Friday, November 27, 2009

اضربني بالقلم .. اضربني يا جبان

في مرة كنت في سلانترو الكورنيش، وطلبت مني صديقة كنت لسه متعرف عليها إني أضربها بالقلم.. وكان الكلام ده وسط مجموعة
ـ إيه إنتي تعبانة ..؟ مالك فيه إيه؟
ـ بس اضربني بالقلم !!
ـ
ـ ااه وبعد كده تقوليلي اردلك القلم .. لا معلش أسف
ـ بس اضربني بالقلم ومش هقولك حاجة، أرجوك بسرعة بس
قولت بيني وبين نفسي ممكن يكون هيغمى عليها.. وعايزة حد يفوقها، يعني فيه مصيبة وراها
ضربتها بالقلم.. وقالتلي شكرا، وخلصت الحكاية
وكان فيه واحد لسه متعرف عليه وقتها برضو، راح مصور المشهد ده
واضح انها اشتغالة مش مفهومة.. فاتفقعت وقولتلها
ـ بصي يا استاذة .. احنا ممكن نعمل حفلة بعد كده ونجيب كرابيج وننزل كلنا ضرب في بعض
**
من كام يوم كنت بحكي لواحد صاحبي الحكاية دي، فأبدى غضبه وامتعاضه، وبعديها بالصدفة كنت بتفرج على جزء من فيلم كده رضا فكرني بالموقف ده
الدكتور النفسي خالد الصاوي بيقول لأحمد حلمي : اضربني بالقلم.. يا جبان اضربني بالقلم.. مش عايز تضربني بالقلم.. ااه تبقى اكيد جبان
لحد ما احمد حلمي ضربو بالقلم

واضح انه 78% بيمارسوا العنف ضد زوجاتهم، و22% الباقين بيمارسوه ضد صاحباتهم
صباح الفل
:)

2 comments:

karakib said...

saba7 el nor :D

Kontiki said...

:)
بالصدفة وانا بالف على المدونات ضحكتنى الحكاية جدا فكرتنى باللى عندة شعرة ساعه تروح وساعه تيجى