Saturday, August 25, 2007

ليال أخرى

في غرفة مظلمة لا ينيرها إلا ضوء شاشة الكمبيوتر، أتدرب على تقوس الظهر، وإضعاف البصر.. أبحث عبر غوغل عن أشياء لا أعلمها، وربما أجد نتائج لا أتوقعها
**
من بعيد.. صوت تواشيح دينية قبل صلاة الفجر، ونباح كلاب.. توقفت الكلاب خشوعا لهذا الفجر المهيب تاركة لي فرصة الاستماع إلى المنشد المجهول
**

أروع ما يقدمه منشدو الفجر هو الإنشاد من مقام النهاوند، لهذا المقام تأثيرات خاصة في النفس.. استيقظت في الثانية صباحا وانا في داخل رأسي يستقر عبدالحليم حافظ وهو يدندن أغنية لا يغنيها أحد اليوم أو الأمس.. فاتوني التقي وعدي، وبهذه المناسبة، أود أن أشكر الراحل رياض السنباطي على الجملة اللحنية التي بدأ وانتهى بها عبدالحليم
**
أتذكر أن لقاء التعارف مع هذه الأغنية كان في فيلم "ليالي الحب"، أفكر في بطلة الفيلم آمال فريد.. أين هي الآن؟ لقد نجحت في أن تكون أكثر الفنانات ابتعادا عن الإعلام .. لا أحد يعلم عنها شيئا، أو على الأقل انا لا أعلم
**
أتمنى لو كانت بين السبابة والوسطى سيجارة أدخنها، وأنفث مع دخانها بعض الأرق والقلق و...... أفكر قليلا في المستقبل وما يجب اتخاذه من خطوات
**
لكن.. لا يمنحني الأمل سوى النهاوند، حين يعزف على وتر الإحساس باللاأمل !! نعم هو تناقض، لكن بوجه عام فالنهاوند في صورته التقليدية في الإنشاد بروح الموال، أو في قراءة القرآن يشعرك أن الأمر انتهى منذ دهور.. فلا تقلق، ولا تأرق

10 comments:

Anonymous said...

جميله صوره الممثله

summar said...

فترة الفجر دى..انا بحس ان الدنيا اختفت فيها..زى ماتكون قلبت صفحة جديدة تبدأ بالفجر
وبالتراتيل الدينية اللى فيه
ساعات بخاف اوى فيها..وساعات بحس ان انا رجعت بلدى اخيرا.
هى فترة غنية اوى
يمكن مختلفة علشان مابيكنش فيها اى اثر للحياة ..غير صوت بنى ادم فى ميكروفون..ماتعرفوش حتى
بتحس ساعاتها ان الدنيا دى بقت على حدود الاودة بتاعتك..وان الشباك بيفتح على الفضا.
معلش سرحت شوية..
كلامك جميل ياعبده

الدرويش المرووش said...

كلام جمييييل
خلانى سرحت و نسيت العيش و العيشه و اللى عايشينها

متشكرين يا هندسه

bluestone said...

فترة الفجر بتبقى فترة خاصة جدا .. مل الاحاسيس فيها بتبقى منتبهة جدا وفي حالة حساسية عجيبة
معرفش ايه التفسير العلمي لكده .. بس هي فعلا فترة شفافة جدا في اليوم

بيبو said...

الفجر احساس بالامل والراحة صوت يصدر من مكان ما داخل نفسك يقول لك لاتحزن... ان غدا لناظريه لقريب وتسمع من بعيد ( لقد تم ارسال رسالتك بنجاح فانتظر الرد ) احساس يأمرك بأن تعيش الواقع ولا تفكر في غدا فهناك من يرعاك عش كما انت " اعقلها " اما عن النهاوند فهو احدى المقامات الشرقية تبعث الراحة والامل والشجن والحزن معا اما عن امال فريد فسمعت انها ماتت بسلام فاطمئن اما فيما يخص تقوس الظهر وضعف النظر فانصح باستشارة طبيب اخصائي والبعد لمدة اسبوع عن الافكار المسبكه والأخبار المقليه التي لا يمكن هضمها ... هل من افكار اخرى؟

Sharm said...

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,


Sharm .

www.worldub.blogspot.com

هدى said...

اتسربلي احساسك

زاده اني النهاردة سمعت انشاد قربلي الصورة

بس مش قادرة اوصل لاحساس انه خلص وبلاش تقلق

بحسدك

تحياتي

walaa said...

دلوقت وانا في نفس التوقيت تقريبا أقدر أقول ان الفترة دي عجييييييييبه وصار لي زمن ما شعرتش بنقائها بالشكل ده ..

بوست مميز يا عبدالرحمن .. ويا سيدي ان شاء الله يكون دايما في ليال اخرى بس تكون كلها امل في بكره والمستقبل .. وتكون من غير سجاير كمان هههههههه

تحياتي

قلم جاف said...

هوامش:

كل ما يأتي ذكر إنشاد الفجر يأتي اسمان كبيران .. النقشبندي وكلنا نعرفه .. وعملاق آخر لم نكتشفه بعد هو المنشد الراحل محمد عمران..

آمال فريد وكاريمان وغيرهما ممن ظهرن لفترة على الشريط السينمائي اختفين في وقت هو الأنسب ، ففي تقديري لم ترغبا في أن يراهما الجمهور غير قادرتين على العطاء ، أو في رؤية علامات الزمن وهي تتوغل وتغير الملامح الوردية الملائكية لهاتين الممثلتين اللتين كانتا نجمتين في أفلام عبد الحليم حافظ أكثر من غيره..

كفاية نورك عليا ، أروع أغاني ليالي الحب ، توقظ في نفسي ذكريات طفولة جميلة..

Abdou Basha said...

Anonymous
معك حق :)
**
سمر
هو القلق بتاع الفجر الظاهر بيزيد مع الصيف، أو يمكن الصيف ظروفه هي اللي بتجيب القلق
:)
بس مفيش شك في لحظات جميلة جدا في الوقت ده
**
الدرويش المرووش
أهلا بزيارتك الجميلة، واعتبرني أخا لك في دنيا الدروشة
**
bluestone
فعلا.. على فكرة فترة الفجر كانت ومازالت أفضل فترة بحب أذاكر او أقرا فيها، لدرجة اني كنت بروح الامتحانات أساسي وانا مش نايم
:O
**
بيبو
إيه حكاية الأخبار المسبكة والموضوعات المقلية؟ تعلم الطبيخ مأثر ولا إيه
:D
**
Sharm
Thanx.. a lot
i'll think about it
(F)
**
هدى
بشكرك بجد على تعليقك المشجع
أنا حبيته كتير
**
ولاء
هو.. السجاير دي أمنية بس من تأثير السهر، أنا مش مدخن، على الأقل حاليا
:)
أنا بكتب برضو ومطبق من الفجر، بس لم أستمتع بأجواؤه
:(
**
قلم جاف
الانشاد عالم تاني.. بس يمكن محتاج أوقات معينة، زي وقت الفجر، أعتقد في أوقات تانية زي بعد الظهر مش هيبقى رد الفعل هو نفسه خالص :)