Sunday, December 23, 2007

أمنيات العام 2008

على عادة بعض المترفين حين يلقون بأمانيهم على أعتاب العام الجديد - أعتاب العام الجديد!؟ يالها من عبارة مكررة-أجدها فكرة تستحق التجربة، ولو لمرة واحدة في نهاية كل عام
أمنيات عربية

ظهور الرئيس المرتقب للبنان-
اختفاء كلمة إرهاب من القاموس الجزائري-
انسحاب القوات الأميركية من العراق على مسؤولية القادة العسكريين كاحتجاج على الحرب
مظاهرات حاشدة في القدس تنتهي بمعاهدة سلام بين فلسطينيين وإسرائيليين-
تغيير نظام الحكم في السودان وتسلم قيادة جديدة متنورة-
منع القات في اليمن وتجريم وتغريم وتحريم حمله-
ظهور داعية سعودي دارس للسياسة ينظر لنظام ديمقراطي يصلح للتطبيق-
اعتزال العقيد القذافي الحكم، والبدء في تطبيق التنظير الموجود في الكتاب الأخضر رغم غياب صاحبه
سوريا تقرر حل حزب البعث-

أمنيات مصرية

ظهور مجموعة من الكتب تتعرض لحل مشاكلنا المصرية-
حل الحزب الوطني الديمقراطي وإنشاء حزب جديد، مع إجراءات عنيفة ضد المنتفعين السابقين
إعلان 15 حزب مصري حل أنفسهم معللين ذلك بان مصر ليست في حاجة لأحزاب
حجاب روبي، ومنة شلبي، واعتزالهما-
اكتشاف الجين المسئول عن الفتنة الطائفية في مصر-
إطلاق مشروع قومي لإصلاح الريف، وحملة العودة إلى الريف-
إغلاق عدد من الفضائيات المصرية والعربية بعد احتجاجات شعبية واسعة-

أمنيات شخصية

الرحيل إلى خارج مصر-
تسجيل موضوع الماجستير بعد الموافقة عليه-
الحصول على وظيفة قريبة من إمكانياتي-
إعادة المفقود من اللغات التي تعلمتها-
التنازل عن أكبر قدر من الأفكار الرومانسية الحمقاء-

القيام بعدد من الرحلات-

الأمنيات قابلة للتحديث حتى يوم 31-12-2007

10 comments:

عـلا - من غـزة said...


كل سنة وانت طيب بمناسبة العيد وراس السنة وكل المناسبات الحلوة

الفكرة كتير حلوة على فكرة .. وانك قسمتها كمان احلى واحلى

بس للأسف في كتير من امنياتك اسهل انك تطلبهم من مارد الفانوس السحري مثلا لأنو صعبين يتحققوا في ظرف سنة هههههه

بس ربنا كريم بجد ما فيه اكرم منه .. وان شالله بيستجاب لجميع امنياتك الخاصة والعامة

ودمتم :)

بحرينية said...

على المستوى العربي و المصري فأن ما تطلبه مستحييل
و لكنني استدرك انها امنيات و ستظل امنيات
من المتابعين للتحديث

smraa alnil said...

ممممممممممم

بص يا عبد الرحمن يا اخويا

بالنسبة للامنيات العربية

فقد اوفقك عليها وعندي امل انها ممكن تتحقق في يوم من الايام

اما بالنسبة للامنيات المصرية

فانا برضه بحلم بمعظمها
بس مش عارفة ليه مش متفائلة خير

يمكن عشان مش ذكرت في امنياتك ان اعتزال الرئيس مبارك الحياة

يمكن

بالنسبة لامنياتك الشخصية
فان شاء الله هتسجل الماجيستير

انا كمان سجلت الماجيستير في شهر 10 اللي فات

وادامي سنة كاملة علي مناقشة الرساله ان شاء الله
بدعي ان ربنا يكرمنا احنا الاتنين

نصيحة مني

لا تتنازل عن افكارك الرومانسية ابدا

فلربما تجد امتعها

walaa said...

كل سنة وانت طيب يا عبدالرحمن .. معلش متاخرة شويتين بس والله كان دور برد شنيع والحمدلله في الطريق للشفاء

اما عن الامنيات هنا .. فالمصرية اعتقد انها مش اقل صعوبة من العربية بس ربنا سبحانه وتعالى قادر على كل شيء ..

وعن الشخصية فان شاء الله ربنا يوفقك فيها ويكون عام 2008 عام خير عليك يارب .. وان كنت مش معاك في نعت الرومانسية بالحمقاء والسعي للتنازل عن اكبر قدر منها .. بالعكس جميل ان الفرد يحمل قدر من الرومانسية وسط زماننا المادي الجاف ده ..

كل الود .. وعام سعيد
:)

نوسه said...

ربنا يحققلك كل اللى تتمناه يارب
كل سنه وانت طيييييييب

د/اجدع بنوته said...

كل سنه وحضرتك طيب طبعا

ويارب كل الامنيات تتحقق سواء ع الصعيد السياسى او المحلى او العالمى والشخصى كمان

بس بينى وبين حضرتك كده

جزء منه ممكن نعيش ونموت وميكنش اتحقق

فالبركه ف ولادنا بقى

تحياتى

rat said...

كل عام وانت بخير يا باشا
لن اعلق بالنسبة للامنيات العربية والمصرية
بل اقترح اقتراحا واحدا بالنسبة للامنيات الشخصية
وبما ان تحقيق الامنيات بات صعبا في هذا الزمن اقترح ان تلغي من امنياتك
الشخصية مسألة التنازل عن الأفكار الرومانسية الحمقاء لأنها بكل الأحوال إلى انقراض
فاستمتع بها وبحماقاتها لأنه سيأتي زمن ستفتقدها، زمن سقوط الاوهام، فلا تستعجل
اصدق تحياتي

Gid-Do - جدو said...

عبد الورد

ارجو من الله ان يحقق امنياتك الشخصية وباسرع ما يمكن فهى الاولى بالرعاية اما باقى الامنيات فربنا يديك الصحة وطول العمر وتشوفها وان كان التاريخ والتجارب الشخصية بتقول ان معظمها ...ولا اقولك بلاش لان مفيش حاجة كتيرة على ربنا ـ تحياتى

Abdou Basha said...

علا
كل سنة وانتي طيبة.. فعلا، أغلب الأماني دي من نوعية شبيك لبيك.. أو أقصد اطلب واتمنظر..اؤمر واتقنعر على رأي عفروتو
:)
**
بحرينية
كل عام وانتي بخير بحرينية، بعضها تحتاج معجزات، لكن لا بد من الافصاح عنها ولو مرة في العام
:)
**
إنجي
ربنا يوفقك في الماجستير.. وما تنسيش تعلني على الملأ عشان نحضر يوم المناقشة
أتمنى إنه يتم تسجيل الموضوع اللي في بالي
**
ولاء
كل عام وانتي بخير.. وألف سلامة عليكي من البرد
و هفكر في الاحتفاظ بقدر من الخيال كبديل رخيص عن الادرينالين
:)
**
نوسة
كل عام وانتي بخير، وان شاء الله تكون سنة سعيدة عليكي
**
أجدع بنوتة
مرحبا بزيارتك الجميلة.. وربنا يدينا طولت العمر ونشوف أمنية منهم متحققة
:)
**
رات العزيزة
بالنسبة للرومانسية.. معك حق، أنه من الصعب أن تختفي الرومانسية بقرار، الأيام كفيلة بذلك، وسأقبل بما تتركه لي :)
كل سنة وانتي بألف خير
**
جدو العزيز
أنا قولت أتمنى حاجة كبيرة، زي المثل بيقول اذا سرقت اسرق جمل
:D

شــــمـس الديـن said...

مش عارفة

في علي الصعيد العربي و المصري كتير اوي كنت لازم تتمناه

بس معلش
اهي كلها امنيات
كنت اتمني انك تتمني ان كل الزعماء العرب المعتقين يمشوا و يجي بدالهم دم جديد في كل شئ

*ان الضرائب تقل في مصر او تختفي

**المحتكرين للسلع يتم اقصاؤهم

*اعطاء الاحزاب الحريات الحقيقية و عدم تكبيلهم الاحزاب مش وحشة 100% لكن لجنةالاحزاب هب اللي خانقاهم و مطلعاهم قدام الراي العام بالصورة الهزيلة دي

**عدم بيع ما تبقي من القطاع العام

*الاهتمام بالبحث العلمي بشكل حقيقي

**انشاء جامعات حكومية برؤوس اموال المعونات

*معرفة اين ذهبت اموال القطاع العام المباع ... اموال نقابة المهندسين اللي تحت الحراسة ... كل مصادر تسريب الاموال

**كفايا كدا

اما علي المستوي الخاص ... انت مش عارف بكرة فيه ايه :))و ربنا يوفقك في الماستر مقدما