Saturday, July 05, 2008

تلصص على مدونات الآخرين

حين انتهيت من قراءة رواية التلصص .. أردت أن أرفع سماعة التلفون و أطلب أي انسان قرأها كي يقيم رأيي أنا فيها، لا أن يتلو عليّ تقييمه هو لها، ابتعدت عن الفكرة تماما، فتحت الكمبيوتر وتلصصت على مدونات آخرين، في عملية دامت ساعة على الأقل، وأغلقت الكمبيوتر، ورحت لحالي
**
حين بدأت قراءتها منذ أسابيع، قرأت عشر صفحات، وشعرت بملل شديد من التفاصيل، تركتها لأسابيع وعدت إليها، ثم انهيتها منذ عشرة أيام تقريبا، أكثر ما أعجبني في الرواية هو فكرة التلصص، لأنني ـ ولست وحدي في هذا تقريبا ـ أمارس التلصص، وبعد التلصص.. اندهش، واتساءل
التلصص في قراءة الصحف، مشاهدة التلفزيون، سماع الأغاني، ركوب المواصلات، مراقبة الحضور في أي اجتماع، التسكع أو التمشية في لفظها المهذب، حتى الأصحاب يتحولون إلى حالة للدراسة أحيانا.. وكأني أنثروبولوجي يراقب أجناس وأقوام ومجموعات
**
لأجرب التلصص على مدونات الآخرين
**
ساعات بيتحول كلام الناس إلى افيهات، وأحيانا كليشيهات، وأحيانا بيبقى زي جمل في تريلر فيلم
على سبيل المثال
**
**
**
**
**
**
**
**
أنا متأكد أنه فيه حد عدى أو بيعدي أو هيعدي هنا، وبتجيله نفس الحالة

8 comments:

Bella said...

انا بامر بنفس الحالة بالضبط ياعبده باشا

حتى رواية تلصص ماعرفتش اكملها

يادوب قريت كام صفحة ومن ساعتها مش قادرة امد ايدي عليها

مملة بشكل كبير

في الاول كنت فاكرة ان ده احساسي لوحدي

ولما كررت المحاولة في حالات مزاجية مختلفة ولقيت نفس النتيجة

ولما قريت رايك عرفت ان العيب فيها

هههههههههههههههه

حاسة بحالة من الملل والزهق مش عارفة اخرج منهم ازاي

bluestone said...

احيانا الواحد بيمر بحالة زهق حتى من الكلام
بتمر ايام كتير ببقى مش عايزة حتى افتح بقي واقول اي كلام من اي نوع

بس فعلا التلصص مملة ومملة جدا
الواحد كان مكسوف يقول احسن يقولوا عليه متخلف .. عشان عملوا عليها هليلة كبيرة واحتفالات .. صنع الله صنع الله .. بس فعلا هي رواية مملة جدا

البوست حميمي جدا
,, ارجو تكون استمتعت بالتلصص

Abdou Basha said...

صباح الخير
ازيكوا يا جماعة.. معلش واضح انه أثرت ذكريات أليمة بسبب الرواية دي
هو تقريبا أنا اكتشفت انه الحاجات اللي بيبقى فيها تفاصيل أو قريبة من السرد السنمائي مش بتبقى لذيذة أحيانا وقت القراية
**
الرواية تقريبا كانت مكتوبة لواحد ضرير، وبيوصف له اللي حصل
**
فيه فقرة كاملة عن الوالد وهو بيجلد كتاب ابنه ، وازاي جاب الورقة وفردها وتناها، ولفها، وحرقها بجاز
بس برضو في النهاية هقول انه المشكلة عندي انا، على اساس انه كل واحد حر يكتب اللي هو عايزه، والناس محدش بيجبرها على اللي بتقراه
**
مع ذلك ححاول مع رواية القبعة والعمامة لأنه فيه توصية بقراءتها من مدة
**
بس عنوان التلصص حلو :)
وممارسة التلصص أحلى
حتى الاقتباسات اللي فوق ظريفة، وممكن تعلق في دماغ الواحد

Abdou Basha said...

بس لازم استدراك هام
انه الرواية مش بشعة
بس تفتقد العظمة
وبشعر انها أهملت عقل القاريء لحساب تحفيزه على رسم صور في عقله للي قراه

Summar said...

انا مبحبش اتلصص
:)بس بحب اعرف الاخبار
مش اى حد والله علشان القراية خنقة جدا بالنسبة لى
بس فى جروب من البشر بحب اتطمن عليهم من فينة لفينة
:))مكتوبة كده صح
بس لينكات مدونات جميلة
شكرا على لينك بكرهكو كلكو
:))

NilE_QueeN said...

اهو كل واحد بيعبر عن مكنوناته بدل ما ننفجر

بنت القمر said...

متشكرين علي تلصصك والفرصه للتعرف علي مدونتين ليسوا علي الريدر بتاعي
ثانيا: مش المدونات صفحف مفتوحه للكل فكيف تتلصص علي ما هو غير محجوب او سري:)
لو عاوز تثبت انك مريت وقريت بامكانك ترك تعليق لو ضميرك مش مرتاح
:))
ولكن اعتقد ان الكل يفعل امر علي مدونات كثير اقرا واقرا التعليقات واذهب وده ليه اسباب كثير
منها الزهق العام او عدم الرغبه في التورط في جدل او نقاش
اوبغض شديد مع فضول مركز للمكان!! يعني اسباب كثير تخليني امر واذهب في سلام{تلصص}
الريدر الجوجلي هو جهاز تلصص علي تعريفك _هايل يوفر لك فلوس التاكسيات في التنقل هنا وهناك
تحياتي... متلصصه اخري

Abdou Basha said...

سمر
ازيك يا سمورة
لأ التلصص لذيذ، بالذات لو حاجة منشورة
واللنك ده انا شوفته تاني دلوقت، والله معبر جدا
:)
**
نايل كوين
فعلا.. تقريبا ده هدف انه يكون عندك مدونة
:)
**
بنت القمر
بالظبط.. وكمان في السيرش بتاع المدونات على جوجل، وحتى في البحث الجوجلي العادي، الواحد دلوقت بقى بيلاقي مدونات في نتائج أولى، الواحد بيضطر يتلصص
:d