Wednesday, August 08, 2007

مولد سيدي كركر

وصل سلطان باشا متأففا لما يحدث حوله
قال : منذ أن ظهرت أغاني المولد، التي غنتها إحدى المجموعات على طريقة الليالي والذكر، بأسلوب عشوائي، أصبح من السهل أن تتحول أي أغنية أو جملة موسيقية إلى مولد
قلت : ما المشكلة؟؟ عادي .. نحن نعيش مولد كبير
**
نظر نظرة قاسية، استحضرت معها روح شتاء أناضولي، وأخذ يسرد قصته مع أخر الموالد القاهرية
قال : عندما ظهر سيدي كركر في المدينة وتجلى في زيه الأبيض وعمامته الخضراء.. رأيته يتمايل بحصانه، ومن حوله مريديه يتمسحون في زيه ودابته، كان يوما مشهودا، الملايين اجتمعوا من هنا وهناك رغم حر الصيف
حتى أبناء العرب منهم من أتي خصيصا لمشاهدة المولد هنا في قاهرة المعز
**
نظر الباشا أسفل قدميه.. ثم مشى خطوات، بعدها أطل قليلا من شرفتي إلى فضاء لا يسكنه أحد، ثم أتبع قائلا :
أخذ المنشدون يرددون كلمات نطق بها مولانا في لحظة الكشف.. كان يردد وهو على دابته كلمة واحدة
قولووووووو.. قوللوووووو
هكذا كانت كلماته التي أدرك معناها الراسخون في العلم، وخرج الناس بعدها يتغنون بكلمته الواحدة دون كلل أو ملل
كلهم كرروا كلمته هنا وهناك
اسمع وردد مع المنشد – وهذه نسخة مختصرة
**
أخذ سلطان باشا نفسا عميقا، وجلس ينظف عدستي نظارته، ثم أتبع حكيه قائلا : جلست إلى أحد الراسخين في العلم أسأله عن معنى العبارة التي ذكرها سيدنا كركر، ثم كركرها – أقصد كررها- من بعده العوام والدراويش، قال لي أنها كلمة قالها في الماضي قطب الزمان حامد بن عبده، ذكرها مرة واحدة في إحدى أناشيده
حين قال : البانجو مش بتاعي
في ذلك الزمان كان أحد الغلمان يردد أمام الضابط
"كان نفسي أبقى ظابط..والناس يعظموني** دلوقتي بقيت بشوش والناس بينقطوني"
**
مولانا كركر على فرسه، يكررها : قولووووووو.. قوللوووووو قولووووووو.. قوللوووووو
وذلك بعد أن فرغ من دعائه وصلاته وصلته بالله وقال يارب ارزقها بالحلال.. ارزقها بالحلال



**
قلت : مدد يا سيدي كركر مدااااااااد
جايلك يا كركر

9 comments:

نور said...

على رأي سعد باشا
مافيش فايده

بحرينية said...

اول مرة اجوف رجاء الجدواي تمثل باللبس البلدي
و حسن حسني ماشالله في كل الافلام المصرية موجود حتى بتنا نستغرب عندما لا نراه في احد الافلام :p
آنه شخصيا يعجبني تمثيله
نتمنى نقرا عن رايك بالفلم بعد ما تروح له
شكرا لك يا عبدالرحمن على البوست

samar said...

مش فاهمة حاجة :)

Anonymous said...

تغرد أنت خارج السرب يا عبده باشا المعروف بعبدالرحمن

صديق قديم
أبو العلاء

Abdou Basha said...

نور
إزيك؟ لأ وبيقولك إنه سعد باشا مقالش كده
حد يصدق برضو
:)
**
بحرينية
حسن حسنى.. أحسبه يعيش في البلاتوهات
:)
على فكرة محمد سعد ممثل رااائع، لكنه ما زال عابثا، لم يستقر
عشان كده أنا متعاطف معاه
**
سمر
حمدالله على السلامة، من مدة مش موجودة، أخبارك إيه ؟
هو بالنسبة للكلام اللي فوق ده
محتاج قعدة
:)
**
أبوالعلاء
ما هذه الفصحى!؟
:D
ولماذا ترتدي حلة الأنونيموس يا رجل
يا عمي مسير الحي يتلاقي
لازم نتقابل بجد

Anima said...

و الله محمد سعد بيصعب عليا
لأنه دايما بيثب انه ممثل فاشل و بأنه يكركر أي يكرر أدواره

أحسن حاجة يا اما ياخذ بريك من التمثيل

أو انه يستقيل نهائيا و يروح يبيع فول و طعمية أحسن له

آسفة بس كنت باتمنى اني أكون مخرجة و الأشكال دي من الممثلين بتستفزني

smraa alnil said...

هههههههههههههه

اقولك انا بقي علي اللي حصل

كان خطيبي عندنا وعرض علي اخويا اننا نروح فيلم محمد سعد لانه حلو
اخويا اتنفض
وقام زعق وهلل
واحنا افتكرنا ان خطبي غلط ولا حاجة وانه ازاي يفكر اننا نروح سينما
والاخ كان لسة هيسحب كلمته

ويوقولي يمش اقصد
اخويا لحقه واقوله اياك الفيلم دة ردئ للغاية

وقعد يسب ويشتم في الفيلم علي اسا ان اخويا دخلوا
بس تقول لمين

قعدنا نمخمخ انا وخطيبي بقي معقول محمد سعد يعمل فيلم وحش استحاله

لحد ماهدانا تفكيرنا اننا نخشه فعلا

تقريبا الي عملتناه في واحنا هناك
اننا قعدنا في التكييف
واول ما الفيلم خلص بصينا لبعض اوي
وقلنا في نفس واحد

محمد كانوا عنده حق
وتوالتي الضحك انا وهو
بعد الفيلم ما خلص

بس بجد اغنية قوله دي كانت غايظاني اوي

صحيح نسيت اقولك حاجة
ابقي قلوووو
قلووووو

walaa said...

الى هنا .. وصلت لقناعة،، اني لما هانزل ان شاءالله مش عاوزه اشوف كركر .. ولا اسمع قوله

ياريت تكتب رأيك بالفيلم،، اذا كنت دخلته فعلاً .. مستنينو احنا

:)

Abdou Basha said...

أنيمة
محمد سعد ممثل كويس بس المشكلة في استمراره في أداء دور المتخلف عقليا
الأحسن يستغل شعبيته في أدوار من نوع تاني وتعبر عن المهمشين برضو
**
إنجي
عارفة، انا كتير قالولي برضو انه أسوأ أفلام سعد..
بس وصفك ده
أنهى المسألة تماما
أنا كنت متردد
كنت عايز أروح أتفرج على التجربة الفاشلة دي
كده هستنى أشوفه على الكمبيوتر بقى
:)
**
ولاء
لسه مش شوفته ، بس من كتر ما تحكى لي عن فشله كنت عايز اروحه، رغم انه لسه في السينما
ترجعي بالسلامة ان شاء الله
على فكرة الفيلم كان عامل مشكلة في الكويت عند النواب الاسلاميين حسب ما عرفت