Monday, June 18, 2007

تدريب على التخريف


كلمات من ذهب :


ToZ

Who cares?

I don't care..

× 60 داهية.


لو

Damn it

لغيرك

ما وصلت إليك.
**

نظرية: عندما تتشابه الأسماء، تتشابه الصفات.. طبقت هذه النظرية على اسم واحد (إيمان)، ولا أريد تطبيق النظرية هنا على عبدالرحمن.. سأحتفظ بالمعلومة لنفسي .

**

سؤال : يعني إيه كلمة وطن؟ من فترة كان فيه كلام وندوات وحركات وحاجات عن المواطنة، وبالصدفة مررت في أحدى البقاع السحرية على الشبكة ووجدت إن الحديث ما زال موصولا عن هذا المصطلح الجميل... المواطنة.
يقولون في الحي أننا لو طبقنا المواطنة سينصلح الحال!؟
لا أعتقد.. لأننا لا نعرف أصل المواطنة ولا كيف انتقلت من الإغريق إلى الرومان إلى عصور التنوير وما بعدها.. انه حديث من لا يدري عما لا يعلم .
(كلمات قاسية صح!؟.. آسف... سوري)
أوكيه المواطنة حلوة .. وهي الحل
**

صدفة :

يقول الشاعر : "رب قوم ذهبوا إلى قوم فلما القوم الأولانيين ملقوش القوم التانيين خدوا تاكسي ورجعوا"

(1)

كنت بتكلم يوم الجمعة في إحدى الجلسات عن المدونات، وكريم عامر، بعدها بساعات دخلت على الكومبيوتر ومررت بمدونة الجار العزيز شريف، ووجدت ما كنت أحكيه مكتوبا في مدونته، صدفة غريبة أن تجد أحدهم يفكر فيما كنت تفكر فيه في نفس الوقت.
(2)


الصدفة التانية رغم انه من الصعب إني أتكلم مع حد ملوش علاقة بالمدونات عن كريم عامر

آخر مرة جت سيرته في كلامي من شهور، إلا إن ده حصل من يومين، والصدفة انه وقتها طلع عيد ميلاد كريم، وكان فيه ناس بيحتفلوا بيه.
هابي بيرث داي.. كريم
(3)

كنت بتكلم يوم الجمعة المقدس برضو في إحدى الجلسات عن الأمراض النفسية خصوصا الفصام، وازاي إن الفن علاج ليها وبيشغل خيال المريض صح ويبعده عن إنه الخيال يتحول إلى ضلالات وهلاوس، كانت مناقشة غير متخصصة بوجه عام، بالصدفة وجدت شيء قريب من هذا الموضوع هناك عند هديل .
عدت الى هذه المدونة من أيام، تقريبا، لكن شيء غريب أنك تكون بتتكلم مع قوم عن شيء وتروح عند قوم تانيين فتلاقي القوم التانيين بيتكلموا عن نفس الحاجة اللي كان بيقولها القوم الأولانيين .الخخخ

صدف جميلة

6 comments:

Anonymous said...

ازيك ياعبده
فكرتنى بحد اعرفه والله فى الجزء الاولانى من البوست....حد بيصرخ كده وينكش شعره...وبيهتم اوى بجمع كل عبارات التنفيس
tooooooooz
om el nela
تقريبا الحد ده انا
...
كلمة وطن..
مش عارفة
مش عارفة اجاوب بجد ولا ....بجد برده بس من ناحية تانية
المواطنة بقى ياسيدى بحس انها واحدة ست...زى مالمواطن واحد راجل
هههههههه اصل المفهومية
...
الصدف كترت فى اليومين دول...اكيد ليها علاقة بالتاكاسي
(جمع تاكسي)
ماتستغربش لو لقيت حد بيقول كلامك...حد مايعرفكش اقصد
انا لو مكانك اتبسط..
واعتبرها تلكيكة علشان اقول ان انا مش لوحدى..وابدأ من هنا احل كل مشاكلى!
انا بنى ادم مفهوم..
وبنى ادم سهل الوصول للى نفسه يقوله


...
شكرا ياعبده بجد اول مرة ابقى كده


اراك لاحقا ..سمر

Abdou Basha said...

ازيك يا سمر
تعليقاتك لذيذة كتير
على فكرة طمنيني ازاي كانت الحالة في الامتحانات الأخيرة، وكيف الأحوال في هذا الصيف الرطب
حاسس ان ده ابشع سؤال ممكن حد يسأله لواحد لسه واخد الأجازة
:D

.. said...

اهلا ياعبدو
شكرا على تعليقك..بجد مشجع
الامتحانات بقى مكنتش حلوة ابدا.
اى حاجة تانية بقى مالهاش اى لزمة او قيمة جنب الفشل الذريع بتاعى فى الدراسة


شكرا


سمر

MAKSOFA said...

بص يقي البوست حلو وفهمته الا الجزء بتاع ايمان عايزه أفهمه ضروري لأني حسيت بالغباء

Abdou Basha said...

في نظرية أنه كل واحد له نصيب من اسمه، واحيانا بتتشابه الصفات
رأي غير علمي
لكن جربته على اسم ايمان في تعاملات أخرانية، لقيت كتير من اللي بيحملوا هذا الاسم متشابهات في أشياء كتيرة
كمان اسم هشام
واسم عبدالرحمن.. اللي هو انا
لقيت النظرية شغالة
:D

Anfal said...

يبدو انني يفوتني الكثير في كل مرة انشغل فيها عن زيارة هذه المدونة
الكتابة صعبة يا عبدالرحمن
صعبة الى درجة انني ما عدت استطيع ان اكتب
:)
أنفال