Monday, March 31, 2008

قال لي زمانك مضى

يـــــــــــــــــــــــــــــــــا لــــــــــــــيـــــــل
..
يا حلو قل لي على طبعك وأنا امشي عليه
الحب بدعة و نار والعة وأنا امشي عليه
علمني طبعك أطاوعك يا منى عيني
اوصف طريق الهوى ليا وانا امشي عليه
..
طلعت فوق السطوح انده على طيري
لقيت طيري بيشرب من قنا غيري
زعقت من عزم ما بي وقلت يا طيري
قال لي زمانك مضى دور على غيري
**

**
للأسف .. أحيانا كنت أتوقعها هكذا
يا حلو قل لي على طبعك وأنا امشي عليـك
>>
طلعت فوق السطوح انده على طيري
لقيت طيري بيشرب بيرة
>>
زعقت من عزم ما بي وقلت يا طيري
قال لي غور يا ابن (....) دور على غيري
**
بدرية السيد.. بدارة.. السكندرية، حين سمعتها وهي تنطق السطوح هكذا: الستوح، تذكرت شيرين، وشعرت ببعض الاطمئنان، ورفعت يداي إلى السماء ورجوت الله ألا تندثر الإسكندرية.. ولا القلعة القاهرية.. ولا...الخ

5 comments:

بنت القمر said...

مش عارفه انت ربطت بين شيرين وبدريه ليه يمكن عشان اللون الشعبي
بس ارجع اقولك بدريه تمتلك ذلك الصوت المبحوح الشجي بعكس شيرين فقط ملامح بنت البلد
من سنوات حين كنت في الجامعه كان شريط بدريه في عربيه كل سكندري وكانت طلعت فوق السطوح اغنيه كل الافراح والكافتيريات والقهاوي علي البحر وكان اللكثييرين يفضلون محمد فؤاد ومحمد الحلو باعتبارهما ماركه ارقي
باعتبارها ماركه بيئه بحسب ذلك الوقت
ده كان
كان قبل ظهورطوفان الاسفاف والفيديو كليبات وبوس الواوا
ده كان!!ا
الغريبه انه مفيش في السايت اللي حطيته صورة لبدريه
تحياتي

Dina El Hawary (dido's) said...

never heard it before :)
thanks for sharing
LOVELY ...

Abdou Basha said...

بنت القمر
بدارة الله يرحمها كانت مغنية شعبية سكندرية تقليدية، كانت ناجحة جدا كما هو واضح، لكن هل فيه امتداد للشكل ده دلوقت.. وبالشهرة دي؟؟ يمكن افتكرت شرين عشان شرين في رأيي لو كانت في زمن تاني كان هيبقى التطور الطبيعي بتاعها انها تكون زي بدارة.. شرين من القلعة ومتربية على اجواء محمد علي المندثرة، لكن ده زمن تاني، الظاهر خلاص الأجواء الشعبية التقليدية اندثرت، يمكن الأمل في شرين
:)
**
دينا
ازيك يا دينا.. شكرا ليكي.. هي من التسجيلات القديمة، على فكرة أنا شفت بدارة قبل كده بس طبعا وهي كبيرة

Dalia said...

هههههههههههههه

انت هتعمل للغنيه فيرجن جديد ولا ايه؟؟

بس تصدق هيبقي فيرجن جامد اوى و كمان مواكب للتغيير اللى احنا عايشينه

هى الاخت شيرين من الاسكندريه ولا ايه؟؟؟

ماشى الطريق said...

yaaaaaaaaaaah
b2aly fatra kibera gedan badwr 3la eloghnya de
toshkr ya prince