Thursday, April 12, 2007

كلام مش طبيعي

عادي جدا......

**

فيه ناس مش طبيعيين.. لكن هما مش عارفين إنهم مش طبيعيين، وبينظروا للطبيعيين على أنهم مش طبيعيين، ولأن الأمور مش طبيعية، فيبدأ اللي مش طبيعيين يتصرفوا على أنهم طبيعيين.. ودي كارثة !!

**

في وسط الأجواء اللي مش طبيعية دي، تلاقي نفسك بتسأل يا ترى أنا طبيعي ولا مش طبيعي!؟، المشكلة انه اللي مش طبيعيين هما اللي هيحددوا إذا كنت أنت طبيعي ولا مش طبيعي ..!

**

لكن هنا لازم نسأل سؤال أهم.. هل الأوضاع اللي مش طبيعية ممكن تبقى طبيعية ؟؟

كمان الأهم من كده، إيه هو الطبيعي وإيه هو اللي مش طبيعي؟

**

وهل هناك أصلا مفهوم اسمه "طبيعي"، ولا كل شيء ممكن يمشي حسب الزمن والظروف ويبقى طبيعي في زمان ومكان معين، وفي وقت تاني يبقى مش طبيعي ..؟

**

*

أساسا الكلام اللي مكتوب هنا مش طبيعي هو كمان J

18 comments:

Mirage said...

بالعكس بقى .. كلامك طبيعى جدا
من وجهة نظرى على الأقل؟!!؟
:)

ما علينا ..
الشئ الطبيعى نسبى برضه .. زى الصح والغلط فى حياتنا، بعيد عن الحلال والحرام طبعا

هو أنا الطبيعى .. ولا أنت، ولا هو؟؟
لأن مش عندك اطار موحد للتعريف .. هايفضل السؤال معلق

hesham said...

بص يا باشا

انا مايهمنيش اذا كان الناس تبص لى على انى طبيعى و لا مش طبيعى

و ماسمحش لحد سواء كان طبيعى و لا مش طبيعى ان يصنفنى طبيعى او مش طبيعى

لان انا متاكد انى طبيعى

و مع كده

و ممكن اكون فى نظر البعض مش طبيعى

و هنا السؤال بيطرح نفسه

ان طبيعى و لا مش طبيعى

ايه ده؟

انت هتلغبطنى ليه يابنى

منك لله

المهم يعنى

مفهوم الطبيعي ده مفهوم نسبى يختلف من شخص لاخر و من بيئة لاخرى

و طالما نسبى مش هتلاقى اتفاق على تحديد له

سيبك انت

المهم ان الواحد يعيش حياته الطبيعية (على راى عادل امام فى الافوكاتو)

و ان كله يبقى على الطبيعة
(على راى عادل امام برضه فى الهلفوت)

saso said...

انا دخت

جرب تقرا اللي انت كاتبة الساعة 1صباح يوم الاجازة الأوحد
ما علينا ..الموضوع نسبي مش هاختلف معاك
بس لما حد زي الاستاذ اللي في الصورة يوصف نفسة انه غبي يبقي ده طبيعي؟
في تي شيرت عليه كلمة
idiot
وبيتباع عادي جدا..لما اللي بيشترية وعارف معناة يلبسة مش بذمتك يبقي فعلا بيهرج

بحرينية said...

( الطبيعية )
مفهوم كغيره من المفاهيم تتفاوت معاييره من انسان لآخر و من مجتمع لآخر
و لكن من يحدد هل انت يا انسان طبيعي او مو طبيعي
اعتقد ان اللي يحدد هالشي هو انت نفسك
متى ؟
عندما تستخدم عقلك في وزن الامور بمنطقية
بقي ان اقول ان البوست اعلاه
طبيعي و ممتع
:) شكرا على البوست الشغل عدل

reri said...

طبيعي مش طبيعي... كله واحد يشغل الترمومتر بتاعه ويقيس ... واللي يحسه طبيعي يبقي هو الطبيعي ... الناس بتتفاوت... وزي ما إنت قلت الطبيعي واللي مش طبيعي بيتحكم فيهم الزمن... بتغيره بتتغير حاجات كتير

سلاماااااااااااااات

Sharm said...

دايما بننظر للناس التانية على اساس انهم هما المختلفين و احنا الاصل و وارد جدا اننا نكون احنا المختلفين و هما الاصل

Anonymous said...

مافيش قاعدة ولا اساس
كل واحد فينا حالة خاصة...
وكل حاجة طبيعية..علشان مافيش اصلا اساس ترجعله تقول ده طبيعي ولا لا
بس كده

Tamer Nabil said...

انا من راى ان الطبيعى

اللى هو اتخلق علية وربنا نزلة على الارض خلافة يكون غير طبيعى

تحياتى

Nada said...

لا المجتمع هو اللي مش طبيعي ..على الاقل هو مريض بس مادام طول عمرو مريض فاكر ان الامراض اللي فيه حاجة طبيعية

Anima said...

دخت أنا كمان

walaa said...

كلامك مش مش طبيعي،، ايل مش طبيعي هو ان يقال ان كلامك مش طبيعي،، ليه بقى لان كلامك طبيعي الطبيعي كمان:)

والله،، والله ياعبدالرحمن يكاد يصيبني مس من الهوس النفسي بروية هؤلاء الغير طبيعيون وهو ينظرون لهؤلاء الاخرون ايل هما طبيعيون ـ في نظري على الاقل ـ ينظرون لهم ويلقبونهم بالغير طبيعيين والمرضى النفسيين!!

تعرف تقول عجبا لهذا الزمان .. حقيقي عجباًًًً

تحياتي

hosnysoliman said...

استاذى الاستاذ عبد الرحمن
السؤال جميل وطبعا طبيعى..الشىء الطبيعى هو ما اتفقت عليه الاعراف والقوانين ووافق عليه العفل..فمن الطبيعى ان من ياكل يشبع ومن الطبيعى انه اذا زادت وجبته عن حد معدته اصيب بتخمة..وكل واحد منا له حد فى وجبته تختلف عن الاخر وبناء عليه قدر التخمه يختلف من شخص الى اخر
كل هذه الامور يحكمها العقل والحس ذو الخبره
ااسف اذا كنت طولت عليك ولكنها ساعات تحكم والواحد يكون مش طبيعى
فهمت ياريت تفهمنى
ولكن عندما يغيب العقل والحس ذو الخبره تنقلب الاشياء
وعلى قدر هذا يمكن الحكم على تصرف اوفعل انسان اذا كان طبيعى ام لا
مثال اخر المتعارف عليه انه على الانسان ان يستر عورته امام الاخرين فى حالة عدم التزامه بذلك اما ان يطلق عليه مجنون ويكون فعله مصدره انعدام العقل او ان يكون فعله بناء على رغبه مرضيه كمرض حب العرض والاستعراض
وحتى لا اطيل عليك ذلك انى افهم مغزى سؤالك قيما هو حادث هذه الايام مين العاقل ومين المجنون او مين الطبيعى ومين غير الطبيعى..الطبيعى هو من توافق مع طبيعة الاشياء بناء على العرف والقواعد والقوانين..وحيث ان كل مجتمع له عرفه وتقاليده وقوانينه فقد تختلف الطبيعيه من مجتمع الا اخر
الا انه هناك قواعد عامه على مستوىكل المجتمعات متفق عليها وما دون ذلك فهو خاص
الظاهر فى مجتعنا هذه الايام..هو الخروج عن كل القواعد و الاعارف والقوانين رغبة فى تحقيق اغراض شخصيه واستحكام الانا فينا..وكل هذه امراض للاسف ليس هناك علاج لهذه الامراض لان القائمين على احكام هذه الاعراف والقوانين هم اشد الناس مرضا..والشىء العجيب انه عندما يستفحل المرض بانسان فانه يتعايش معه حتى يصل الى حد الطبعية فى حياته..وهذه الحياه الطبيعيه تكون حياه طبيعيه مرضيه
اذن نحن نعيش حياة طبيعيه ولكنها مريضه

ليلى حسين said...

مين فين

هو فى اية

ههههههههه

معلشى اصلى مش فاخمة حاجة

فى حاجة مش
طبعية

awres said...

و الله حتى الطبيعه اصبحت غير طبيعية

تحياتي

Entropy said...

والله أنا من رأيي أنه انت عليك
خفة دم مو طبيعية

والله مش مزح ولا تريقة
:-)

kaed said...

انا بقى دلوقتى فهمت الناس و هيا ماشية فى الشارع بتبصلى لية أتارى أنا اللى مش طبيعى
دمت بخير أخى الكريم

tota said...

عبده باشا
معقولة فى طبيعية اكتر من كده
هو ده الطبيعى بعينه انه محدش عارف ايه الطبيعى ومين الطبيعى

تحياتى

$ سهى $ said...

دى مشاركة فى التفكير ؟

الطبيعى والغير طبيعى شىء يحير