Wednesday, July 11, 2007

وردة في حر الصيف

ما هو احساسك حين تسير وسط زحام المدينة، في حر الصيف، تتصبب عرقا، تكاد تختنق من الرطوبة، وتجد مارا يشفق عليك ويقدم إليك وردة!؟
ما فعله هذا الرجل.. أو الشابة .. أو الطفل .. أيا كان، ليس إلا محاولة للتخفيف عنك، واعطائك دفعة أمل
**
استيقظت أمس على صوت رنة الموبايل، والرقم مجهول.. لم أرد ، ولم يكرر هو الاتصال
مكالمة أخرى.. من صديقة، أخبرتني أن : "نتيجة التمهيدي ظهرت...." وأضافت "أحنا في الجامعة"
أنا :في حد من الزملا شال مادة
هي : كتييييير
أنا : طب خلاص.. متقوليش حاجة، أنا جايلكم، هخلص اللي ورايا وجاي
**
من أصل 16، 6 هم من نجحوا دون الرسوب في أي مادة، أخذت أبحث عن اسمي، لم يكن في مخططاتي أن أتعثر، فأنا لم أجرب هذا الاحساس في دراستى الحالية
أبحث عن أسمي، أفاجأ بالزميلة جواري : مبروك
أنظر إلى اللوحة.. لأتأكد من "المبروك" التي قالتها، أجد من تعثر في مادة، أو مادتين، ومن غاب عن إحدى المواد وأجلها للدور الثاني، وهناك من ألغوا فكرة الدراسات العليا من جذورها ..الخ
وأنا نجحت.. مكتوب فقط جوار أسماءنا (مرضي)، أي مجاز.. وكأنها مرضى من المرض، الأفضل أن يغيروا هذه التسمية
**
أخي الأصغر العزيز. والوحيد، هو من أوصلني بالسيارة إلى الجامعة
بص.. هنمشي من ورا.. والحدايق... وبعدين كوبري 6 أكتوبر -
ليه .. احنا مش رايحين العباسية -
؟؟-
لأ.. انتي فاكرني رايح جامعة عين شمس ؟؟؟؟؟؟؟؟؟؟؟؟؟؟؟؟؟؟؟-
أااه امال إيه؟؟ -
.كدت أن (أففطسسس) من الضحك
إنت متعرفش اني حاليا في جامعة القاهرة؟ -
لا. أنت خريج عين شمس.. وبعدين كنت بتروح هناك عند الاساتذة بتوعك -
...ضحكنا
شعرت كيف غيَّبه العمل عن تفاصيل حياتي كان الله في عونه.. بالكاد أراه بعد عودته من العمل
**
بعد أن شاهدت النتيجة.. لا أريد أن أفعل شيئا، ونتج عن ذلك حالة تسكع في شوارع المدينة مع إحدى الزميلات، حتى وصلنا ميدان التحرير لنركب المواصلات
.قالت أنها لم تشعر بالفرحة.. كأن الأمر تحصيل حاصل، ونهاية تقليدية
.كان نفس إحساسي
..لكن لكوني أعيش في قلق وضغوط، ورغبة في الانفجار هذه الأيام، جاءت هذه النتيجة الجميلة، كوردة
.وردة جاءت في حر الصيف، لا في أجواء الربيع
**
الحمدلله
Thank you God
**
حاليا.. أفكر في خطوات عملية.. لركوب القطار المتجه إلى (....)، مكان أعلم انه وطني، ومستقري ومقامي، مكان لا أعلم موقعه، وحياة لم أعشها، وعلم لم أتعلمه
ربما أحقق شيئا من هذا.. على كل لقد وصلت إلى حكمة أزلية..أن كل حاجة كويسة، وكل شيء من الممكن أن يكون في مصلحتي إن أردت أنا له ذلك

23 comments:

summar said...

مبروك ياعبده بجد الف مبروك
على فكرة حاجة تفرح مش تخليها تعدى كده
انا لو مكانك اعمل حاجة افرح بيها اوى بالمناسبة دى
لو سافرت خد معاك كاميرا:)

ربنا معاك

walaa said...

الف الف مبروك يا عبدالرحمن ..
والحمدلله رب العالمين .. ربنا يوفقك دايما ويديك على اد تعبك ونيتك الطيبة .. انت تستاهل كل خير ..

اما حكمتك الازلية فهي حكمة في غاية الروعة، ممكن اخدها عنك
;)

مبروك بجد .. حقيقي سعيدة علشانك

:)))))))

Me2 said...

مبروك بجد و ربنا يوفقك للي فيه الخير

Nada said...

مبروك عبد الرحمن
(:
موفق دائما
:)

Eman said...

السلام عليكم ..

ماشاء الله يا عبدو الف مبروك يا اخي

عقبال شهادة الماجستير ان شاء الله .

الحمد لله دائما موفق يا عبدو .

انتبه على نفسك .

شكرا عبدو .

bluestone said...

البدايات الجديدة دائما ما تحمل بريقا غامضا .. فانتظره وانتظرها

مبروك

صاحب البوابــة said...

ألف ألف مبروك

وفقك الله دائماً

تحياتي

بحرينية said...

مبروك يا عبدالرحمن على هذا الانجاز
تشبيهك باللي صار كالوردة هو تشبيه جدا رائع
بس لو حطيت نفسي مكان واحد قاعد يمشي بالشارع في امان الله و احد قرب مني و عطاني وردة راح ارتاب للامر و اقول اكيد في غلط خخخخ >>> تفكير متروس تشاؤم وواقعية
يلااا اللي اهو
شكرا على البوست يا عبدالرحمن :)

تائهة فى أرض الأحلام said...

أولا مبروك يا عبد الرحمن وعقبالنا احنا كمان
بس انت بتعمل ماجستير فى كلية ايه ؟

Hiba said...

MabrooooooooooOooooooooook!!
3o2bal el doktorah....
matnsanash fe baladak ... ok?
7'leena nsafer m3ak ..
rbna yewafa2ak :D

RAT said...

حكمة آخر البوست عظيمة
وهذه وردة اضيفها الى ما سبقها من ورود
مبروك يا باشا

كنوز said...

شكرا على المدونة الرائعة لقد
استمعت تماما بكل كلمة
محمد حسن

Epitaph said...

الف مبروووووووووووووووووك
اولا فرحة النجاح مهما كان جميلة بجد

ثانيا

فركتني بالنتيجة

لانها فعلا زي الوردة اللي حد بيديهالك في يوم خنقة و حر

:)

الف مبروك عقبال المناقشة ان شاء الله
و ربنا يخليلك اخوك ماشاء الله
تجمعكم الضحكات دايما

:)

محمد ثروت الجابري said...

أُحب قراءة تفاصيلك

tota said...

عبده باشا

الف مليون مبروك

هو ده اللى كلنا بنقول عليه
خلينا نفرح بكل حاجة حلوة بتحصل لينا مش لازم يفضل كابوس الحزن مغيم علينا كده
بقدر قلة الافراح والمناسبات لكن لازم نعظم الفرحة بيها ونشارك كلنا بعض الاحساس ده
انا فعلا فرحتلك وسعيدة بنجاحك ونجاح زمايلك
الف مليون مبروك

تحياتى

Anima said...

مبروك يا عم

ايوة كده شرفتنا

عقبال .....و الله ما انا فاكرةههههههههههه

أحمد المصري said...

مبرووووووووك00عقبالنا ياعم نتيجتنا قربت 00ادعي ادعي00
ربنا يوفقنا جميعا0

yara said...

مبروك يا عبد الرحمن
أنا كمان بعد ما خلصت إمتحانات خالو متصل يسأل علىّ خلصت و لا لسة أختى قالتلة لسة
بقولها ليه بتقوليله كدة ؟؟ قالت ليه هو إنتى خلصتى؟ قلتلها آه من زمان قالتلى أمال بتذاكرى ليه دلوقتى قلتلها ده المشروع
قالتلى إنتى عندك مشروع؟!!! ومندهشة قوى كإنها ما تعرفش إن اللى ف بكالريوس هندسة بيبقى عندهم مشروع

قلت لنفسى ديه إنسانة مغيبة ما ينفعش حتى إنى أرد عليها

حــلم said...

مبروك يا عُبَدْ
الف مبروك
ربنا يوفقك دايماً
ودايماً تلاقى اللى يديك وردة
باقة ورد بحالها يا عم
:)

لسه بعقلى said...

مبرووووووووك ...عقبال ما نتيجتى تظهر انا كمان

saso said...

:)
الف مبروك يا عبد الرحمن

مممم
مش مبسوط ليه بس
زي ماقلت ورده وجاتلك في ايام راكده حركتها

اوقات بنبقي في حاله محتاجين اي تغيير مهما كان صغير اي حاجة سعيدة علشان نفرح بيها

الايام دي يظهر كلنا كده
:)
مبروك تاني

Abdou Basha said...

شكرا لكم جميعا
:)

Anfal said...

ألف مبروك يا عبدالرحمن
و عقبال الماجيستير ..
ربنا يوفقك .
و شكرا لهشام :)
على توصيلته اللي جابت الاخبار الحلوة