بغبغان 2
أنا عندي بغبغان
غلباوي بنص لسان
بيتكلم في السياسة
وبيعشق الرياسة
وكل كلامه فاضي
و زَن ع الودان
***
أنا عندي بغبغان
***
أنا عندي بغبغان
بيضايق الجيران
وفـ يوم طلعتله بومة
بومة معاها شومة
وبخبطة واحدة منها
جاتله حالة الجـِنان
***
أنا عندي بغبغان
***
مقرف.. غلس.. زنـّان
كان حلمه يبقى زعيم
ويقول كلام حكيم
والناس تعيد كلامه
وتقولـّه قول كمان
***
أنا عندي بغبغان
***
أنا عندي بغبغان
لئيم .. وألعوبان
بيغير لون الريش
عشان يقدر يعيش
أمير في كل عصر
ملك كل زمان
أنا عندي بغبغان
***
أنا عندي بغبغان
ندل.. نتن.. جبان
أصحابه بغبغانات
بيحَكـُّوا في اللي فات
لا يفيدوا أي حد
ولا يساعدوا إنسان
***
أنا عندي بغبغان
قتلت البغبغان
قتلت الألعوبان
قتلت معاه الهيافة
ودفنته في القرافة
والعقل بدأ يفكر
في جو من الأمان
كان عندي بغبغان .
كنتم مع..
عبدالرحمن مصطفى
12 comments:
جامدة جامدة يا درش والله بس خلى بالك احسن البغبغان دا بنص لسان وممكن يقول عليك
هههههههههه
مش قادره امسك نفسى من الضحك
قتلته
طب والله دى تتحسبلك شجاعه
يالا بقى فى داهيه ده كان بغبغان منيل قوى
بس بجد حلوه موووت
تسلم
طلعت شاعر يا عبدالرحمن
:-)
وعرفنا الببغان
بغبغان عن بغبغان يفرق
في منهم زي الصورة الثانية حلوين
ومنهم زي الصورة الأولى منيلين
:))
مع تحياتي لكل المناضلين البوق اللي بيضحكوا علينا وبيتاجروا بأسمنا
shabaskandrany:
درش ده يبقى والدي :)
ام المريله الكحلى:
زي ما بيقولوا، نقتل القتيل وتمشي في جنازته.
ليال:
هي محاولات، كل فترة كده اكتب حاجة :)
أيهم:
هو فعلا البغبغان اللي في الصورة الأولى ده اللي مودينا في داهية .
karakib:
إيه رأيك..؟
مش يستاهل الدبح برضه :)
مكسوفة:
ساعات بحس إن فيه حالة صراخ وزعيق وخناق بين الناس.. وفي النهاية بيبقى الوضع كما هو عليه .
أمتى يجى اليوم اللى نتجمع كلنا كده مع بعض ونموت البغبغان بتاعنا .على فكرة أنت فعلاً ظريف
شكرا علاء جدا
حالة الرغي اللي احنا عايشنها في مصر نفسي تنتهي .
Cool guestbook, interesting information... Keep it UP
» »
gamela geddan
(Y)
gamela geddan
(Y)
Post a Comment