Friday, February 20, 2009

التجنبية والتدوين

هناك من استخدم المدونة كوسيلة للتعارف على آخرين..، وهناك من كانت مدونته مجرد جزء من مشروع ما، وهناك تجنبيون اختاروا الانترنت على أمل تحقيق أي انجاز
رأيت صراعات بين من يكتب في مدونة لا تفيده، و من نجحوا في انجاز مشروعات عن طريق مدوناتهم
لفت نظري هذا الصراع منذ تصوير وثائقي الجزيرة وربما قبله بقليل، صراع يديره الحس التجنبي الانسحابي لدى من يدون، ضد الرغبة في نقل محتوى مدونته إلى الواقع
ليس صراع بين ورقي والكتروني، قد يكون صراع بين التجنبية والإقدام، بين الافتراضي والواقعي
تلك الفكرة التي خلقت حالة من اللوم على من يتحرك من صفوف الانترنت نحو الواقع
**
من وثائقي الجزيرة، وظهور المدونين في الفضائيات، مرورا بانتقال بعضهم إلى صحف بعينها على سمعة التدوين، ثم تحول كتابات المدونين إلى كتابات ورقية، والبدء في سلسلة من عمليات توقيع الكتب لشباب لم يتوقعوا في يوم من الأيام الحصول على لقب كاتب ، ختاما بمن يقدم الورش و المحاضرات حول المدونات والمدونين
كل هذا ... قوبل أحيانا بموجات من الرفض والاحتجاج والتنمر، وهو ما لا استطيع فهمه إلا في نطاق أنه صراع تديره تجنبية من استقر في الانترنت وعينه على من ينتقل خارجها
أراها غيرة.. غبطة
أدرك هذا المعنى لأني واحد من صقور التيار المحافظ
التيار الذي يرى في مدونته متعة شخصية، لا يهدف إلا إليها، على عكس من كانت مدوناتهم مجرد معبر أو مرحلة
في النهاية.. الجميع نوعا ما تجنبيون، لكن هناك من بقى محافظا، وهناك من لم يحافظ، وكلاهما حر و على صواب
**
من شهادات حركة التدوين المصرية – الجزء الثالث - ص23
مدونة آخر الحارة
مصر الجديدة - نوفمبر 2027

6 comments:

rat said...

بالمناسبة، كتير بتسلى لما بقرا تدويناتك
سلام
:)

بنت القمر said...

كل هذا ... قوبل أحيانا بموجات من الرفض والاحتجاج والتنمر، وهو ما لا استطيع فهمه إلا في نطاق أنه صراع تديره تجنبية من استقر في الانترنت وعينه على من ينتقل خارجها
أراها غيرة.. غبطة

======================
يعني ايه؟؟؟
يعني ايه صراع تديره تجنبية
يعني التجنبيون هما اللي بييديروا الصراع وتقصد بالتجنبييين المحافظين؟؟؟
مش فاهمه
وبعد واصف سلوكهم بالغيره والغبطة
وغيرة وغبطه ليه المثل بيقول اللي متغاظ مننا يعمل زينا المجال متاح للجميع للخروج بكتابته من خلف الشاشه الي الواقع مش عاوز يخرج خلاص هو حر من غير اي غبطة او غيرة
الموضوع يا عبد الرحمن صراعاردات
انا اخترت ده يبقي لازم انت تختار زيي وده تفريغ للحركة التدوينيه من ايقونتها الاساسيه اللي هي الحريه
اللي عاوز ينشر ينشر
يعني المعترض علي النشر الورقي ينشر اليكتروني عشان هو حر مش عاوز ينشر ورقي لكن حر ينشر اليكتروني وناس تقول انا موافقه علي النشر بس بالفصحي
الله طب انا مش عاوزة انشر .بالفصحي.طب ما اللي عاوز ينشر ينشر .واللي عاوز يقفل مدونته للريدرز هو حر واللي عاوزينشر اليكتروني بس هو برضه حر. ليه كل واحد حاطط دستور وعاوز بقية المدونين تمشي عليه
هه ..........ليه
هو ده مش ضد الحرية
اللي عاوز يخرج بكتابته للواقع وتجيله فرصة كويسه ايه العيب
ليه يبقي خااااان نفسه
وخاااان امة المدونين والكلام الكبير ده
طبعا غالبا انت عديت علي تدوينتين مختار الاخرانيتين
ايه كمية المصادرة دي اللي بنمارسها ضد بعضنا
وليه وبعدين تقولي غبطة
غبطة مين يا عم
دي منتهي المصادرة والديكتاتوريه لللاسف
وده تفريغ للتدوين من فكرة الحرية اصلا زي ما احنا رافضين نقابة كمان رافضين وصاية من بعضنا علي البعض الاخر
ولا الحرية دي ها نقطعها ونفصصها علي مزاجنا
!!
تحياتي

عباس العبد said...

صديقى العزيز
انا مختلف معاك كل الأختلاف و اسمحلى انى اعلن رأيى فى تدوينة .. اوضح فيها وجهة نظرى
المسألة مش مسألة غيرة و غبطة
المسألة مسألة وجع دماغ و وجع حاجات تانية لاداعى لذكرها فى هذا المكان المقدس
--
اسمحلى انى اعلن رأيى فى التدوينة التى اكتبها الأن

Bella said...

وانا كمان ياعبده باشا مختلفة معاك اختلافات جذرية

وسأرد عليك في تدوينة

معلش بقى ياعزيزي الاختلاف في الراي بيقطع كل الهدوم

هههههههههههههه

ابن المليونير said...

هو كل واحد لما عمل مدونته مش كان عارف ان الكلام اللى فيها هيقراه اى عابر مجانا و بدون اى استئذان منه ، يعنى المدون من البدايه فاتح بيته للسرقه يزعل ليه بقى لما السروق(حلوة السروق دى) تسرق منه؟


المدون يغضب لما كلامه يتاخد ويتحط فى كتاب و يتباع لان ده اعتداء على حقوقه الفكريه لكن النشر فى جريدة يزعل ليه ؟ دة مجرد القاء للضوء على كلام المدونين اللى يمكن محدش يقراه غير قلة قليلة من المتابعين للحركة، يعنى ترويج للفكر التدوينى اللى معظم الناس ميعرفوش عنه حاجة، المستفيد الاكبر هو المدون ، الجريدة مش هستفيد حاجة منه و لا حجم مبيعاتها هيزيد الضعف مثلا لانها نشرت ربع صفحه عن المدونات !!!

انا عارف انها سرقة و بدون ادنى تقدير لصاحب المدونة بس كله فى سبيل نشر و تعميم التدوين اللى اتمنى انه يحصل لان الحرية اللى فى المدونات دى لو موجودة فى الشارع المصرى اكيد الوضع هيختلف فياريت منمنعش الناس (قراء الجريدة) من انها تعرف اية هو التدوين بدل ما احنا عايشين على جزر منفصلة كدة ، كل طرف فى جزيرته عمال يصرخ و محدش سامعه

bluestone said...

شهادات الحركة التدوينية المصرية الجزء التالت ..
أنشتم رائحة ورق في الجو ولا ايه يا عبده ياعزيزي :)

تحية حارة للصقور ... احصاب التدوين للتدوين
التدوين من اجل ذاته من اجل متعته الخالصة الخالية من اي غرض