Saturday, July 21, 2007

بيان حالات


أفكار كثيرة وخواطر متنوعة.. وتعددت المشاعر المصاحبة لتلك الأفكار ما بين حيرة، وقلق، وتوتر.. وغيره


**
حالة عداء

أحيانا تختزن داخل الإنسان حالة من العداء تجاه الآخرين في التعاملات والمعاملات، ربما سببها شحنات كهرومغناطيسية سلبية (معلومة غير مؤكده)، أو تغير وتبدل في كيمياء المخ، أؤمن أن الإنسان هو كائن كيميائي.. أو كهرومغناطيسي، ربما
**
حالة سلام
بحثا عن حالة سلام، وجدت أن ألقي بالمستقبل في سلة القضاء والقدر، فكرة جميلة.. وخطيرة قد تدفعك إلى فراغ التواكل، أخطر ما في الأمر أن يكون السلام استسلام واستكانة.. أنا أعلم ما يفسد السلام الداخلي.. الآخرون هم السبب، والتفكير في توقعات الآخرين

**

حالة قلق

"يااااااااه"........... ليس من المستهجن بالنسبة لي أن أواجه بمثل هذه التنهيدة، عندما أتحدث عن المستقبل وما أرغبه، وتأتيني العبارة التقليدية التي أوجهها لنفسي أيضا "بس إزاي ؟"، "طب عملت إيه دلوقت عشان توصل للي أنت عايزه ؟"
عبارات داخلية وخارجية تضرب صدري بقوة، وتفرض حالة من القلق

**

حالة صفاقة

يعني إيه صفاقة..؟ هي حالة أقرب للصراحة والجرأة.. مش مشكلة، وأعتقد أنها مرتبطة نوعا ما بحالة العداء والمناطحة
الحقيقة أنها ليست بلطجة أو قلة ذوق، لكن زهق

**

حالة كمون

طبعا الكمون غير الكمون اللي بيبقى مع الفلفل الأسود على الأكل، كمون أو رغبة في المشاهدة، وربما بحث عن الاسترخاء
**

حالة حيرة

الحيرة تأتي مع القلق، ولنفس الأسباب، التفكير في الغد

**
حالة امتنان


عندما أجد إنسان طبيعي، يقدم على تصرف إنساني طبيعي، أشعر بحالة من الامتنان المبالغ فيها

**
هي العملية قلبت غم..؟
طب في حالة استمتاع كمان


-استمتاع بركوب الأتوبيس المكيف اللي مش رايح عندنا، واللي لازم أغير منه تاني. بس يكفي إحساس الأنتخة في التكييف بعد يوم حار


شرب عصير تفاح بارد في حر الصيف، مش عارف إيه مزاج التفاح اللي انا عايش فيه اليومين دول ؟ -


تناول كمية مناسبة أو غير مناسبة من الأيس كريم -


طلب وجبة ديلفري رغم المشاكل اللي فيها، بس يكفي إني مش هعمل أكلي -

- التسكع مع صديق/ة، وانك تحكيله في حكي فاشل عن قضايا كبيرة محدش ممكن يتحملها إلا هو، وده ممكن مع وجود مسخرة وروقان حواليك بينادوك بس انت مصر تتكلم في الحوارات الفاشلة بتاعتك، والغريب انه صاحبك متحمل، ومتجاوب

- التأمل في بلد طارده للسكان وتكتشف حاجات جميلة فيها، أغلبها بعيدة عن الناس

- انك تلاقي فعلا إن "الله لا يضيع أجر من أحسن عملا" وتلاقي نفسك إثبات للآية دي
**


حالات كتيره.. المزاج العام مش لذيذ، أنا غير مكترث، أقابل الحياة بصدر رحب، كمان معايا وسائل استمتاع وممكن أخترع غيرها

6 comments:

Eman Eltaher said...

فعلا الانسان بحالات مش علطول بحالة واحدة
و كتير بيقابل اى انسان حالة من الحالات دول
و شئ ممتاز منك انك تذكر حالات للانسان ف غاية الأهمية

بحيييك على الموضوع و فعلا الله لا يضيع أجر من أحسن عملا
تحياتى ليك

summar said...

حالاتك متوازنة يعنى مافيش احساس عام مسيطر عليك فى الاخر
شوية كده وشوية كده
كويس انك بتقدر زى ماتبص
للسلبي بتلاقى الايجابي
كل اللى ناقص دلوقتى لبيان الحالة ده اتنين موظفين يقولولك فوت علينا بكرة
:)

Abdou Basha said...

إيمان.. مرحبا بزيارتك
تعرفي انه ساعات ممكن الواحد يتقلب بين الحالات دي في يوم واحد
لو شخص مزاجي زي حالاتي
:)
**
سمر
اتنين موظفين.. متفكرنيش، بالشخصيات الروتينية
:)
دول بيمثلوا ليا حالة جديدة ممكن أضيفها
حالة حرقة دم

صاحب البوابــة said...

موضوع جميل جدا

يرصد حالات الإنسان بدقة

تحياتي

:)

Anima said...

أولا انا مش سمرا انا بيضة

ثانيا اول مرة باعرف انك بتفهم فرنساوي

ثالتا الإنسان وليد متغيرات نفسية كثير

Abdou Basha said...

صاحب البوابة
شكرا لك على ذوقك
وكلامك الجميل
**

أنيما
:)
رابعا أنا مبسوط كتير إنك مريتي علي
من مدة متغيبة أنيما