Saturday, April 03, 2010

بقايا ضمير

منذ أن كنت طفلا يطوف بين البلدان و البشر، كنت أسأل.. لماذا لا يكون القتل هو غاية الشجار؟ ولماذا لا نعتمد الغش شعارا في كل عمل؟ ما الذي يمنعنا؟ هناك قوى غامضة تعوق هذا الانفلات.. تفسرها إجابات أكثر غموضا، مثل : عشان احنا بشر مش حيوانات ! رغم أن برامج عالم الحيوان تعرض بعض الجوانب الرحيمة في هذا العالم يفتقدها عالم البشر
**
كان بإمكاني أن أمد يدي الشريفة كي تعبث بأجساد من قابلتهن عرضا.. لن تبتر يداي ولن يجلدني صاحب السوط، كانت أجسادهن سترضى بمن يلبي حاجة ومطلبا، لم أفعل، انصياعا للحكمة القديمة : احنا بشر، مش حيوانات
**
كان بإمكاني أن استغل كل سر عرفته عن كل شخص في جلسة ظريفة، كان بإمكاني أن أبذل نصف ما أبذل في الكثير من الأشياء.. كان/ وما زال بإمكاني أن أفعل كل هذا
**
ما الذي يمنع أن يكون القتل هو غاية الشجار؟
عشان إحنا بشر، مش حيوانات!!؟
لا
بقايا ضمير

5 comments:

richardCatheart said...

صباح الخير

بس ايه الفرق بين (علشان احنا بشر مش حيونات )
وبين ما اكتشفته علشان(بقايا الضمير

انا طول عمرى شايفه ان الفرق بين الحيوان والانسان هو الضمير
لا الهماجيه ولا قله الرحمه
فى حيوانات طيبه ومؤدبه فعلا وفى حيوانات رحيمه او معنى اصح عندها الجزء الل محتاجه
حتى العقل عند الحيوان بيعرف يميز
اه بقدر لكن هو مش محتاج اكتر من القدر دا هو لاهايحاسب ولا هايشيل رساله

اما الضمير او ماتبقى لنا منه هو اللى بيميزنا
الخوف منه ومن عذاباته ورنت صوته
هو الشىء اللى بيحسبنا كل يوم ويسالنا كل شويه
بس المهم انه يكون موجود لانه بيتزرع فى الانسان من صغره وفى ناس لاء مابيتزرعش او بيتزرع ومابيترعاش فابيموت مع الوقت
فابيتحول الانسان لحيوان قدراته العقليه اعلى من الحيوان العادى لكن زيه من غير ضمير


وعلشان كده بقولك انت ماعملتش كل دا
علشان انسان مش حيوان
ياعنى عندك ضمير
جميل البوست تقبل مرورى

Safa Harak said...

هي فعلاً "بقايا" ضمير

بنت القمر said...

مفيش حاجه اسمها ضمير ..الوازع ده مرتبط بالقيم ومنظومة الاخلاق والدين الموروثه بدليل انها مش انسانية شامله وثابته لكنها مختلفه جدا من مجتمع لآخر ومن ثقافة لاخري

بنت القمر said...

مفيش حاجه اسمها ضمير ..الوازع ده مرتبط بالقيم ومنظومة الاخلاق والدين الموروثه بدليل انها مش انسانية شامله وثابته لكنها مختلفه جدا من مجتمع لآخر ومن ثقافة لاخري

سمكه واحده said...

عشان فيه قليل من الضمي
تخيل بقي لو كان فيه ضمير كامل
كنا هنبقي ايه
!!!!