Saturday, January 23, 2010

فريق الساجدين

فيه ناس بتكتب عشان ناس تكتب عنها، وناس بتكتب عن الناس دي عشان يتكتب عنهم
والاتنين فرجة للخلق، ولما تبقى فرجة يبقى شوية اتعرفت، ودي بداية الشهرة، والشهرة سمعة، والسمعة مكسب
**
لا أدري لماذا لا يسجد أعضاء فريق الساجدين سويا بعد المباراة في مكان لائق؟ هل الهدف من السجود في الملعب هو أن يكون أمام الجمهور لأخذ العظة والعبرة وإطلاق عبارات من نوعية ما شاء الله، ربنا يكرمكوا يا ولاد مصر يا سمر يا ..الخ؟
الاطلاع على وجه السيد عماد متعب وهو يراقب الكاميرات مع كل فرصة ضائعة شيء محزن ومسيء إلى أي هجمة كروية أو مجهود يبذله زملاؤه، ويفقد العمل مصداقيته
من ضمن العبارات التي كتبها البعض كي ينقلها آخرون، ثم كتب عنها آخرون كي يكتب آخرون و..الخ، عبارات عن تأثير الغزو الوهابي والنفط الوهابي على المصريين و..الخ، كليشيهات ظريفة تخفي اخفاقات وسلوكيات متناقضة.. من الصعب أن يكون للنفط الوهابي تأثير مباشر على السيد حسن شحاتة في تصريحاته عن فريق الساجدين، فاللطيف في الأمر أن هناك فتاوى سعودية لا تجيز السجود في الملعب وهو ما اعتبره مفتي السعودية امرا مكروها، كذلك من الصعب وضع حمام الكموني سفاح نجع حمادي في سياق المد الوهابي أو غيره، وبعيدا عن هذه التفريعات.. لا أعتقد أن الفيفا حين لجأت إلى التحذير من ممارسة الطقوس الدينية في الملعب كانت تسعى إلى ممارسة القهر على الأديان.. بقدر ما كان رفضا دائما من توجيه رسائل دينية أو سياسية أو غيرها إلى الجمهور والاعلام
**
الأفضل لأعضاء فريق الساجدين أن يرتدوا ملابسهم كاملة، ويسجدوا لله في غرفة تبديل الملابس، إن كان سجودهم لا يستهدف الجمهور
رحم الله من يعمل في صمت ويكتب بصدق
--
تحديث 26-1 : كليب جديد تحت عنوان سر فوز مصر على الكاميرون

13 comments:

على باب الله said...

سجود منتخب الساجدين في الملعب هو سجود للجمهور طبعاً ، هو إمتداد طبيعي للزبيبة ( التي للجمهور أيضاً ) و اللحية و السبحة و بقية الإستعراضات التدينية التي نمارسها على بعضنا كل يوم في مظهرية غبية

A.SAMIR said...

عارف الموضة؟؟
انا اعتبر حكاية فريق الساجدين دة موضة
زي ما تقعد تسوق لشخص ما انه محترم محترم محترم....لحد ما يصدق نفسه انه محترم بزيادة قوي و يتصرف على هذا الأساس
تحياتي

زمان الوصل said...

من وقت ظهور المصطلح كنت أشعر بنفور شديد كُلّما قرأته فى سياق الإشاره للمنتخب المصرى !! و ما زاد نفورى مؤخّرا هو موقف "شحاته" و إعلانه عن اختياره للاعبين بناء على علاقتهم بخالقهم !! عفوا يعنى فى التعبير و هو مال أهله بهذه العلاقه !! و كيف سيقيّم صدقها و عمقها !! و هل تصريح مثل هذا يتّسق مع فكرة الاحتراف و الاحترافيه التى يجب أن تحكم العمل الذى يقوم به و من ضمنه اختيار لاعبيه بناء على حرفيتهم و ليس على تديّنهم !!
بأى حق يتحدّث "شحاته" عن "زيدان" و كونه بيصلّى ولا مابيصلّيش !! ألا يدلّل هذا على سهولة خداع "شحاته" و التظاهر بالالتزام أمامه طمعا فى الانضمام للفريق !! طيب إحنا عاوزين كشف حساب عن سلوكيات "شحاته" شخصيا و دليل على التزامه الدينى و الأخلاقى عشان يبقى قدوه للاعبين ولاّ نمنحه لاعبين ملتزمين و هو محدّش يعرف شكل التزامه إيه .. بجد حاجه زباله جدّا

سمكه واحده said...

عمتا انا مش شايفه فيها حاجه وحشه
بس هو الافضل الشكر يبقي بين الانسان وخالقه مش شرط شكر لله ادام الجمهور لانها علاقه خاصه بين الخالق والمخلوق
بس ممكن اوي ميكنش قصد الاعب اي حاجه من اللي حضرتك بتقول عليه هو ممكن يكون تعود او ثقافه
بدليل لو تلاحظ اي لاعب لو ظهر في لقاء تلفزيوني يدل علي انه معندوش اي نوع من الثقافه وطريقه الكلام والاسلوب طبعا مش كله بس لالغلبيه ملهمش في البطيخ
يعني ممكن يكون كل اللي بيعملوه ده مش مقصود
بس الافضل طبعا
تكون في مكان لائق
برغم من شكر ربنا سبحانه وتعالي في اي مكان واي وقت ومش بتحدد لابالزمان ولا المكان بس احترام لخصوصيه الشئ
ليس اكثر

آخر أيام الخريف said...

مش بس فى الكورة..اقحام الدين فى كل حاجة بقى شىء مستفز جدا

Aardvark EF-111B said...

كليب سييس نييك

آخر أيام الخريف said...

دلوقت اكتر من اى وقت فات حسيت بكل كلمة كتبتها فى البوست ده..بجد انت حطيت ايدك على الجرح و بمهارة جراح محترف

اميرة بهي الدين said...

واحنا زعلانين ليه
لعيبه الكوره يجيبوا جون ينبسطوا
فريق الفراعنه يسجدوا في المعلب
وفريق السامبا بيرقص سامبا لما يجيب جون
وميلا كان بيملا الملعب رقص افريقي لما يجيب جون
لاعبي اوربا معظهم اول مايجيب جون يجري وينزل علي ركبه ويرسم علامه الصليب
عادي
ايه المشكله
انا باعتقد انهم بيعملوا كده علشان فرحانين لما بيجيبوا جون ، مش مساله انهم بيعملوا ده علشان الجمهور ولا حاجه .... الواحد لما بيحصل له حاجه كويس بيقول اشكرك يارب ، ان شالله في سره ، يبقي تاثير الوهابيه ووجع الدماع مااعتقدش !!!! ليه الناس بتخلط الاوراق كلها علي بعض وفوق بعض

Alexandrian far away said...

الحقيقه أن أنتفاخ الروح بقيح التدين لدى أتباع الديانتين اللتين خربتا مصر عبر قرنين من الزمن أصبح مثير لغشمئزاز أي شخص له روح حقيقيه.

هشام نصار said...

على فكرة موضوع السجود موجود طول عمره من زمان لكن لقب فريق الساجدين هو اللي جديد
يا سيدي جايز يكونوا بيعملوا كده عشان يبقوا مثل أعلى لمشجعيهم
أو جايز عشان يثبتوا إن إيمانهم بإن ربنا هينصرهم هو سبب النصر

مسألة ان الشخص مرائي أو منافق دي متعلقة بالنية ، والنية لا يعلمها إلا الله
والله أعلم

07071964 said...

الوهابيه تعتمد على المظهر و لا تعتمد على الجوهر و من هنا انا مع الراى اللى بيقول ان ده من تاثير الوهابيه فى مصر

hoba11180@yahoo.com said...

فضل سجدة الشكر ... اغلبنا يفتقد فضلها ولايعرف كيفيتها

ان العبد اذا صلى ثم سجد سجدة الشكر فتح الرب تعالى الحجاب بين العبد وبين الملائكة
فيقول: يا ملائكتي انظروا الى عبدي أدى فريضتي وأتم عهدي ثم سجد لي شكرا على ما أنعمت به عليه

ياملائكتي ماذا له ؟
فتقول الملائكة:ياربنا رحمتك

ثم يقول الرب تعالى :ثم ماذا له؟
فتقول الملائكة:يا ربنا جنتك

فيقول الرب تعالى :ثم ماذا؟
فتقول الملائكة :ياربنا كفاه ماهمه

فيقول الرب تعالى :ثم ماذا؟
فلا يبقى شيء من الخير الا قالته الملائكة

فيقول الله تعالى:ياملائكتي ثم ماذا؟
فتقول الملائكة ياربنا لا علم لنا

فيقول الله تعالى :لأشكرنه كما شكرني وأقبل إليه بفضلي وأريه رحمتي


و ماذا يضرنا لو سجدنا سجود شكر كل يوم ؟؟؟؟؟؟؟؟؟
إنها سجدة ليست صلاة ؟!

ولا يُشترط لسجود الشكر ما يُشترط للصلاة من وضوء واستقبال قبلة وتكبير ؛ لأنه مجرد سجود .
وإن كان الأفضل أن يسجد على طهارة ويكون مستقبلا القبلة .
فمن تجددت له نعمة ، أو اندفعت عنه نقمة ، فيُسنّ له أن يسجد شكراً لله ، سواء كان متوضأ أو غير متوضئ ، وسواء كان مُستقبلا القبلة أو غير مستقبل القبلة .

وزعه لكل اللي عندك

لو يسمعونه تاخذ اجرهم

حتى وانت متوفي بعد عمر طويل

فأنصحك لا تفوت الفرصة عليك...


سبحان الله وبحمده عدد خلقه ورضاء نفسه وزنة عرشه ومداد كلماته
من قال " سبحان الله وبحمده " في يوم مائة مرة حُطَّت خطاياه وإن كانت مثل زبد البحر
سبحان الله وبحمده،، سبحان الله العظيم

infoalgeria said...

الأهم هو هل يجوز السجود في أرض قد تكون غير طاهرة بفعل بزاق اللاعبين فيها في كل وقت ؟
وهل يجوز السجود بالعرق والتبان القصير وفي اتجاه غير القبلة ؟