما احنا في احتياج لعالم فعلي وواقع قائم،، احنا كمان في امس الحاجه لعالم فكري عالم روحي .. عالم ممكن يومه ما يكونش بنفس مواصفات اليوم المعاش بعالم الواقع والحقيقة ،، ولكن وبالرغم من ذلك يظل على ذات اهمية ذلك اليوم الحقيقي في قايمة احتياجاتنا

اعتذر طبعا للاطالة، بس اعمل ايه بقى ،، البوست هنا جرني للكلام والحكي تحياتي .. وتمنياتي لك بمزيد من التوافق وهذا الجهاز والعالم الاسر العجيب ..

راندا رأفت said...

الانسان هو الانسان
سواء في عالم الفضاء او في العالم الواقعي
وحتى في عالم الاحلام بيظهر كل على حقيقته

Abdou Basha said...

ابيتاف
أولا أحييكي على الانجليش الجميل ده
واضح انه المذاكرة كانت بفايدة
(يا ساتر على القر)
الحب عبر الانترنت..!؟
أحيانا الواحد بيبقى قدامه انسان - وجها لوجه- وفي الآخر بيكتشف انه اتخدع فيه، فما بالك بانسان ممكن يكون بعيد عني الاف الأميال..؟
ميزة علاقات الانترنت عموما انه الإنسان بيبقى عنده مساحة للمعرفة أو حتى التعامل مع آخرين في أمور مش متاحة ليه في الخارج.
**
عبدالله
ايه يا عم؟
كلامك مخيف قوي
:)
هو فيه حاجة فعلا ممكن الواحد يلاحظها انه الانترنت حمال أوجه
وده بيخليك متعلق بيه أكتر
يمكن!؟
**
توتا
فكرة إنه الشخص يكون افتراضي دي كمان مخيفة ساعات
لكن اعتقد انه مبقاش فيه شيء مخيف اكتر من الواقع
**
يارا
كلامك سليم فعلا
الخبرات اليومية، أو الذكريات الحياتية هي اللي بترسخ العلاقات، وده بيكون ضعيف مع الانترنت
**
حلم
وانا مبسوط انك افتكرتي مدونتي
:)
بالنسبة للإنترنت هي مشاعر متناقضة
يمكن الواحد يقول عليها ارتباط، اكتر من حب وكره
تقريبا كده
**
ولاء
مشاركتك هنا جميلة جدا
أعتقد انه الانسان على الأرض في رحلة .. يبحث خلالها على الجنة
ومن هنا ممكن يتحول الفضاء السيبري إلى فضاء سرمدي يحمل جنتنا اللي بنبحث عنها.. ممكن
بس انتي لفتي نظري لحاجة، انه التاثر الروحي عبر الانترنت أو الكمبيوتر ساعات بيكون موجود فعلا..
يمكن كمان البحث عن القيم مع الانترنت بيكون فيه مجال للتخيل
**
راندا
فعلا الانسان هو الانسان
مع الوقت.. لازم تظهر انسانيته بجوابنها السيئة والجميلة

smraa alnil said...

تصدق عندك حق

انا عن نفسي كدة

بس مش لاقية سبب
لو لقيت ابقي قولي

MAKSOFA said...

تعرف ياباشا
انا فعلا بقيت احب البلوجريه اللي باأدخل مدوناتهم او بيجوا يعلقوا عندي من غير ما اعرفهم في الحقيقه
وبصراحه لقيت فيهم حاجات حلوه كتير ومشاعر انسانيه جميله عن اصحابي او زمايلي الحقيقين
وفيهم شباب وشابات بحبهم زي اولادي
ويمكن لما باكون حاسه بالأكتئاب واشوفهم معلقين عندي
بأفرح زي الأطفال

farida said...

انا بقى بقيت بحب الكمبيوتر جدا
و عمري ما اقدر اعيش من غيره خلاص

البلوجرز
و كتابتهم الممتعه

و بستنى تعليق الناس على اللي انا بكتبه و بحس كأن لي أصدقاء بحبهم فعلا

رغم ان ممكن عمري ما اشوفهم ابدا

الشات مع حد معرفوش
عمري ماجربته و لا حبيته

في واحده صاحبتي اتجوزت عن طريق الشات هي سعيده في حياتها و لله الحمد بس اول ما قابلته كانت حاس كانها متعرفوش الشات حاجه و الواقع حاجه تانيه

بس انا عمري ما اقتنعت بالنوع ده من العلاقات

awres said...

الانسان يبقى انسان بداخله مشاعر تتحرك حتى بكلمه طيبه و ما بالك بشيكه غريبه و لولاها ما التقى الكثير منا و اصبح الاعنماد عليها كبير ممكن ان نبتعد عنها قليلا لكن من الصعب التخلي عنها
تحياتي اخي عبدالرحمان

بحرينية said...

و ذلك لان الانترنت عالم بحد ذاته :)

دينا فهمي said...

الكمبيوتر والنت دنيا غير الدنيا
بس بجد صعب انك تعرف من خلاله نماذج سوية من البشر بس مش مستحيل

Abdou Basha said...

سمراء
أنا قلت برضه أكيد مش انا لوحدي اللي كده
:)
**
مكسوفه
أنا اللي سعيد بزيارتك كتير
فعلا، ساعات بتبقى حاجة جميلة أنه الإنسان يطمن لناس ميعرفهاش، ويمكن فقط بيقرالهم..
ومع ذلك فالعلاقة بيكون فيها غموض من نوع خاص، غير لما تكون فيه مواجهة مع إنسان وجها لوجه
مش عارف اذا قدرت اوصل احساسي ولا لأ!؟
**
فريدة
التعليقات دي عالم تاني..
بتهيائلي هي حاجة بتعبر عن وجود علاقة مع آخرين عبر الانترنت
انا قابلت ناس كنت عرفتهم عبر الانترنت.. ساعات كان الامر بيكون صدمة، وساعات كان الواقع بيكون أظرف
لكن مش عارف ليه بحس إن العلاقة مش هتكون دايمة
يمكن عشان مجربتش
**
ابنة الاوراس
فعلا.. للكلمة تاثير السحر
يمكن الإنترنت اتاح الفرصة اننا مش نحب فقط الكتاب
لكن ناس عاديين بيكتبوا، ونحب كتاباتهم
حتى لو من بلاد مختلفة
**
الغالية بحرينية
فعلا.. عالم الانترنت لن يمنعني أبدا من التوقف عن الاندهاش
بل اعترف انه هو الذي علمني الاندهاش ويمدني بطاقة الاندهاش
والدهشة أول الحكمة
:)
**
دينا
فيه ناس اساس عملهم بيبقى مع الانترنت
ده غير طبعا ناس أو شباب بيبقى مدمن انترنت، عن نفسي الانترنت مهمة كتير ليا، تصدقي الفكرة دي دارت مرة ببالي ان الانترنت لا يمكن ييجي منه شيء سليم
لكن أعتقد ان الواقع كده برضه
:)

layal said...

بدأت ارتبط بهذا العالم
اتعرف يا عبدالرحمن اني مللت من اسمي الوهمي هنا يعني انني بدأت اشعر ان هذا العالم عالمي الذي يتفهمني غيري فيه
باحثه عن الواقعيه خلف الشاشات
:-)