Friday, February 06, 2009

فصل : في أنواع المزز واختلاف أصنافهن

StErEOtypIng - مزة - mAscUlIsm -كلمات مفتاحية : تراث الانترنت

المزة المثقفة : تدير ندوتها بشياكة وتأنق، توزع ابتساماتها على الحضور.. الذكور قبل الإناث، تتحدث بنبرة خافتة، وحنانها يفيض على المنصة، تكاد ترى السادة المثقفين يغرفون من دلالها ويستحمون برقتها كالحجيج الهندوس في نهر الجانج

المزة المناضلة : ناشطة هي، تتقدم صفوف الرجال كجان دارك في زمانها، تحفز ذكور المظاهرة، والاحتفالية، والندوة.. تصرخ دون خشية أو خوف في وجه الظلم والطغيان، أمازونية حتى العظم، تحيّد أي ذكر عن مواجهتها، فيكفيه شرف الوقوف بجانبها وقت الحماسة

المزة المحجبة : مطيعة لربها.. حسبما تدعي أزياءها، تفعل الخير في كل زمان ومكان، لديها من سعة الأفق ما يكفي لتوزيع كلماتها الشقية بين الشباب الطامح للفوز بجميلة الدنيا، صاحبة الدين، وجهها ينير من كثرة الوضوء، ومن إحكام الحجاب على رأسها

المزة الجامعية : طالبة في جروب فضفاض، يغلب عليه الطابع البناتي، يتطفل على عضواته شابين كان أحدهما زميل لها في مدرستها الثانوية، ترتدي الضيق والملزق دون اكتراث، تتفاعل جيدا مع واحد من شباب الأحماض الأمينية على أمل أن يهنأ كل منهما في بيت الزوجية السعيد

المزة الموظفة : تعففت عن مصادقة الفتيات اللاتي وقعن في أسر هوس الارتباط منذ سن الثامنة عشر، تتجول بين المكاتب كالفراشة متقمصة دور سعاد حسني في أفلام النصف الأول من الستينات، يحاول بعض أصحاب الكروش والشنبات الكثة التودد إليها لتعديل أمزجتهم المتكدرة بسبب زوجاتهم، لكنها تكيد لهم مكيدة قديمة تجعلها الفتاة المثيرة التي تصد أي شنب وقت اللزوم

المزة الصحافية : تحبذ استخدام لقب إعلامية، إن أتت متأخرة إلى الندوة، يخلو لها المقعد الأوسط في الصف الأول ـ اللهم اجعلنا من أصحاب الصفوف الأولى ـ أما إن أتت مبكرة، فهي مع الكبار في شغل فاكهون، صاخبة، متمردة، مزدانة بالحقائب والأجندات والأوراق والأقلام الملونة، ترتدي نظارات رغم حدة بصرها.. كلماتها تدخل الجمل القدر، وتدخل الرجل القبر

19 comments:

الفراشة الصغيرة said...

مزه
يعنى كل الكلام اللى قولته الى حد ما كويس
بس ليه اطلقت هذا اللقب كان ممكن تقول المرأه

~*§¦§ Appy §¦§*~ said...

اولا بعترض على لفظ مزه ده مبحبوششششششش
لانه له اصل بس المصريين حرفوه طبعا اصله يوناني مويليندا وهى المراه فائقه الجمال انما فى مصر بيطلق على اشكال كتير اوي مش كويسه
ثانيا المحجبه مش كلهم ملتزمين بالشكل بس فيهم اللى اسما وشكلا يعنى اخلاق وعمل وكل حاجه باقى التعرفيات اوك متفقه معاك
بس برضه الموظفه ممكن تكون بتصد الكروش والشنبات لان مش دول اللى ممكن يملوا حياتهم هى بس انسانه بتفكر بعقلها وده ميمنعش عواطفها

اسامه عبدالعال said...

اولا انا ميت من الضحك
ثانيا عايز اقولك مع كل صنف كنت بتخيل واحده قدامى تتوافق مواصفاتها مع المكتوب
بوست دمه خفيف وواقعى

هشام نصار said...

كلام في الجون
لو انا حبيت اقول مش هقول اكتر من كده
تستحق تبقى عبده باشا عن جدارة

tamer.sala7 said...

خلتني اقعد ادور علي المزة المناضلة والمزة المحجبة والمزة الجامعية والمزة الصحافية في كل المزز اللي الواحد يعرفهم

اسامه عبدالعال said...

ياريت ما ننساش التدوينه السوداء بكره حدادا على ضحايا غزه
http://osamalife.blogspot.com/2009/01/blog-post_9457.html

sham3on said...

للاخت ابي
المزه ولا يوناني ولا هندي المزه جايه من المزمزه زي الميرندا بالظبط
لعبد الورد
مبروك علي سبوبه الشروق و نحب نقولك مربوحه

الرابطة وبناء الأمة said...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

مصطفي ريان said...

اما انا افضلها مزة تسمع الكلام وتقعد في البيت لتهتم بي انا فقط
دمت بخير

dr.lecter said...

تعددت المزز والمسمي واحد

بس فيه انواع كتيره تانيه انت نسيتها هابقي اقولها لما افتكرها

bluestone said...

:)
:)
بقى أن تصنف من تعرفهن يا عبدو
ياترى اين اقع في تصنفيك
وان كنت لا اعتبرني مزة يعني :)))

بس شوف الكلمة لوحدها برغم ما جاء بعدها لتعديلها ورغم انه جاء صادقا وخفيفا
انما برضه جاب تعليقات بعضها كما ورد

عزة مغازى said...

@bluestone
يصنف من يعرفهن

سيكون هذا مشوقا اعتقدت انه تم تصنيفهن ضمنيا فى هذه التدوينة

حسنا ان وافق فلسوف نرى

فلتبدأ المجزرة

Tamer Diab said...

أنا بصراحه كنت هموت م الضحك عشان لكل وصف منهم جه في دماغ ناس معينة هههههههههههه
شكلهم يموت م الضحك بصراحة
بس بلاش مزه دي عشان بتتقال علي اشكال مش مظبوطة
تقبل زيارتي

blackcairorose said...

شوف

مبدئيا التدوينة فكرتني بتدوينة تانية لواحدة من المدونات كانت كاتبه فيها الانواع المختلفة من الرجالة

وبرضه الانواع كالعادة فى التدوينتين فيهم قدر لا بأس بيه من الكليشيه والنمطية

وبرضه الكليشية والنمطية عادتا ما بيكون ليها علاقة صغيرة او كبيرة بالواقع، يعني بيبقى ليهم اصل ما محسوس

كويس؟

وبعد الكلام الكبير اللي انا قلته دلوقتى، احب ادخل فى الموضوع المهم مباشرة واقول

بحاول اكون المثقفة

وهزعل لو حد بيشوفني الموظفة

واغلبنا فى مرحلة ما كنا الجامعية

وكلنا فى لحظة ما بنكون المناضلة

بس خلاص

أسما عواد said...

هاها ها
بحاول أشوف نفسي من أي نوع من هؤلاء يا ترى ممكن تكون صورتي واحدة منهم
بوست لطيف
شكرا

عزة مغازى said...

@ black cairo rose

ايوة بس لو فرضنا ان فى مزة صحفية
ومثقفة فهى غالبا جامعية ووارد انها تكون محجبة طب الكائن ده يبقى شكله ايه يعنى

مهو كدة البوست مش دقيق بالمرة

~*§¦§ Appy §¦§*~ said...

sham3on
========
لا دور حضرتك وانت تعرف اسمها موزاليندا وبعدين شروق ايه حضرتك وشكرا ليك

L0vElYGh0sT14 said...

انا بحي الأتحاد المصري

د. محمد رضــــا .. هل تراني said...

الله عليك يا ماززهم

بحب المزه الاولى اللي بتحمي الناس دي

وفي نفس الوقت محجبة


موضوعك دا

rock

انت بحالك

rocker

accept me in