Tuesday, February 27, 2007

تضامنات

فيه حاجة اسمها تضامنات برضو؟؟

يلا عادي بقى J

**

التضامن الأول:

ــــــــــــــــــــــــــ

العزيزة بحرينية أرسلت استجوابا...منذ مدة، وأريد حله وتضامنا معها، أجيب الآن..

استجواب الكتاب

ـــــــــــــــــــــــــــــــــــ

التقط أقرب كتاب إليك.. افتح الصفحة 123, وعدّ من بداية الصفحة إلى الجملة الخامسة ، اكتب الثلاث جمل التالية لتلك الجملةالخامسة ” في مدونتك .

"ولو أن هذه الاشتراطات كانت تستهدف الانحرافات الخاصة في البرلمان أو في المجالس الاستعمارية إلا أنها توضح أن الشعب يريد أن يكون حكامه امتدادا له وليسوا ملوك – فلاسفة محتكرين شغل الوظائف أو حتى مندوبين دائمين، إن طبيعة الإمكانيات هي التي أسرت سكان بنسلفانيا الأحرار بوجه خاص ونقلتهم بعيدا جدا من مفاهيم تقليدية عن الحكم."

الكتاب :

FROM COLONY TO COUNTRY

The Revolution in American Thought, 1750-1820

المؤلف : رالف كيتشام

التضامن الثاني :

ـــــــــــــــــــــــــــ

من الواضح انه كريم عامر أول مدون يحبس بسبب مدونته، قد تضامن معه البعض بالفعل، في الوقت الذي تضامن عدد ليس بالقليل –دون اتفاق – ضده.

لكن الحقيقة والصراحة التي لست مطالبا بقولها، أجد نفسي في حالة من (اللاتضامن) مع كريم، ليس هو وحده.. إلا أنني، أعتقد أيضا أن السجن لن يفيده او يفيدنا كثيرا، لكنها النهاية الطبيعية، ولا أشعر بالصدمة لها .

أعتقد أننا الآن في مرحلة العمل داخل الفساد، ولسنا مضطرين أن نفسد داخل الفساد.

هذه وجهة نظري.. وهي مختلفة عن وجهة نظر آخرين.

التضامن الثالث:

ــــــــــــــــــــــــــ

فريدة.. كتبت حاجة جت على الجرح، ومش قادر إني مأتضامنش معها، لكن أعتقد انه هيكون تضامن فاشل... هي كانت معترضة كتير على الموسيقى اللي بتكون في المدونات – أنا أقدر أضيف المنتديات كمان – واللي بتعمل فيها الموسيقى تلقائيا مع فتح الصفحة أو تقليبها .

عايز أقول، أنه أنا ساعات بكون بسمع مزيكا أسباني او فلامنكو، أفاجأ إنه في نشيد ديني، أو مزيكا من حفلة أو حد معرفوش بيغني.. وساعات بكون فاتح كذا صفحة وادور الصوت جاي منين.. وساعات يكون الصوت اعلى من الموسيقى اللي انا مشغلها .... الخ .

طبعا مش أقدر إني أفرض رأيي على حد، لكن أقدر إني أتضامن مع حد زيي .

أنا متضامن مع فريدة.

التضامن الرابع:

ـــــــــــــــــــــــــ

التضامن هنا مع المدون السعودي ماشي صح.. ومش فاهم خلفية توقفه، لكن أقدر أفهم انه كتب عنوان البوست "إيقاف" وهو يقصد توقف عن التدوين، أوكيه، سأتضامن معه وأنا لا أعرف التفاصيل، لكني اشعر بها .

التضامن الخامس:

ــــــــــــــــــــــــــــــــ

العزيزة ساسو.. أشعر إني ابتعدت عن مدونتها كثيرا، ليست هي وحدها، لكن أشعر بالابتعاد عن أشياء كثيرة، الآن أتساءل مالذي اقترب منه إذن؟؟

أتضامن مع ساسو في السعي الى الحصول على مزاج "السنافر"...!!

تقول ساسو: "الغريب اني بقيت باعرف اتحكم في اعصابي وباعرف اناقش نفسي واحدد الصح من الغلط بحياد ، جايز تكون صدفة وجايز يكون الجنان ده جاب نتيجة اللي اعرفة اني كنت ولا زلت اقل البنات مشاكل واقلهم احتياجا للنصايح، ودي كانت بدايات موود السنافر ".

وانا أتضامن معك في البحث عن (عدم البحث عن مشاكل).

التضامن السادس:

ــــــــــــــــــــــــــــــ

أتضامن مع أنيمة بلا حدود في خطتها الجديدة، واتمنى ألا تتخاذل عنها ابدا، فقد اختارت أن تولد من جديد، تقول : "و أقر أيضا أنه بعد تفكير دام لمدة، قررت أن أغير حياتي بالكامل، قررت أن أولد من جديد ( العام الماجي بحال هاذ الوقت ما تنساوش تقولوا لي عيد ميلاد سعيد) ".

15 comments:

ام العيال said...

tadamn ma3aya and come to read my story
he didn't come to visetmen zamaaaaaaan

:)

walaa said...

حلوة،، حكاية التضامنات دي ..

تفتكــر ينفع اكون أنانية شوية يعني صغنططين كده وأتضامن مع نفسي .. ينفع اهرب بقى من ذكريات كأنها زي ما بتكون مصرة يكون ليها مكان في حياتي وبدأت تزعجني جدا مؤخرا

عموما .. لو ينفع هيكون جميل جدا ،، ولو العكس يبقى اختار اتضامن معاك في حالة اللاتضامن مع كريم عامر جدا،، السجن مش هيفيده بالعكس هيبعده اكتر ده كان رايي من البدية اعتقد ان كريم فقد ايمانه بحاجات كتير اوي مش بس الدين او المجتمع او او .. وان السجن هيزيده فقدان لباقي الاعتبارات والقيم .. كريم وامثاله كتروا اوي واصبحوا في حاجه الى اعادة توازن بينهم وبين المجتمع ..

ما علينا .. اسفه ع الاطالة وشكرا جدا لمساحة التعبير الرائعة ايل بلاقيها هنا عند كاتبنا الهمام ..
تحياتي
:))

بحرينية said...

شكرا على التضامن الذي تم على اكمل وجه :)
عندما قرأت النص المقتطع من الكتاب تزاحمت علامات الاستفهام على رأسي
و لكنها سرعان ما اختفت عندما قرأت اسم الكتاب

أحمــــــــدبــــــــــلال said...

متضامن معاك فى موقفك فى موضوع كريم

و عاجبنى أوى أستجواب الكتاب ده

Anima said...

أنا كمان بأتضامن معاك في حكاية الموسيقى اللي بتكون في المدونات
فهي أولا بتأخر فتح الصفحة و كمان بتكون الموسيقى في وادي و إنت في وادي و حللي على بال ما تلاقيها علشان توقفها

أما حكاية المدون كريم أنا مش عارفة أصلا ايه اللي حصل علشان كده أنا محايدة

ميرسي على تضامنك معي

منى said...

عبده باشا
ممكن حضرتك تتضامن معايا فى حقى و تحط اللنك بتاع مدونتى بشكل صح عندك فحضرتك حاطط المدونة باسم سمر بالرغم ان المدونة مش بتاعة سمر لوحدها كما ان المدونة ليها اسم فقدامك تلات حلول
يا تحط اللنك باسم منى و سمر
يا باسم المدونة
و اخيراَ لو حسيت اننا زهقتك من غير سبب تشيل اللنك خالص
ملحوظة : انا عارفة انك بتحب اسم سمر و انه له ذكريات معاك بس ده مش معناه تهضم حقى كده
و شكراَ مقدماَ و نأسف للأزعاج

tota said...

عبده باشا
فكرة التضامنات جيدة
ونحتاج وقفة مع كل تضامن
لا اعرف الكتاب وبالتالى لا اعرف رد فعلى
كريم عامر لم يحبس لانه مدون بل شخص يبحث عن لجوء للخارج تحت مسمى اضطهاد دينى ولا اتضامن معه باى حال من الاحوال
فكرة الموسيقى احيانا فعلا تكون استفزاية لكن لا نملك لها اى حل تدخل تحت بند مدونتك هى بيتك
التوقف عن التدوين احيانا له اسباب اقوى من استيعاب الاخرين لكن المدون مدرك لها تماما
اتضامن مع فكرة ان نولد من جديد وان ننزع عنا الصدفة الصلبة لنترك واحدة جديدة تنمو لتتعارك مع الحياه من جديد
حجم المدونين اصبح مريع فمن الممكن ان ينقضى اليوم ولا نزور من نحب
تحياتى

MiaMi said...

التضامن الثاني:

سجن مدوّن بسبب مدوّنته !!
أحس أن الموضوع ما يستحمل هذا العقاب
:)
الله يستر

* * *

التضامن الثالث:
أنضم إليكم في هذا التضامن ،،
ومعاها ومعاك حقّ ،،
وأنا ضد الموسيقى التي تشتغل تلقائي ،،

* * *

التضامن الرابع:
بخصوص المدّون ماشي صح
وأتمنى إنه يكون بخير
وأتمنى أنه يكون مجرد إيقاف عن التدوين
لا أكثر

* * *

تحيّاتي لك

Anfal said...

إزيك يا عبدالرحمن
عارفة اني مقصرة في المرور و التعليق و كل حاجة
بس انت عارف الدنيا بتتغير بسرعة و بشكل غريب و مقلق جدا كمان
مريت النهاردة على المدونة بتاعتك لقيت ان فاتني كتير جدا منها
يا ريت بس تديني فرصة اجمع ما لم استطع قراءته حتى استطيع الوقوف بجانب التضامنات كما وقف الآخرون :)
سعدت بك .
أنـفــال

yara said...

يا جماعة أنا حاسة إن عبدالرحمن عمل فى نفسه حاجة...إييييييييييييييييييييييييه إنت فين يا إبنى؟؟

Me2 said...

أشاركك في عدم قدرتي على التضامن مع هذا الشيء المسمى بعبد الكريم(خسارة فيه الإسم) بس ربنا كريم
وآسفة لكسلي الشديد مؤخرا فأنا امر بمرحلة أحتاج فيها دعاء الجميع و أصابتني بالإكتئاب
أرجو ان تعذرني على التأخير في الرد بالرغم من متابعتي لمدونتك بانتظام

قلم جاف said...

بمناسبة كريم كنتاكي :

فيه تيار عام في الوسط الثقافي بيقترن فيه مفهوم البطولة بالإلحاد!

واحد واختار اتجاه معين ، إيه البطولة في دي وإيه التنوير في دة؟

اللادينيين مش بالصورة البراقة اللي بترسمها الميديا ليهم ، فيهم ناس متناقضين ، وفيهم متمذهبين بيمارسوا التقية الفكرية ، وألسنة بعضهم طويلة أكثر من ألسنة بعض المتعصبين دينياً!

كريم فعل ما يعد في وجهة نظر القانون خطأ ، أيا كانت وجهات نظر البعض في القانون نفسه.. وعليه يحاكم وفقاً للقانون..

العزيزة مي 2: خالص الدعاء إلى العلي القدير بأن يخفف عنك وعنا جميعاً حالة الاكتئاب الذي نعيشه أياً كانت أسباب اكتئاب كل شخص منا..

Abdou Basha said...

أم العيال

سوري كتير، حتلاقيني عندك الآن
:)

**

ولاء

انا كمان عايز اتضامن مع نفسي، أو حد يتضامن معايا
على فكرة ساعات بيكون لينا قضايا كبرى، ومشاكل أهم من مشاكل كتير ناس بتضامن معاها.

**

بحرينية

هو كمان الكتاب اسلوبه صعب
:(

**
بلال

أنا اخترت اللاتضامن، بدلا من التضامن المضاد

**
أنيمة

أنا بقفل الصوت غالبا، وانا مشغل الكمبيوتر، لكن لما اكون مشغل مزيكا، بأفاجأ بحكاية المزيكا اللي شغالة دي.

**

منى

اسمك من أحب الأسماء عندي، وعايز اقولك انه مجلس الإدارة اجتمع وتم التضامن وتعديل الخطأ المطبعي
:)
**
توتا

أتوقف عند مسألة عدد المدونين على النت.. فعلا العديد أصبح كبير.. أعتقد انه فيه وقت من الأوقات ممكن المدونات القديمة المشهورة تتحول لمشروعات تجارية، أو متاحف
:)
**

ميامي

منورة المدونة، وسعدت بتضامنك مع مدونتي بهذه الزيارة.

**

أنفال

انتي متعرفيش أنا قد ايه ببقى مبسوط لما الاقي حد من اصدقائي القدامى هنا في المدونة، ده تضامن غالي جدا
:)

**

يارا

معاكي حق..
انا اختفيت، وسبت المدونة مهجورة حبه بسبب الانشغال :(

**

مي2 ..
حاولي تغيري طابع الحياة على قد ما تقدري.. انا بمر بهذه الحالات كتير، خصوصا مع تقلب المزاج.
وساعات أيام كاملة بتكون كده

بجد حاول تغيري، المكان أو أي تغيير ولو بسيط في حياتك

**

عزيزي شريف

تعرف الحاجات اللي كنت بكرهها في الندوات والجلسات النقاشية وكل ده...
بلاقيها هنا في المدونات ساعات.

وبحكم اني حاليا رجعت تاني أتابع ندوات، ففكرة التناطح مع الجميع فكرة مطروحة ومازالت موجودة، كريم للأسف يمثل النموذج ده على النت.

mona said...

عبده باشا نسجل شكرنا لك و لمجلس الإدارة علي التعديل

saso said...

الي اين نتجة جميعا
أولا الدعاء لمي 2 يارب تكوني بقيتي احسن

ثانيا مش عارفة ليه اعراض الانسحاب اللي عندي من ناحية بلوجر ..يمكن زي ما توتا قالت عدد المدونين كتير وافكارهم متنوعة
بس ده عن البلوجز الجديدة لكن المدونات اللي بتعتبرها بيتك وبتروحها كتير بتتسحب منها
ليه معرفش

انا كمان بقيت كده
عن عبد الكريم -خسارة الاسم -دخلت في نقاش كرهني في بلوجر اكتر عند مزمز عن الشخص ده .. عن الموسيقي ..زرها زي رنة الموبايل اللي كتبت عنها

تتوقف تماما علي حالتك المزاجية ..وحال القارئ
عن موود السنافر ..يارب اشوفك مبسوط وهادي-مش عاوزة اقول سنافر-يعني زيي

:)
الصبح حاولت اعلق عندك ..اكتشفت حاجة ظريفة جدا البلوج اتسرق واتغير الايميل الاصلي بتاعة وحاجة لطيفة خالص
ايه اللي في بلوج يستاهل السرقة سبحان الله
وطبعا بما اني مبفهمش اي حاجة لما رجع قلت لصحابي ميرسي وخلاص ومسالتش عن الطريقة
:)
ابقي خد بالك من الباس وورد بتاعتك