Thursday, August 14, 2008

أصدقاء الحاكم بأمر الله والظاهر بيبرس

توجد اختلافات كبيرة حاليا بين جامع الحاكم بأمر الله ـ الأنور، وجامع الظاهر بيبرس
..
أنفق عليه البهرة ببذخ و تعاملوا معه بحفاوة أكبر من حفاوة الحكومة المصرية بأثارها، فزينوه بالنجف الغالي، والرخام الأغلى

و أرضية تحمي أقدام الزوار من حرارة شمس الصيف

بئر المسجد.. يخرج منها ماء بارد من كولدير خفي داخل البنيان الحجري

وقبل قدوم شهر رمضان، أدخلت بعض التجديدات الخارجية على واجهة المسجد، كان أبسطها تعديل لوحة البيانات

ثانيا جامع الظاهر بيبرس

هذا المسجد كما هو واضح منسوب الى صاحبه المملوكي الظاهر بيبرس، و سميت منطقة الظاهر بهذا الاسم نسبة إلى المسجد واسم السلطان الراحل

كان من نصيب السلطان أن يتم تجديد مسجده على يد المقاولون العرب، ..الجامع بشكل عام ـ ومنذ سنوات عديدة حين تعرفت عليه ـ كان أقرب إلى بناء مهجور، حتى صحن المسجد كانت قد نبتت فيه زروع نتيجة ارتفاع منسوب المياه الجوفية على مايبدو، ولا يستخدم من المسجد اليوم إلا المنطقة الأمامية القريبة من المنبر

منذ فترة، زرت المسجد، وتكررت الزيارات، وجدت ان صحن المسجد قد أغلق، ومنع السير فيه لأعمال التجديد، الأمر الذي أوجد كل هذا الركام، ومن الواضح ان هذه المنطقة من المسجد سيتم تفكيكها وتركيبها على مهل، حتى ينتهي العمل في موعده

كازخستان مهتمة بعمارة المسجد، لأن بيبرس أو باي بيرس ـ كما علمتنا احدى الاساتذة ـ تنتمى جذوره إلى هذه الدولة

أتمنى أن ينتقل إليه بهاء جامعي الحاكم بأمر الله و عمرو بن العاص، لان المسجد مساحته كبيرة، وتصميمه رااائع

**

واضح أن حكام مصر الراحلين لهم أصدقاء من بلدان أخرى، أوفى من أصدقائهم في الداخل

10 comments:

Marquis said...

I really do love your blog, and these pics are great
Nice work !

dr.Roufy said...

من ايام قليلة كنت أمر بمسجد الظاهر بيبرس ..وبجد اصابتني الحسرة لما آل اليه
للأسف حالة الآثار الاسلامية في بلدنا المحروسة مزرية
العديد من الأسبلة والمدارس الأثرية والمساجد متروكةباهمال منقطع النظير حتى يقضي الله أمرا كان مفعولا وتنهار أو تشب بها النيران
شئ مؤلم أن يهتم الآخرون بتراثنا بينما نحن عنه غافلون
أحييك على البوست والصور

radwa osama said...

مساء الفل يا عبده باشا
الجامع الأنور غير الحاكم بأمر الله ، انت كاتب على الصور أنه جامع الأنور بينما هو الحاكم بأمر الله ، كده تغلط فى جدى

زمان الوصل said...

أوّل مرّه فى حياتى أزور فيها جامع "عمر بن العاص" كانت من شهور قليله !! و أعترف أن هذا تقصير فادح ولكن .. صعقت حين رأيت الجامع .. فرغم مساحته الشاسعه لن تشعر بوجود فرق بينه و بين المسجد القريب من منزلك !! لن تشعر أن هذا هو أوّل مسجد بنى فى أفريقيا !! ستجده مطلىّ بطلاء حديث قد يشعرك أنّه أحد تلك المساجد السياحيه النادره التى تتواجد فى بلاد ذات أقليّه مسلمه .. لهذا أرجو أن يحصل مسجد الظاهر "باى برس" على ما يستحقه من اهتمام على ألاّ يتحوّل إلى ما آله إليه جامع عمرو

عدى النهار said...

البوست ده لإستكمال للبوست السابق.. مش كده برضه والا أنا بس اللي شايفه كده؟

amirakotb said...

الحاكم فعلاً من أحلى المساجد اللي قعدت فيها في مصر... تقريباً بادخل فيه وبانسى نفسي...

شايفاك كتبت عليه في البلوج بتاعك يجي 3 مرات بس شكلك ماروحتش الركن السري :-) عارفه ؟

المسجد من قدام خالص على الشمال خالص فيه ركن خيالي وهتلاقي عليه لوحة كبييييرةةةةةةةةةةةةةة سودا... دقق كدة فيها وهاتعرف فيها إيه... ولو إنك أكيد عارف :-)

mohra said...

انت جيت على الجرح
الظاهر بيبرس من اقرب الشخصيات الاسلاميه الى قلبى و كلما مررت بجوار الجامع احزن لما اصابه
لم يقم الحاكم بامر الله بنصف ما قام به بيبرس و لكن الدنيا حظوظ

Abdou Basha said...

ماركيز
شكرا لك، ومرحبا بك في بلدك الثاني مصر، وحاول تكتب عربي
:)
**
د.روفي
هناك شيء آخر أسوأ من حالة الأثر، وهو العاملين داخل الأثار، واقصد العمالة ، مش الأثري اللي بيعمل شغل، انا بتكلم عن اثر خلصان ومفتوح، فيه منهم بيعامل الزوار على انهم متطفلين
ناقص يقولوا للواحد، عيب عليك يا قليل الأدب عايز تدخل عليا الحمام
:))
**
رضوى
ازيك اخبارك ايه.. شوفي هما الاتنين واحد، الأنور الاسم الشعبي والمتداول، وعلى ستاير الجامع وانت داخلة على المنبر حتلاقي ستاير مكتوب في الوسط عليها الجامع الأنور، وانا مصورها حتى عندي
بس مادام طلعتوا قرايب يبقى اللي تشوفيه عشان متحصلش مشاكل عائلية
:D
**
زمان الوصل
هو جامع عمرو أبسط في عمارته الداخلية من جوامع كتير فيها زخارف اكتر.. جامع عمرو مريح للنفس.. طبعا في غير رمضان،
في رمضان ممكن الواحد يتعب نفسيا هناك
:)
**
عدى النهار
هو ممكن يتفهم كده، بس الصراحة انا مقصدتش ده
**
أميرة قطب
ازيك.. ايوه انا شوفت اللوحة السوده في المكان الغامض ده مرة قبل كده، هو المكان فعلا مخبأ.. بس اللوحة مشوفتهاش كويس الاضاءة كانت ضعيفة، تقريبا مش مكتوب عليها حاجة كمان
:)
انتي عندك قوة ملاحظة ومغامرة، انا كنت نسيت اللوحة دي خالص
انتي بكده بقيتي عضوة في جماعة اصدقاء الحاكم بأمر الله
**
مهرة
حتى بيبرس كان محظوظ الى حد كبير ، في سيرته وحفاوة الناس بيه
فيه أثار كتير مظلومة خارج الفترة الاسلامية، وحتى الاسلامية
.. على فكرة جامع ابن طولون ساحر، وان كان تقريبا شبه مهجور حسب ما روحته من مدة

amira kotb said...

لأ غالباً يبقى كله من الإضاءة :-)

اللوحة السودا الكبيرة دي جواها مساحة كبيرة من أستار الكعبة وطبعاً أستار الكعبة بيبقى مكتوب عليها حاجات

والركن ده بجد يعني ركن مايتحكيش عليه لو الواحد عايز يختلي بنفسه كده أو يعتكف

المهم ده شرف كبير لي إني أنضم للجمعية لأني من محبي المسجد ده من زمان

layal said...

من الرائع يا عبدو انك اخذت بعض الصور لجامع الظاهر بيبرس
فبعد سنوات ان شاء الله وانبني لن تظل من بقاياها الاصليه الا الصور

عذرا فأني اهتم بهذه الامور