Tuesday, April 22, 2008

فصل : في فضل الصعيدي على المنوفي

يمنع مطالعة البوست على من لايحمل حس فوكاهاني، وعلى ذوي الأصول المنوفية الشريفة، كما نود أن نخطركم بأن الموضوع قد يفهم على أنه دعوة إلى العنصرية أو الفتنة أو إبادة إخواننا الأعزاء من أبناء الوطن الواحد، والمدونة وصاحبها غير مسؤولين عن أيه حملات عنصرية قد يتسبب فيها هذا الموضوع، أو أي أحداث مؤسفة قد تنتج عنه. وستحذف فورا التعليقات الخارجة على الأداب العامةوالعنصرية والمسيئة والمعادية لمحافظة بعينها، لذا لزم التنويه
..
مرة سألني المذيع أحمد منصور وانا طالع في الجزيرة بحلل الموقف داخل مصر بعد السادس من ابريل، وكان سؤاله مفاجأة كبيرة .. قالي : بيقولوا عنك انك مش بتحب المنايفة، واتهمت قبل كده بمعاداة المنوفية.. إيه ردك..؟
قلت له: مش انا اللي مبحبش المنايفة، هما اللي مبيحبونيش
!!
**
يمتاز الصعيدي على المنوفي بأن الصعيدي تستطيع ان تفهمه أو أن تتفهمه.. أما المنوفي فأنت فقط (تتصور) أنك قد فهمته أو تفهمته، حتى يأتيك بما لم تتوقع من حيث لا تعلم
هذا رأي لا صعيدي، ولا منوفي، إنما قاهري متعصب
**
الجمهورية المنوفية الثالثة، متوافرة الآن لدى جبهة التهييس الشعبية
..
هل سمعتم من قبل عن الحلم المتكرر؟ او المكان الذي يتكرر دائما في أحلامنا؟
مدرستي القبة كوليدج، كانت دوما هي المكان الذي يتكرر ظهوره في أحلامي، أما الآن فأصبحت هناك ظاهرة جديدة تتكرر في أحلامي عن شقتنا التي تتعرض لمؤامرات خارجية بغرض السرقة، وكذلك كان الحال اليوم، الغريب ان الحلم قد شهد ظهور ضيف جديد قلما رأيته في أحلامي، كان الضيف هو الرئيس محمد حسني مبارك أطال الله بقاءه
رأيته اليوم يرتدي قميصا أزرقا، وبنطلون جينز أزرق، لم يتحدث كثيرا.. كان فقط يشير بيديه على عادة الصم والبكم، أما موقع الرؤيا فكان مصنعا، ووسط مجموعة من العمال وقف الرئيس وحيدا بزيه الغريب، يسيطر على العمال المحلقين حوله، وكانت أزياء العمال رزقاء، الحقيقة أنها لم تكن ملابس عمال، بل ملابس سجن، استيقظت بعد أن انتهى الموقف كله بان نجح الرئيس في السيطرة على العمال بحسه الفكاهي، ورهبته في نفوسهم، وقدرته على تنشيط حس المجاملة والنفاق لديهم
**
من أداب المنايفة أنهم يجتمعون سويا دون خطة، بينما يجتمع الصعايدة في كيانات وتجمعات يفخرون بها ويعلنون عنها فخرا ومناطحة للآخرين، ومن المتوقع دائما أن يصطدم الصعيدي والمنوفي حين يلتقيان، ويمتاز المنايفة بأنهم قد جمعوا خلاصة أهل الدلتا من صفات ومزايا وعيوب، أما الصعايدة فنقصد بهم سوهاج وقنا وأسوان، هؤلاء فقط هم الصعايدة
**
انتهى اللقاء مع أحمد منصور، وسألني وانا على باب الاستوديو، أنت منين أصلا؟ إنت صعيدي؟
قلت : لا ، بس يمكن، أو أكيد.. وعليا تار كمان.. وسألته : وحضرتك؟؟ ومجاوبش!!
**
الصعيدي عند أهله غالي، والفرد ليه قيمته، وهذا لايقلل من قيمة الفرد المنوفي أبدا، لأن المنوفي بطبعه عبقري، ومؤهل للمنصب والسلطة وهذا ما ميز الله به المنايفة على كثير من عباده
عند التعامل مع الصعيدي قد يؤدي سوء التفاهم الى شجار، أما مع المنوفي فربما تكون العلاقات جيدة لكن جودتها تدفعه إلى التطاول عليك تحت بند الهزار، وان كان الهدف الحقيقي هو التنمر، أو الاساءة دون سبب مقنع، لمجرد السعي إلى قيادة سفينة العلاقة
الصعيدي ند لك.. اما المنوفي فإما خادم لديك، أو سيد عليك، حتى ولو بعد حين
**
ولنا حديث فيما بعد..
..
تحديث : ورد إلى بريد الصفحة رسالة عتاب من كفر أولاد البيصي، قرية شمشمون، أشمون - منوفية ، رفض فيها الأستاذ اسماعيل البيصي عضو المجلس المحلي عن الحزب الوطني جملة وتفصيلا ما ذكر من مبالغات حول عادات المنايفة وادابهم، واتهم محرر الصفحة بأنه أساء إلى أبناء محافظة المنوفية التي أنجبت العديد من النابغين بنشره هذا الموضوع، ودعا السيد اسماعين البيصي اسرة التحرير الى زيارة معالم المحافظة للتحقق مما وصفه بالأكاذيب التي روجها البعض عن أبناء المنوفية
المحرر : جاري الاعداد لهذه الرحلة الهامة، وللمتابعة والحجز يرجي ارسال البيانات إلى بريد الأستاذ علي التلاوي سكرتير التحرير، أو بريد الاستاذ محمود الكومي رئيس التحرير.. مع تحياتي سيد الباجوري

11 comments:

عدى النهار said...

الجملة الأخيرة فى البوست ترجمة حرفية لمَثل قديم معروف فى الجيش بيقول "شريط على كومي ولا فدان عند أمي" ولو إن الأمور تغيرت الأن سواء كان فى الصعيد أو المنوفية والبلد مابقتش سايعة ده ولا ده

جبهة التهييس الشعبية said...

:)
المنايفة دمهم تقيل
والصعايدة دمهم خفيف
المنايفة النكت المتعلقة بيهم كده:
مرة واحد منوفي وواحد شرقاوي كان بيتنفذ فيهم حكم الاعدام سألوا الشرقاوي نفسك في ايه قبل ما تموت قال لهم اشوف مراتي وعيالي سالوا المنوفي نفسك في ايه قبل ما تموت قال لهم ما يشوفش مراته وعياله

مرة واحد منوفي وهو في اودة الانعاش لم ولاده وقال لهم: اهم حاجة تفضلوا منايفة لاخر لحظة راحوا شدوا انابيب الاكسوجين


النكت المتعلقة بالصعايدة كده:
مرة صعيدي جاب فيديو وقال لبنته انزلي هاتي لنا فيلم نزلت جابت فيلم العار وطلعت قالت له دبت لك العار يابا
راح طاخخها

الصعيدي تقول له سلامة قلبك
يجول لك: علبة بلاك اسود

المنوفي تقول له سلامة قلبك
يقول لك: يعني ايه قلب

الصعيدي يعمل لك خدمة بعنيه ويحسسك انه بيسب لك الدين

المنوفي يخوزقك ويحسسك انه عمل فيك جميلة

الصعيدي يضحكك لحد ما تقع على ضهرك من خفة دمه وهو ما يضحكش ابدا

المنوفي مبتسم دوما ولما يتكلم تحس انه بتغرق من كتر الخنقة

الصعيدي تكسفه بادبك

المنوفي يكسفك انك كنت مؤدب معاه

الصعيدي لو ضربته على خدك الايسر يسفخ لك خدودك الاتنين وما يعرفش يضرب على القفا ابدا

المنوفي تديله على خده الايسر يدير خده الايمن واول ما تديله ضهرك يسفخك على قفاك ويجري

المنوفية يجب عزلها عن باقي المحافظات لانها معدية

بثينــــــة said...

عادة مش باحب التعميم
بس في الحالة دي بالذات الكلام صح الصح
والدلائل ملء السمع والبصر

علي فكرة
ماتخافش إن البوست يعمل حركة عنصرية انقلابية
أظن كل المنايفة بالفعل مقدمين طلبات تغيير جنسية

مصريين بيحبوا بلدهم said...

السلام عليكم ..بجد عجبتنى مدونتك ديه ..وانا صعيدية علي فكرة ويحيا الصعايدة هههههههههههه ..
وعجبنى تعليق جبهة التهييس
الصعيدي تقول له سلامة قلبك
يجول لك: علبة بلاك اسود

المنوفي تقول له سلامة قلبك
يقول لك: يعني ايه قلب

هذاان دل بيدل علي ولا بلاش ههههههههههه

وطلب منى بس عايزاك تتطل اللهى يسترها معاك ههههههه علي المدونة بتاعتنا هى فاضية اااه ومفهاش حاجات مهمة بس ده بث تجريبى ..ولو نفع توجههنا ازاى ننشرها والناس تعرفها كده يعنى

تحياتى ولك منى كل التقدير والاحترام ..

wara8mu5a6a6 said...

و منكم نستفيد يا عبدالرحمن
تدري شلون يبيلي اروح حق الطالبات المصريات اللي ويانا بالجامعة و اسألهم وحدة وحدة انتوا صعادية لو منوفيين , يا خوفي بس تطلع الاجابة .. احنا قاهريين و بتالي ما لن استطيع ان اقارن بين ما كتبت و ما يفعلون من افعال و ردود على حد سواء
اشكرك على البوست
مبدع دائما
:)

break said...

جررررررررررررررررررررررررررررررر



و نكت كمان فى الردود


بس بما انى منوفياية متسامحة
فانا هصفح عنكوا

بنت القمر said...

هو لسه في مصريين بالشكل ده بمعني اهل محافظه واحده
مثلا منايفه بيور
بدون تخليط او صعايده بيور او اسكندرانيه
اصلا اسكندريه الاصليه هي كرموز وما جاورها مش عارفه انا مبقتش اشوف ناس كتير كده غالبا الناس بقت مخلطه ولكن ممكن
برضه يبقا اقول صحيحا وواردا
بس اقولك علي سر في اسوأمن المنايفه
بتوع كفر الشيخ
اللي كفروا الشيخ ويباريهم في السوء الدماهرة
وعن ميت تجربه
وجغرافيا البلدين شبه متلاصقين دسوق دمنهور كفر الشيخ
ميت نوري ولا دمنهوري
ولا بلاش
طبعا الاستثناءات وارده
والقاعده صحيحه
:)

صاحب الحقيقة said...

موقع رائع و أحنا شباب بنحب بلدنا وعارفين أن الحكومة بتشتغل وبتحاول ولكن الظروف الدولية مش مساعدة وهذا رأى محايد ولنا موقع نريد نشره معكم كما سننشر موقعكم
www.tarkmansoor.jeearn.com

Anonymous said...

و احب اضيف لك ان المنايفة موهبين جدا
و البيتين دول هدية غير معنى بيهم
اى حد
قف يا صاح واترك هذا الصياح
فدوما كان عواء الكلاب مباح
ما نام يوما كريما ما استراح
ان الكرام دوما اهل الجراح
هدية فقط و لا اعنى بيهم اى شىء
التوقيع :منوفى

Anonymous said...

و الميل هو

ahrabie@yahoo.com
حتى لا أتهم بالجبن
المنوفى

modyfun5 said...

طبعا أنا منوفي ... وحابب أقول إني بأعاني كتير جدا من الخلاف بين الصعايدة والمنايفة
وحابب أوضح إن دايما العين بتحسد اللي أعلى منها ... وطبعا عشان المنايفة عاليين كله بيبصلهم نظرة ....
ودا اللي بيسموه الحقد الطبقي
وبأهديكم بيت الشعر اللي قاله الشاعر المنوفي
"أنا المنوفي لا أبالي ... تفزع جن الأرض من خيالي"
ياريت نبقى كلنا مصريين وبس