Monday, February 25, 2008

التفسير الديني لأبوتريكة

أبوتريكة : نحن فداك يا رسول الله

2006

أبوتريكة يلقي دعاء رمضان

2007

أبوتريكة يؤدي واجبه الديني تجاه شعب مسلم
أبو تريكة يتلقى المباركة من حركة المقاومة الإسلامية ـ حماس بعد إعلان تعاطفه مع أبناء غزة
أبوتريكة ينفي رؤية جبل عرفات في رؤيا صالحة بعد هزيمة الكاميرون
أبو تريكة يهرب من نانسي عجرم ـ الفاجرة ـ على حد وصف شاهد عيان

2008

8 comments:

Anonymous said...

ابو تريكه ينفى أمام المحكمه اتهامه بادعاء النبوه

2009فبراير
هههههه

Abdou Basha said...

lol
أبو تريكة من خلف القضبان ينفي انتماءه للجماعة المحظورة ويؤكد استعداده تمثيل مصر في كأس العالم دون نزع فانلته
2010
**

Deeeeeee said...

أبو تريكة بيفكرني بِفيلم Happy Gilmore بتاع ِِAdam Sandler!

bluestone said...

بقالي مدة بفكر في الموضوع ده بجد
ابو تريكة وفانلة غزة والفريق الساجد والمدرب المؤمن

القصة دي بتطرح قضية في منتهى الخطورة
مش واحدة بس يا عبده .. لأ اتنين

أسلمة الكورة .. الرياضة .. واي ملمح من ملامح المجتمع في ظل تيار سائد

وقضية أهم .. استغلال النجوم في أي مجال لصالح قضايا ما ؟؟

هل ده جائز ومقبول ؟؟
يعني هل ابو تريكة مجرد مثال طيب ونموذج محترم يمكن استخدامه لتفعيل تأثير إيجابي على الشباب خصوصا ان نجوم الكورة والفن هم الامثلة الاكثر تكرارا بين الشباب ؟؟ واهو يعني قدوة افضل من ابراهيم سعيد مثلا ولا غيره

ولا دي سابقة خطيرة تفتح باب استغلال النجوم لصالح قضايا ايا كانت في طريقة غير مشروعة لاستغلال نجوميتهم وتأثيرهم على الشباب ؟؟؟؟
يعني مثلا فانلة اللاعب .... الفلاني اللي جاية (ساندوا مرشحكم المؤمن مثلا)

وهل يمكن في يوم من الايام ان نرى ابو تريكة ولا غيره يرفع فانلة مكتوب عليها

(انقذوا اهالي القرصاية)
(حاسبوا مالك العبارة)
(قاوموا الفساد)

؟؟؟

وعذرا على الإطالة
بس الموضوع فعلا شاغلني من مدة

Abdou Basha said...

ديييييي
للأسف مشفتش الفيلم، بس متخيل دور البطل فيه
:)
ادعوا لأبوتريكة لسه قاري انه مسافر المانيا للعلاح
**
بلوستون
معاكي حق.. الموضوع فعلا محتاج الواحد يركز معاه شوية، حاسس انه إخفاق الانسان في إيجاد اسباب عملية لنجاحه بيخليه يوصل انه يقول ده كرم من ربنا، أو لإني مراضي أمي، أعتقد انه المسألة مش كده بس، والا مكانش الأنبياء أنفسهم اتعرضوا لمشاكل وابتلاءات واخفاقات أحيانا، رغم انه ربنا معاهم على طول
المشكلة إننا عشان مش ماشيين بخطوات علمية متعارف عليها، فلما بيتصادف اننا بنمشي بيها مش بنبقى عارفين
يعني محدش عمره هيطلع يقول.. ياااه سبحان الله هو احنا كده كنا ماشيين باسلوب علمي سليم، شوف ازاي؟؟طبعا محدش هيقول عشان ميبانش جاهل
**
حاجة تانية عن تيشيرتات أبو تريكة، أظن انه هو وغيره من الشخصيات المؤثرة ساعات بيحسوا ان عليهم عبء ارضاء الجمهور من خلال مجالهم، والجمهور كما هو واضح بيحط على المحلات الا رسول الله، وبيروح يدوس على التصويتات اللي في المواقع الغربية عشان ينصر الاسلام.. فلما يعمل كده أبوتريكة أو يغني مجموعة من المطربين أغاني للرسول عليه الصلاة والسلام، يبقوا بيعبروا عن ثقافة واحدة.. وزي بالظبط لما السياسي بيطلع في مجلس الشعب يلعب على نفس النقطة دي
وفي النهاية ييجي ناس.. يقولوا برافو عليك يا ابوتريكة، أو برافو عليك يا نائب يا فلاني، وبرافو عليك يا مطرب يا علاني
**
عموما استغلال النجوم في الدعاية لأفكار أو قضايا موجود فعلا ومشروع، بس احساسي انه ابوتريكة والمغنين اللي غنوا للرسول بعد الحملة الدنماركية كانوا من نفسهم او عن اقتناع شخصي، ونوع من التواصل مع الناس والمجتمع في النهاية
**
حاسس انه تعليقي تبريري.. مش كده؟
:)

karakib said...

فانلة ابو تريكة اتباعت بالف و خمسميت جنيه
و اتبرع بيهم لغزة

coralsal said...

دي اول مرة اقرا مدونات ووو لسه محتاسه
بس نفسي اقولك يا عبده ماشاالله علي سرعة البديهة
انت فعلا لماح جدا و موهوب

Abdou Basha said...

هاني
1500تمن الفانلة.. طب فيه حد اشترى الشورت؟
:))
**
كورال سال
بشكرك جدا على تعليقك الجميل
وان شاء الله تعجبك المدونة على طول