Wednesday, July 04, 2012

أنا رجعت اشتغل برنس تاني..


- انت اسمك إيه ؟
- وليد ...
- انت جاي مع مين هنا ؟
- انا لوحدي .. أمي ماتت ، وابويا مات
- يعني انت عايش مع مين يابني ..؟ بص عايز تشتغل، اشتغل، بس ماتكدبش
- انا عايش لوحدي ، اخواتي ماتوا ، وصحابي كمان ماتوا
- خد الجنيه ده يا وليد
- طب انا عايز جنيه كمان عشان أمي
- يابني انت مش بتقول أمك ماتت !!
- ااه هي كانت ميتة بس خفّت دلوقت
- هي الله يرحمها كانت ميتة وخفت من إيه يا وليد؟
- مش عارف بس هي خفت خلاص
- انت منين يابني؟
- انا من السيدة ، من شارع السّد
- وانا كمان من السيدة ... عند طولون
- انا برضو ساكن هناك في البيت اللي جنبك
- امال يا وليد مش بشوفك هناك ليه ؟ أنا ساكن في طولون بقالي 30 سنة !!؟
- لأ انا من السيدة والله ..
- عايز  لما تكبر يا وليد تبقى إيه ؟
- عايز أبقى برنس ... أو دكتور !!

- شوف يابني ، خليك برنس أحسن .. بص .. أنا اشتغلت برنس سنتين وبعديها روحت اشتغلت دكتور، لقيتها شغلانة مش جايبة همها، وخلاص، أنا رجعت اشتغل برنس تاني ..
- !!!!

.........................................................................................
* حوار مع طفل يبيع المناديل في وسط البلد

No comments: