Thursday, August 30, 2007

تخيل معي

تخيل معي.. أنا متزوج واحدة عرفي، وقبل يومين من إني أقول لها إنه خلاص كفاية كده، حكايتنا خلصت بقى !! ألاقيها قطعت الورق اللي بينا، كانت لحظة بتمناها، لكن لما حصلت حسيت إني (مطلقة)، مش مطلق.. كنت في فترة الانفصال قابلت واحدة تانية وبقول إنها ممكن تكون زوجة، ولو مؤقتة، لكن مكناش اتفقنا.. وحصل الطلاق مع الأولى
لكني طلعت شهم معاها.. وهي قالتلي، إبقى تعالى زورنا، عادي ما هي أصلها بنت (...) أو شيء مشابه لذلك
**
بقى لي مدة عايز أخد الأجازة الموعودة، في أي مكان.. عايز أشوف البحر، بصيت حواليا لقيت محدش مستعد للسفر، اللي صيف خلاص، واللي معاه المودام، واللي متنيل على عينه.. أنا مش محتاج حد، أنا محتاج أشوف البحر، حتى لو لدقائق
**

التتمة


بعدين... أو الصراحة لا يوجد تتمة، ربما عودة بعد فاصل قصير