Sunday, April 05, 2009

prOstAtE mAssAgE

كان الكاتب يداعب حلزونته الصغيرة، على أمل أن تستجيب، فاقتحم المقهى شاب وفتاة، على الأقل هما أصغر منه بخمسة عشر سنة، كانا في حالة من الانبهار، ولكي يتم نعمته عليهما أخبرهما عن سهرة البيرة التي أربعها بالأمس، ثم بدأ في ممارسة اللزاقة على الفتاة وتهميش الشاب الصغير، كاتب بائس !!.. كان الأمر أشبه بعملية تدليك البروستاتا من أجل تيسير متاعب الحياة
حديث مكرر، ومستهلك، الحجاب والطرحة، عن الملابس الملزقة التي تزينها طرحة، وكأنها محاولة لنيل الدين والدنيا معا، فإن أردتها متدينة، فهي محجبة، وان اردتها مثيرة، فقد أدت ما عليها
ويقال أن الرجال حيوانات دنيا منحطة، أو كما يقال على السنة يسرا، وايناس الدغيدي، وغيرهن،"بيفكروا بنصهم التحتاني" وهو ما يدفع بعضهن إلى التنكيل بهؤلاء المنحطين، معلنين ان خلع ملابسهن هو نوع من التحدي.. وهناك من تدعي التواضع وتعلن انها ليست مثيرة، فهي كده على طبيعتها ـ حاجة رباني ـ وملابسها عادية، المشكلة في الرجالة المنحطين.. اعتقد ان الموضوع.. معقد، فلكل واحدة قصتها، وازمتها، والناس كلها تعبانة
بعد التجربة..إضراب 6أبريل أشبه بعملية تدليك البروستاتا من أجل تيسير متاعب الحياة

7 comments:

sham3on said...

طول عمرك واقعي يا عوبد والله
وكلنا اسر

karakib said...

3ahahahahaahaha
katabtaha ya fa2ry :))

^ H@fSS@^ said...

عبده باشا
يسرا و ايناس الدغيدي اسواء من يمثل المراة في قضاياها
هما الشايفين الموضوع جنس و قباحة و خلاص
زي ما في كتير فاهمين الليبرالية يعني تعالي ننام مع بعض
و يصبح فعل التحرر مطبقا اننا نتحرر من هدومنا

لكن موضوع التحرشات اللي حاصل اعتقد انه زاد عن حده بشكل فج اوي
و سواء كنت تقصد اسر او متقصدهاش فحتى الستات المنقبين بقى يتم التحرش بيهم و اعتقد انت عارف كدا
كون ان ده يندرج تحت عمل مساج خاص للمنطقة الخاصة دي
فمافيش مشكلة بس مش على حسابنا احنا يا عم و النبي
:D

Abdou Basha said...

صباح الفل
يا جماعة الموضوع ملوش علاقة بآسر ياسر خااالص، ولا التحرش
هاني عارف أصل الحكاية
عشان كده بيضحك الضحكة اللئيمة دي

بعد اذنكم أنا نازل اضرب مع الضاربين

karakib said...

ايه علاقة اسر بالمكتوب ده !؟ المكتوب ده له قصة تانيه خالص بعيدة عن عالم التدوين كنا قاعدين مع ناس من اللي بيقولوا عليهم فمينيست دول عااااااااااااههههههههههههاهاهاهاهااه

Abdou Basha said...

هاني
انت كمان عايز تلبسني في الحيط

لأ ده خلطة كده من كذا حاجة، بس ملهاش علاقة باسر او التحرش
--
عاملين ايه في الاضراب

sham3on said...

يا عم هو انت حتحجر علي النص انت بتبدع وتسيب تفسيره للدهماء انا شايف اسر خلاص سيبني اعيش هاني شايفه ناس تانيه وماله واهو كله في صالح النص
ومازال كلنا اسر
اعترض بقي