Saturday, August 02, 2008

اعرف بلدك

مكنتش أعرف أنه فيه مبادرة في مصر لتوزيع مليون كتاب مجانا
وانه فيه ناس كتبت بكل فخر وحماسة عن الموضوع ده
وان الست سوزان مبارك بنفسها وقعت نسخ من الكتب دي لبعض القراء الأعزاء
وان الكتب هتتوزع مجانا على رواد المكتبات الجديدة اللي اتعملت في الحدائق، والكتب هتبقى مختومة بختم المبادرة
**
ليه محدش من أبناء الجالية بتاعتنا قال لي على الموضوع ده، الظاهر إن الكتب دي هتتوزع على المصريين بس

16 comments:

عدى النهار said...

غلطتك مش غلطة الست.. كان المفروض إنك تتابع الأخبار فى جريدة المغتربين مش الجرائد المحلية

بثينــــــة said...

تمام زي الوقفة المصرية اللي لوحها منورة في مصر الجديدة بس حيث تكثر العشوائيات ويسود الجهل والفقر
ههه

عزة مغازى said...

اطمن قراء صباح الخير ليهم فى الموضوع
زيارة صغيرة للدقهلية
يتبعها اقتتال صغير على اجحولة الكتب
وستحصل على ما شئت من رواكد و مرتجعات كتب مخازن الهيئات الحكومية

Anonymous said...

جالية ايه ؟هو انت مش مصري؟؟؟

Abdou Basha said...

عدى النهار
فعلا مبقتش اتابع أخبار الوطن كويس
**
بثينة
زكمان اليفط اللي على كوبري ستة اكتوبر
:)
**
عزة
ساعات بيبقى فيه حاجات زي كده محدش واخد باله منها، الا اللي بيشتغلوا فيها
**
أنونيموس
يعني.... ساعات وساعات

بنت القمر said...

اقولك علي حاجه غريبه
مش عارفه ليه حاسه ان اعرف بلدك دي علي وزن اعرف عدوك!!!ا

عزة مغازى said...

بنت القمر
والله العدو الذى اصطلح على انه عدو ممكن فهمه
اما هذه البلد
فهو ده اللى مش ممكن ابدا
اعداءنا ارحم بنا من بلدنا والله

قلم جاف said...

أنا مش "مصضضق" .. كتب وبالمجان؟ يكونوش بيوزعوا "الوسيط" ولا حاجة؟ ولا بيوزعوا "روزا اليوسف"" اليومي؟

عزة مغازى said...

فى افتتاح قصر ثقافة بنى عبيد فى الدقهلية الاسبوع اللى فات هيئة قصور الثقافة قامت بالواجب فى توزيع الكتب ضمن المبادرة بما ان فيه مسئولين وصحفيين من كبارات البلد بتوع مصر جايين يفتتحوا القصر
فلازم يشوفوا عيال مستحميين ومتلمعين مش اولاد القرية طبعا اللى بيلموا الدودة فى الاجازة
طب يلهوا بتوع الدودة بعيد عن القصر ازاى ؟؟؟؟؟؟؟؟
عندك يا سيدى جابوا شوالين " جوالين بالعربية الفصحى" فيهم كتب ومجلات قطر الندى الصادرة عن الهيئة
وضمن مبادرة المليون كتاب دى
سابوا الشوالين " الجوالين " للاولاد بتوع الدودة برة
يقطعوا شعر وهدوم بعض عشان اللى يلحق ياخد

وهكذا حققت السيدة سوزان مبارك ووزارة ثقافتها قاعدتى القراءة للجميع والبقاء للاقوى مجتمعتين
ومنجلكمش فحاجة وحشة

Abdou Basha said...

بنت القمر
اعرف بلدك
أو اعرف عدوك
النتيجة واحدة، اني بتعامل مع حاجة مش عارفها
:)
**
شريف
روزاليوسف ..!!؟
لو وزعوا قنابل عليهم يبقى أرحم
**
عزة
يعني المليون كتاب هيتوزعوا على العيال الصغيرة؟ أنا كنت فاكرها كتب بجد، لإن اللي كانوا طالعين في
الصورة
كان شكلهم شحطة ومن الأمن المركزي
بس متخيل منظر العيال وحالة التشرد اللي كانوا فيها.. فكروني بفيلم الجوع
:))

mohra said...

بالفعل صار المصريين جاليه داخل وطنهم

karakib said...

انا عايز من الكتب دي !!

ربيع said...

هو اللي أنا اخدت بالي منه ان في مكتبات الهيئة حاليا ، هاتلاقي على الأرض كام رصه لكام كتاب ، لما تشتري كتاب من المكتبة تاخد عليه واحد من الرصة دي ، المهم ان الرصة دي كلها كتب من عينة ، الدراما الوسيطه في العصر الحديث ، أو عن معنى الشعور ، أو تراجيديا المسرح الروماني في الأسكندرية
و كان من ضمنهم كتاب لخالد الصاوي ، مش عارف جالهم منين!!!

جابري said...

الفكرة في الخلط اللي كان هيحصل لو أعلنوا عن وجودها في مكتبات الحدائق العامة .. كانت الكتب هتروح لناس اللي بيعملوا قلة أدب في بعض في الحدائق .. ودا عيب

عزة مغازى said...
This comment has been removed by the author.
عزة مغازى said...

فيه تدوينتين جداد بعد التدوينة دى شفتهم على جوجل ريدر لكن مش موجودين على المدونة
هى دى مشكلة عندى
ولا مشكلة عامة ؟؟؟؟؟؟؟؟؟؟؟؟