Friday, February 22, 2013

في دايرة الرحلة

في الطريق .. ساعات بتقابل عابر سبيل
 ممكن تدله على سكة يوصل بيها ، وساعات بيمشي معاك لحد ما يوصل ، بس صعب يكمل معاك للنهاية
 وانت في الرحلة هتلاقي حاجة تعطلك ، و ساعات تلاقي السكة سالكة ، بس في الآخر هتوصل
**
في أجزاء من الرحلة بيظهر ناس، تمشي معاك لمجرد الونس ، لحد ما تزهق ، أو يزهقوا
ماحدش يقدر يقول إنه عارف طريقه
الحاجة اللي ممكن تكون متأكد منها انك في رحلة
بتختار طريقك
بتغير طريقك
بتركن
بتتعطل
بتكمل
في النهاية هتوصل
مش شرط توصل لنهاية الطريق ، بس الأكيد إنك هتوصل لنهاية الرحلة

2 comments:

أبو مروان said...

مش في كل الأحوال بنوصل للنهاية ... ساعات حاجة قدرية بتخدنا للنهاية ثانية إلا إذا كانت الرحلة اللي انت بتقصدها هي حياتنا...

عبدالرحمن said...

بالظبط :)