Friday, June 05, 2009

Obama online

Abdoubasha
صباح الفل.. اخبارك ايه يا ريس
ObAmA61
قشطة يا معلم، عامل ايه؟
Abdoubasha
تمام.. انت عملت إيه بعد ما رحت الهرم؟
شوفت المسخرة اللي احنا عايشين فيها
ObAmA61
مسخرة إيه؟؟
Abdoubasha
البشر اللي بتسقف في الجامعة... وبعدين أنت مأخدتش بالك انه البلد أخدت اجازة يوميها، ومفضيين الشوارع

ObAmA61
طب وانا مال أهلي؟ ان شالله يولعوا.. ده كان يوم فقر، ايه يا جدع الحر ده؟؟؟؟ وجايبنلي واحد اسمه زاهل حواس ولا إيه... طلع ........ أهلي
Abdoubasha
استنى أنا هقولك عللي حصل بعد ما انت مشيت
????
You have just sent a nudge
ياريس انت معايا؟
ObAmA61
سوري النت بيقطع
Abdoubasha
هبعتلك ميل
باي
رسالة إلى أوباما
صباح الفل
كنت بقولك انه البلد كانت مترشقة عربيات شرطة في كل حتة والعساكر خنقوا علينا جامد، تصدق قبليها بيوم كنت في وسط البلد شاري أكل من القزاز وكان معايا ناس واكتشفنا انه كل قهاوي البورصة قافلة!!ـ البورصة اللي بتبقى كلها كراسي قدام القهاوي ومبتعرفش تمشي منها.. الكراسي اختفت، وحتى القهاوي اللي على الشارع قفلت
وبعدين انت عارف اني اصلا بكره القزاز، وبقرف من شكل المحل اساسا، والبورصة دي مكان خنيق بس كنت مضطر، الواحد نفسه اتسدت
العجيب يا ريس انه بعد ما رجعت يوميها لقيتلك فيه حتت من اللي كان فيها فحت عاملين عليها صوان عشان سعاتك متشوفهاش، بس اكيد انت ناصح واخدت بالك، وقبليها بيومين كنت في الجامعة وعمال البلدية عمالين ينضفوا السور.. مش عارف الكلام ده بياكل معاك ولا ايه
المهم دلوقت أنا ببعتلك الرسالة دي بعد ما انت ما سافرت وسبت مصر، يعني بعد ما كل الناس بعتولك رسايل، احنا دلوقت في مرحلة التحليل والتنظير
كدا منظري مش ظريف، ياريت متقولش لحد من الشباب اني بعتلك الرسالة دي

8 comments:

هشام نصار said...

لا بجد جامده يا عوبد
(;

amirakotb said...

lol :-)

karakib said...

:D loool

Bella said...

يخرب مخك ياعبد باشا

مصيبة وبلوة مسيحة

اجمل موضوع اتعمل عن زيارة اوباما

مش ممكن دماغك دي يازعيم

هههههههههههههههههه

مايـو said...

جميلة :)

هوندا said...

تحفة بجد
:D

بنت القمر said...

عيب غيب بجد
ده احترام الضيوف!!
برضوا عاللاقل اكبر منك في السن اعمل له حساب
:))

محمود said...

اوباما
بعتلى اوفلاين
وزعلان منك
بيقولى عبد الرحمن مستكتر عليا
حبة النضافة اللى اتعملت فى البلد عشان خاطرى

ومضايق من انك جبت سيرة القزاز على الرغم انه كان قايلك قبل كده ما تفكرهوش بيه
وكمان موضوع قهوة البورصة انت مستقصد تضايقه

وقال ايه كمان بتستامنه على حاجه وانت عارف انه مش قدها

ينفع؟؟؟

هو قالى خليك وسطة خير بينا
وانا حبيت اهدى النفوس
عموما هو مستنيك الخميس الجاى فى نفس الميعاد ماتنساش

سلام