Wednesday, November 13, 2013

اللى يعيش ياما يشوف

أعظم مثل بيعبر عن المرحلة الحالية بالنسبة لي: "اللى يعيش ياما يشوف، واللى يلف يشوف اكتر .." ، أصل اليومين دول بمر بمواقف محصلتش معايا من فترة، يعني في لحظة من اللحظات، حسيت ان فيه مؤامرة، وكإن ناس ماتعرفش بعض، متفقين مع بعض .. ضدي.
**
بعيد عن جو البارانويا وعقد الاضطهاد والمؤامرات، الحقيقة أنا اتصدمت في حد ..!

فاصل : دموع + موسيقى تصويرية لياسر عبدالرحمن

المهم .. ان الموقف ده نفسه حصل معايا قبل كده، بس المرة دي كان أصعب، يمكن عشان جه في قمة الاحساس بالبارانويا والتآمر.
**
هنا باستدعي الجملة الخالدة للعظيم "أوكا" لما قال : الناس عايزة إيه؟ الناس بتعمل ايه ؟
أنا في المرحلة دي عايز أدوس على شيفت+ديليت، وامسح الموقف ده تحديدا من سلسلة المواقف الجبارة اللي بتحصل معايا، بس واضح اني هعيش شوية كده، والشخص ده مش هعرف اتعامل معاه الفترة الجاية لحد ما الدنيا تتظبط.
على رأي المثل: اللى يعيش ياما يشوف ..

1 comment:

Foxology said...

أنا مش مندهش لأن الاندهاش في حد ذاته بأة ملوش وجود

تحياتي