Saturday, April 28, 2007

حـ...ب إ..يــ... ـه ؟؟

وانا هناك ... فوق السحاب نظرت على الأرض، لقيت الدنيا صغيرة، دورت على ناس بيحبوني، معرفتش اذا كان فيه حد أو لأ، أو بمعنى أوضح مشفتش حد، كانت الصورة مش واضحة.

**

فكرت أنزل من على السحاب، واتمشى بين الناس، أتجول في الأسواق، واتقرب من خلق الله، مشوفتش حاجة برضه، ولما شفت مفهمتش .

**

يعني ايه حب؟؟

اهتمام.. احتياج.. نوع من القلق لغياب إنسان .

**

طب مين قال ان أي أعراض من دي ممكن تكون حب!؟

مين بيحبني؟؟ ومين بيحبك؟؟

وليه؟؟

هل هيستفاد شيء؟ هل أنا هستفاد شيء؟ هل هننضر في شيء؟

**

إيه اللي يخلي انسان يفكر في انسان..؟ ويحاول يساعده؟ وايه اللي يفرق حب عن التاني؟

من يؤمن بالحب؟

**

(فاصل)

**

وانا بتكلم في التلفون.. لقيت انسانة معرفهاش وقعت على الأرض جنبي، كإنها ماتت.. طالبة في الجامعة، لقيت نفسي خايف عليها وقلقان كإنها من أهلي وشيلتها وقعدتها، وحسيت برعب، رغم عدم اكتراث اغلب زمايلها.

الموقف ده كان بيحصل ساعات في الجامعة إني أشوف بنت وقعت من طولها فجأة كده، كنت بحس انه دلع....!

خدمة إنسان آخر، ومحاولة مساندته، عاطفة غريبة جدا.. خصوصا لما تكون مع حد مش واقع معاه في علاقة ........... حب !

المساعدة هنا كان ليها سبب، لكن الحب.....!؟

**

ممكن الواحد يحب أهله.. أو اصحابه.. أو ولاده.. أو زوجته.. أو زميلته

كل حب غير التاني .. لكن كله حب

أكيد فيه احتياج لدى الإنسان في كل الأنواع دي بيفرض على الإنسان الحب ده .

**

أنا بفكر.. وكل شوية هفكر، لاني من نوع من البشر لا يكترث بالحب

لكن يكترث بما وراءه .

(إيه الفلسفة دي!؟)

17 comments:

Anonymous said...

ازيك ياعبده..
اول مرة تكتب عن الحب..لدرجة ان انا افتكرتك بتتعمد تتجاهله فى كتاباتك..وبتتعمد تتجاهل تقول اى احساس ليك..
انا كمان عندى لخبطة جامدة اوى فى حكاية الحب دى..انا بحب ناس كتير..وبحب كل اللى بقرب منهم ..وبحب زمايلى الولاد وبخاف عليهم...بس مابقدرش اميز انا بحبهم بأى معنى..او حتى ايه المعنى ده..حب ولا ايه
وبحب الناس اللى بعرفهم من النت..بنفس الطريقة...
المشكلة ان انا معنديش حالة اقيس عليها..واقدر اقول ده حب ودى صداقة ودى اخوة ودى اى حاجة تانية..
كمان ساعات كتير وفى معظم الاحيان بحب الناس دى من غير هدف...يعنى مش شرط يكونو بيحبونى او بيعاملونى كويس او بيعاملونى اصلا علشان احبهم..
مش عارفة
بس عموما لما تلاقى الدنيا متلخبطة معاك كده حاول ماتعملش حاجة تندم عليها بعدين...
جايز برده يكون كلامى معملش ليك اى اضافة...بس انا حبيت اتكلم معاك فى النقطة دى

بس كده


وربنا معاك


سمر

Nada said...
This comment has been removed by the author.
Nada said...

في اول تعليق كنت بضحك و بكتب اني مفهمتش حاجة ...ثم اذا بملامحي تتغير عند قرائتي لتعليق سمر....شيىء غريب انا الاخرى احب كل الناس و لا اميز بين كل تلك المشاعر

دواااااااااامة

هل استطيع فعلا ان أحب و ما هو الحب؟؟؟
غريب داخلة اعلق بابتسامة و خارجة بشعور اخر

لكن على العموم كلو عادي في زمن العادي

تحياتي

walaa said...

الحب في الأرض بعض من تخيلتنا ..
لو لم نجده عليها لاخترعناه

هكذا قالوا .. (أو قال نزار) ..

يعني إحنا دايما محتاجين للحب كقيمة، جوانا ومن حوالينا ..

وسبحان الله بالرغم من تعدد أشكال هذا الحب ما بين ارتباطات وعلاقات مختلفة .. لكن كلها ليها فلسفة واحدة .. وهي إن الحب بيقدر يشمل قيم تانيه ومشاعر جميلة تمام زي ما انت قلت كالاهتمام والحنين والافتـقاد ..

الحب معنى. قيمة. احتياج. جميل اوي .. لأنه ببساطه بيكسبنا إنسانية على إنسانيتنا ..

تحياتي لهذا الفكر الذي يهتم بما وراء الحب .. بمعناه .. بعمقه .. بتأثيره وسحـره علينا

جميل البوست جدا

Anima said...

أنا كمان من نوع من البشر لا يكترث بالحب لكن يكترث بما وراءه

الظاهر انك في حالة حب يا عبده
و الله و ووقعت

يعني ايه حب: أمان خوف، احتياج و استغناء، التفاهم و الإختلاف

الحب فيه كل عبر المتناقضات و ربنا ما يوريك ويله

Abdou Basha said...

العزيزة سمر
على فكرة مبسوط جدا من زيارتك دي :)

وكلامك.. لأ، هو مهم جدا ليا، على الأقل حسيت انه فيه حد زيي شوية..

متغيبيش بقى :)

**
ندى
لا أدرى، ربما نحن في حاجة إلى إعادة تفكير في كلمة الحب نفسها، ومعناها!؟
**
العزيزة ولاء
اقتباسك عن نزار رائع، لو لم يكن هناك حب لابتدعناه، يمكن هو احتياج، زي احتياج الانسان للاحساس بالقوة، للغضب..الخ
**
أنيمة
أزيك ...
لأ لسه موقعتش، وبجد مش عارف بيقعوا ازاي، خايف اقع في يوم وقعة ما قومش منها
:))

Anonymous said...

حلو البوست يا عوبد .

ممكن نقول ان الكلام دا مش غريب عليا .. وخصوصا كلام سمر

:D
لكن انا جاية اعلق على موقفك من البنت الي داخت فجأة .. والله جزاك الله خير يعني غيرك كان سابها مرمية في الارض .. اهتمامك بها شئ مفرح والله

اما البوست نفسه فأعتقد ان الواحد لازم يفرق بين المشاعر الي تجيه فجأة بدون طرق الباب ..

يلا انتهبه على نفسك.

reri said...

الحب وما وراء الحب... فلسفه جيده تستحق الإحترام,,, نظره بجد جديده للحب.. مفهوم جديد ليه
تحياتي

layal said...

كثير بتعاطف مع ناس
لكن من الصعب اظهار هذا الشي
حتي لا اصل لمرحله الفهم الخطىء من نحيتهم
يمكن يسمونها قسوة قلب

وفي ناس تتمني تسعدهم -وان ما ساعدتهم في وقتها- تشعر بالذنب داخلك فيما بعد
حتي ان لم تكن تعرفهم

هل لذلك علاقه بالبوست وله هي لطشت دماغ مني
يمكن

Rasha said...

اولا وحشتني المدونة هنا اوي وبجد اسفه اني تأخرت بس في مرة قبل كده كتبت عن الحب والاعجاب وايه الفرق بينهم وانا علقت عندك بس هنا الموضوع مختلف الا انه مهم ليك ولناس كتير يمكن بتتفهم غلط انا عندي نفس المشكلة ان عندي حب لكل الناس مش بلاقي له تفسير محدد يعني اي حد محتاج مساعده بساعده من قلبي من غير ما افكر باي حاجه غير اني بحط نفسي مكانه ..وبتفهم غلط بلاقي فجأه الطرف الاخر افتكر ان دي معامله خاصه الا اني من الناس الي بعامل الاخرين سواء وخسرت ناس كتير من الحب ده يمكن هي مشاعر غلط بس يمكن الناس فهمتها غلط ويمكن انا الي غلط برضوه مش عارفه

بس اكيد لما الحب يجي لشخص حيبقى مختلف حتبقى حاجه اقوى حاجه متبادله تشارك

بس الناس دايما بتفهم الحب بشكل مختلف

تحياتي موضوع جميل واسفه لو طولت

yara said...

When you are together with that special someone, you pretend to ignore
That person. But when that special someone is not around, you might look around to find them.
At that moment, you are in love.


Although there is someone else who always makes you laugh, your eyes and attention might go only to that special someone.
Then, you are in love.

Although that special someone was supposed to have called you long back, to let you know of their safe arrival, your phone is quiet.
You are desperately waiting for the call!
At that moment, you are in love.




If you are much more excited for one short e-mail from that special someone than other many long e-mails,
You are in love.

When you find yourself as one who cannot erase all the
Emails or SMS messages in your phone because of one message
>From that special someone, you are in love.


When you get a couple of free movie tickets, you would
Not hesitate to think of that special someone.
Then, you are in love.


You keep telling yourself, "that special someone is just a friend”, but you realize that you can not avoid that person's special attraction. At that
Moment, you are in love.


While you are reading this mail, if someone
Appears in your mind,
Then you are in love with that

yara said...

الحب بيختلف من شخص للتانى بتختلف مقايسه و معايره بتختلف دلائله بيختلف الشعور به و أهميته
و لكن بيفضل أجمل شعور فى الدنيا هو إنك تحب و تخاف على حد و تهتم بيه و تحاول تسعده و تفرح لفرحه و تزعل عشانه يمكن أجمل حتى من إنك تتحب
عشان كدة أنا طول عمرى بشوف اللى بيحب ده حد محظوظ عشان ربنا بيديله أسباب زيادة للفرح
و أنا هنا بتكلم عن الحب عموماً

الوردة السوداء said...

ممممممممممممم
انا برده بفكر كتير فى الموضوع ده
بس بقى انا وصلت لنتيجة ان اساسا ايام الرسول عليه الصلاة والسلام
مكنش فى اساسا حاجة اسمها حب
ربنا لما ذكر الجواز فى القرآن ذكر المودة والرحمة
احنا ترجمنا احتياجنا لبعضنا للفظ ملوش اى وجود

هو الحب

awres said...

المحبه في الله و بنية صافيه تدوم

تحياتي عبد الرجمن

mai said...

بصراحة انا لى راى فى الحب وهو ان مساعدة الناس بالصورة اللى اتكلمت عنها ليس حبا فيها وانما حنان متواجد داخل الشخص وحبا فى الخير عموما

تعرف انا كنت فى مستشفى فى الغردقة وكنت قاعدة فى الاستقبال هناك وكان فيه واحد روسى واقف هو ومراته وبنته وفجأة وقع على الأرض وهو ماسك ايديه من عند الوريد وبيرتعش والأرض كلها بقت دم انا حسبته انتحر بس اكتشفنا انه عنده صرع وجاتله الحالة
ودماغه اتفتحت
و الثلاثة ايام اللى قعدناهم فى المستشفى كل يوم كنا بنطمن عليه لغاية مارجعنا القاهرة ورغم اننا كنا فى حالة صعبة احنا كمان بس اعتقد ان السبب الرئيسى اللى خلانا كل شوية نسال عليه اننا نتاكدة انه لم يمت علشان نفسيتنا ماتتعبش اكتر

بيبو said...

فعلا أه اللي يخلي إنسان يخاف على إنسان ويقلق عليه ؟ أنا دايما بسأل نفسي السؤال ده يمكن عندك حق تسأل بس اللي مش عندك حق فيه هو السؤال اللي بعده وهو أه اللي هستفيده مش لازم كل علاقه يكون وراها إستفاده ، ده يا أستاذنا كفايه إنك تلاقي حد خايف عليك ومهتم بيك في أكثر من كده إستفاده؟!نصيحه مني سيبها تمشي ذي ما تمشي وما تسألش أحسن

Hiba said...

b2aly zmn ma zortesh mdwntak...
bs sa7bty mn kam yom 2altly enha hat3mel w7da ..w 3yzany asa3dha ...
sa3tha bs eftkart mdwnty ...
eftakart ad eh ana b7baha .. w m3 zalek moserra ahmelha .. m3rafsh leeh ..
w eftkrt el mdwna dy kman ... 3'reeb enha awl mdwna aftkrha b3d mwdnty ...
bm3na as7 ...
afteker ad eh ana m2sara fe 7a2aha..
2olt lazm azorak
ala2eek bt3len agaza !!..
2olt wala yehmny .. ha3la2 3la elly b3do..


l2eet el mwdo3 da..
bsara7a est3'rabt...
mates2lneesh leeh... maho da brdo mn el masha3er elly bdwrlaha 3la sabab..

ymkn l2ny twak3t enk elly tgeeb el 7'abar el yakeen fe mwdo3 el 7ob da.. aw ymkn l2ny la2eetak zayee brdo .. leeh w eshm3na .. w da by7sal 3shan eh .. w elly by7sal da fe sale7 meen ... dma3'y mabtbatalsh ... w lw 7aga gat keda m3 nafsaha w mal2tlehash egaba b7'af w bab3ed... leeeeeeeh? m3rafsh :)

el masha3er el ensanya mesh ryada wala fzya .. mesh lazm tla2elha egaba ....:)

7beet bs asalem .. w a2olak eny mabnsash el aklam elly ba7baha .. w yareet mats2lsh leeh mabnsash w leeh b7baha ...
salamz!!