Monday, August 13, 2007

تغييب

حاسس اني مغيب اليومين دول، وفعلا عايز أهرب شوية من الحياة، أو أخد أجازة من الحياة ومش مهم أرجع، عموما عندي احساس الانسان اللي بيراقب مؤشر العد التنازلي
بس مشششش مهمممم
**

فين الحب ؟

هو اللي قال لي على الأغنية دي، سمعها في البداية عند جارنا السعودي اللي كان بيشغلها في البلكونة في العمارة المقابلة وهو مشغل الشيشة اللي بالكهربا، كان بيسمع الأغنية دي يوميا تقريبا الساعة تلاتة الفجر
هو كان بيسمعها هنا وهناك.. واتضح إنه أنا في حالة تغييب عما يحدث من تطورات، لأنه ناس كتير كانو حاطينها على موبيلاتهم كمان.. المكان الأفضل لسماعها هو الاتوبيسات، استغربت إنها تحولت إلى أغنية شعبية، شيء جميل هذه الوحدة العربية
الأغنية لهالة شعبان يقال أنها مغربية
أنيمة.. أنقذيني تعرفي هذه الأغنية، أو المغنية
فين الحب
الأغنية اسمها : فين الحب أو سهرانة طول الليل
**
sIdI kArkAr

على فكرة... على سيرة
سيدي كركر، المفروض كنت أضع تحديث عن إنه هناك فعلا "سيدي كركر" او تحديدا قبة سيدي كركر
مش لاقي بالعربي حاجة عنه إلا في
الموقع ده بيقول : تقع هذه القبة بقرافة المماليك على يمين طريق صلاح سالم للمتجه إلى مصر الجديدة، وقد أنشأ هذه القبة الأمير كزل بن عبد الله الناصري

وهنا فيه تصاوير للقبة

**

ساركوزي بيعمل إيه ؟

مش عارف بيفكرني ساركوزي هنا بعادل إمام في حالة العبط الواضحة دي
هو شكلة كان شارب ولا إيه!؟ تقريبا بوش أفسده
فيه ناس اتهموه إنه كان شارب هنا أيام قمة التمانية

6 comments:

Anima said...

هي الأغنية من نوع الراي

دي أول مرة باسمعها

انا نزلتها عندي

ما باعرفش المغنية لأنه مغنيات النوع ده كلهم بيتشابهوا يعني زيهم زي هيفا و نانسي

و طالما الحكاية فيها سعودي يعني فيها مغربية يمكن كويته بنت مغربية المسكين هههههههه

طيب يا سي عيده ايه المطلوب مني؟

Anima said...

آه نسيت

مش ملاحظ انك بقيت بتسيبنا كثير و تروح في أجازات

مالك هو في حاجة؟

Anonymous said...

يا عمي سركوزي بدو يفل ههههه

layal said...

عبدو الله يكون في عونك
كلماتك الاولي في البوست ...لا تعليق عليها
عبدو حاول تناسي العد التنازلي لان متابعته متعبه حقا حتي وان كان حقيقه

مستقبل الفرنسيين مفروش ورد
تحياتي

bluestone said...

ايه ده انا كمان ماسمعتش الاغنية دي خالص ..
وايه الشيشة اللي بالكهربا دي ؟؟
ده انا واضح اني فايتني حاجات كتييير

بالنسبة للتغييب ده طبيعي .. ساعات من كتر ما الواحد بيبقى واعي باللي حواليه .. بيحس انه مش قادر يستوعب .. تغييب إرادي يمكن حفاظا على صحة العقل ربما ..

وبعدين فيه حد يجاور سعوديين في أجازة يا راجل ؟؟؟؟ الله يكون في عونك

Abdou Basha said...

تنويه : أنا مش في أجازة، أنا في حر القاهرة، بس هموت عايز أهج بقى من هنا واسافر
:'(
**
انيما
شكرا على الاقل اتأكدت إنها اغنية راي، مع إنهم قالولي كده برضو
hehehe
وبجد بشكرك على سؤالك
(F)
**
أنونيموس
ده احتمال وارد، بس برضو طريقته هبلة جدا
:)
**
ليال
انا اعتذر فعلا على هذه المقدمة السيئة، بس.. هي حالة حبيت اسجلها، مع مود التغييب
بس على سركوزي، انا مبسوط في شيء واحد في فيديو قمة التمانية أنه الرجل مش كان همه، احنا عندنا في ناس كتير بتشرب وتسكر في الخفا
:(
**
ماريان
أيوه انا مكنتش مصدق حكاية الشيشة اللي بالكهربا.. تقريبا بتشتغل دفاية في الشتا :D
جارنا السعودي في العمارة المقابلة لعمارتنا في السكن هما اسرة طيبة، لأ الموضوع مش زي مانتو فاكرين
:)